Yeremiya 27:5 - Fulfulde Bible

⁵ Min bee baawɗe am mawɗe e juŋngo am fortaaŋgo tagrumi lesdi e yimɓe e dabbaaji gonɗi dow maari. Mi hokkan ɗum haa juŋngo mo ngiɗmi.

Fulfulde DC Bible

⁵ Min bee baawɗe am mawɗe e juŋngo am fortaaŋgo tagrumi lesdi e yimɓe e dabbaaji gonɗi dow maari. Mi hokkan ɗum haa juŋngo mo ngiɗmi.

Yeremiya 27:5 Iomraidhean Croise

Laataanooji 1:25

Allah waɗi dabbaaji ladde fodde asli maaji e dabbaaji saare fodde asli maaji e ladooji fodde asli maaji. O laari ɗum wooɗi.

Laataanooji 9:6

Koo moy rufi ƴiiƴam neɗɗo, ƴiiƴam muuɗum rufe boo bee juŋngo neɗɗo, ngam Allah tagi neɗɗo dow jaati muuɗum.

1 Laamiiɓe 8:42

koo ummaatooje jananne nanan ɗum, nden to jananno mo laataaki goɗɗo caka Isra'iila'en ummaatoore ma, wari diga lesdi ndaayiindi ngam toraago ma nder haykaliiru ndu'u,

Esira 1:2

“Ndaa nii Koores, laamiiɗo Persiya wi'i: Jawmiraawo Allah mo asama, hokki yam laamuuji duniyaaru fuu. Kaŋko o umri yam mi nyiɓana mo haykaliiru haa Urusaliima nder lesdi Yahuuda.

Nehemiya 9:22

A marni ɓe laamuuji e ummaatooje. Ɓe nyaami lesɗe heeddiɗɗiraaɓe maɓɓe. Ɓe nyaami lesdi Sihon, laamiiɗo Hesbon e lesdi Ook, laamiiɗo Baasan.

Jabuura 102:25

Ngam maajum mi wi'i: Yaa Allah am, taa a wifto yam nder nderkaaku am, an woni duumiiɗo diga yidere haa yidere.

Jabuura 96:5

Ngam ɗowanteeɓe jama'aaje fuu ɗum labbi meere, ammaa Jawmiraawo tagi asamanji.

Gurtaaki 20:11

Ngam nder nyalɗe joweego Jawmiraawo tagi asama e lesdi e mbeela e ko woni nder maajum fuu. O siwti nyalaade joweeɗiɗawre. Ngam maajum Jawmiraawo barkiɗini nyalaade siwtorde, o seni nde.

Gurtaaki 6:6

Ngam maajum yeccu Isra'iila'en ni'i: Min woni Jawmiraawo, Mi hisnan on diga ɓillaare kuugal Misra'en caatuŋgal, mi wurtinan on maccuŋgaaku maɓɓe, mi rimɗinan on bee juŋngo am fortaaŋgo e kiitaaji am mawɗi.

Esaaya 42:5

Allah Jawmiraawo mo tagi asamanji, we'iti ɗi, mo waɗi lesdi e fuɗŋgooji maari, mo hokki yimɓe wonɓe dow maari poofɗe e yahooɓe dow maari ruuhu – ndaa nii o wi'i suka maako:

Esaaya 44:24

Ndaa nii Jawmiraawo, coottoowo ma, tagɗo ma nder reedu daada ma wi'i: “Min woni Jawmiraawo, baɗoowo koo ɗume fuu. Min feere am mi we'iti asamanji. Saa'i mi we'iti lesdi, moy wonduno bee am?

Esaaya 45:12

Min waɗi lesdi, min tagi neɗɗo dow maari. Juuɗe am mbe'iti asamanji, min ɗowata jama'aaje man fuu.

Esaaya 48:13

Juŋngo am saɓɓi lesdi, nyaamo am we'iti asamanji. To mi ewnake lesdi e asamanji, ɗum fuu ɗum darodotto.

Esaaya 51:13

On ngejjiti Jawmiraawo tagɗo on, mo we'iti asamanji, mo jo'ini lesdi dow caɓɓaaje maari na? On ndiwnan foroy yeeso tikkere ɓillooɓe on, anninɓe halkugo on na? Kadi, toy tikkere maɓɓe yahata?

Yeremiya 27:4

Yeccu ɓe: Ndaa nii Jawmiraawo honooɓe asama, Allah Isra'iila umri on wi'ugo jaagorɓe mon:

Yeremiya 32:17

“Yaa Allah Jawmiraawo, an a tagi asama e lesdi bee baawɗe ma mawɗe e juŋngo ma fortaaŋgo. Walaa ko salorte!

Yeremiya 51:15

Jawmiraawo waɗi lesdi bee baawɗe mum, o tagi duniyaaru bee hikma maako, o we'iti asama bee anndal maako.

Daniyel 2:38

Koo toy fuu o marni ma yimɓe e dabbaaji ladde e colli asama. O laamini ma dow tagle ɗe'e fuu. An woni hoore kaŋŋeeri go.

Daniyel 4:14

Malaa'ika'en aynooɓe anndini anniya e kiita ka'a, ngam haa yeeɗɓe fuu paama Allah Ɓaŋiiɗo mari baawɗe dow laamu yimɓe. O laaminan mo o yiɗi fuu, koo ɓurɗo leesugo boo.

Daniyel 4:17

Lekki ki ngi'ɗa, ki ɓesdi darnde e semmbe, ki towi haa ki yotti asama, ki ɗon yi'e koo toy nder duniyaaru,

Daniyel 4:22

A riiwete diga caka yimɓe, a wondan e a wuurdan bee dabbaaji ladde, a nyaaman huɗo bana na'i, saawawre soofnete haa duuɓi joweeɗiɗi caalo haa to a annditi Allah Ɓaŋiiɗo mari baawɗe dow laamu yimɓe, o lamminan mo o yiɗi fuu.

Daniyel 4:25

Kuuje ɗe'e fuu laatani laamiiɗo Nabukodonosor.

Daniyel 5:18

Allah Ɓaŋiiɗo hokki baaba ma Nabukodonosor laamu e maŋngu e tedduŋgal e daraja.

Kuuɗe Nelaaɓe 14:15

“Onon worɓe, koni mbaɗoton ɗum? Minin boo min yimɓe bana mon! Min ngari haa ɗo ngam min ngaazina on Linjiila, haa on acca kuuje meereeje ɗe'e, on nuɗɗina Allah geeto, tagɗo asama e lesdi e mbeela e ko woni nder maajum fuu.

Kuuɗe Nelaaɓe 17:24

Allah tagɗo duniyaaru e ko woni nder maaru fuu, kaŋko woni Jawmiraawo asama e lesdi, o jooɗataako nder cuuɗi diina ɗe juuɗe yimɓe mahi.

Kuuɗe Nelaaɓe 17:26

Diga goɗɗo gooto o tagri asli yimɓe fuu haa ɓe njooɗo haa duniyaaru ndu'u fuu. O darni wakkatiiji e keeri joonde maɓɓe boo.

Tooktaaki Tawreeta 2:19

On ɓadititto Ammooni'en, danygol Ludu. Taa kone ɓe, taa kaɓe bee maɓɓe, ngam mi hokkataa on maral haa lesdi Ammooni'en, ngam mi marni ndi ɓikkoy Ludu.”

Tooktaaki Tawreeta 2:21

Ɓe mawɓe, ɗuuɗɓe, ɓe maapinndi'en bana Enaki'en. Ammaa Jawmiraawo nattini ɓe yeeso maɓɓe, ɓe kooci lesdi maɓɓe ɓe mari ndi, nden ɓe njooɗi haa nokkuure maɓɓe.

Tooktaaki Tawreeta 2:7

Ngam Jawmiraawo, Allah mooɗon barkiɗini on nder kuuɗe mon fuu. O hakkilani jahaale mon nder ladde mawnde nde'e. O wondi bee mooɗon duuɓi cappanɗe nayi ɗi'i fuu, on cooyaay koo ɗume.

Tooktaaki Tawreeta 2:9

Jawmiraawo wi'i yam: Taa kone Mo'abi'en, danygol Ludu, taa kaɓe bee maɓɓe. Mi marni ɓe berniwol Ar, mi hokkataa on koo ɗume haa lesdi maɓɓe.”

Tooktaaki Tawreeta 32:8

Nde Allah Ɓaŋiiɗo senndani ummaatooje mare, nde o senndi ɓiɓɓe Aadama, o darni keeri ummaatooje fodde limgal ɓiɓɓe Isra'iila.

Tooktaaki Tawreeta 4:17

koo suura ndabbaawa koo ngaye haa duniyaaru, koo sonndu koo nduye fiiranndu haa asama,

Tooktaaki Tawreeta 4:25

Koo to on nduuri nder lesdi, to on keɓi ɓikkoy e taaniraaɓe boo, taa mbaɗe hakke bee waɗango ko'e mon suuraaji labbi bee jaati koo ɗume. Ɗum kalluɗum haa Jawmiraawo, Allah mooɗon, ɗum tikkinan mo.

Tooktaaki Tawreeta 4:32

Ngam man ƴame ko saalino ɓooyma, saa'i on ndanyaaka tawon, diga nyalaade Allah tagi neɗɗo dow lesdi. Mbiɗite duniyaaru fuu. Mawɗum bana ɗu'um meeɗi laataago na? Goɗɗo meeɗi nanugo irin man na?

Tooktaaki Tawreeta 4:35

Onon, Jawmiraawo holli on ɗum fuu haa on paama kaŋko tan woni Allah, walaa ɗowanteeɗo goɗɗo.

Tooktaaki Tawreeta 5:16

Teddin baaba ma e daada ma, bana min Jawmiraawo, Allah maaɗa mi umri ma. Nden kam a heɓan hayru, balɗe ma njuutan nder lesdi ndi min Jawmiraawo, Allah maaɗa ndokkanmaami.

Tooktaaki Tawreeta 9:29

Ammaa kamɓe ngoni ummaatoore ma, maral ma, ɓe ngurtinɗa lesdi Misra bee baawɗe ma mawɗe e juŋngo ma fortaaŋgo.”

Kolossi'en 1:16

Ngam bee maako Allah tagri kuuje fuu haa asama e dow lesdi, ko yi'ete e ko yi'ataake boo, baawɗeeji e jawmiraaɓe e mawɓe asama e marɓe laamu. Allah tagri kuuje fuu bee Almasiihu, o tagi ɗe boo ngam maako.

Ibraniŋke'en 1:2

Ammaa nder balɗe ragareeje ɗe'e, o wolwani en bee hunnduko Ɓiɗɗomuuɗum. Bee maako Allah tagri koo ɗume fuu, o waɗi mo donoowo kuuje fuu.

Wahayu Yuhanna 4:11

“Yaa Jawmiraawo Allah amin, a he'i jaɓugo tedduŋgal e daraja e baawɗe! Ngam an tagi kuuje fuu, bee muuyo maaɗa ɗe tagra e ɗe keɓri joonde.”