Yeremiya 26:5 - Fulfulde Bible

⁵ kakkilane bolle sukaaɓe am annabi'en ɓe tokkiimi nelugo haa mooɗon. Ammaa on nanaay.

Fulfulde DC Bible

⁵ kakkilane bolle sukaaɓe am annabi'en ɓe tokkiimi nelugo haa mooɗon. Ammaa on nanaay.

Yeremiya 26:5 Iomraidhean Croise

2 Laamiiɓe 17:13

Jawmiraawo reentinino Isra'iila e Yahuuda bee kunnduɗe annabi'en e yi'ooɓe fuu, o wi'no ɓe: “Tuube, acce laabi mooɗon, ɗowtane umrooje am e farillaaji am fodde tawreeta ka umrumi kaakiraaɓe mooɗon fuu, ka neldumi on bee annabi'en, jaggiiɓe am.”

2 Laamiiɓe 17:23

haa Jawmiraawo itti Isra'iila yeeso maako, bana o wi'no bee kunnduɗe annabi'en maako. Isra'iila'en dahaama diga lesdi maɓɓe haa Assuura, haa wargo hannde.

2 Laamiiɓe 24:2

Nden Jawmiraawo neli mooɓe hippooɓe: Kaldiya'en e Siriya'en e Mo'abi'en e Ammooni'en dow Yooyakim, ngam halkugo laamu Yahuuda fodde wolde nde o wi'no bee kunnduɗe annabi'en maako.

2 Laamiiɓe 9:7

Sey mbara danygol Akab, jaagorɗo ma. Bana non mi waatoto annabi'en, jaggiiɓe am e jaggiiɓe am woɗɓe fuu, ɓe Izabel mbari.

Esira 9:11

ɗe ndokkunooɗa min bee kunnduɗe jaggiiɓe ma annabi'en. A wi'no: Lesdi ndi nastoton ngam haa maron ndi, ndi soɓi, ngam jananɓe jooɗiiɓe ton coɓni ndi bee kuuje muuɗum'en nyidduɗe, diga keerol haa keerol.

Yeremiya 11:7

Nde mi wurtini kaakiraaɓe mooɗon lesdi Misra, mi barri ɓe ɗuuɗɗum haa ɓe ɗowtano bolle am. Mi tokki barraago ɓe haa wargo hannde.

Yeremiya 29:19

Kanjum fuu ɗum laatoto ngam ɓe ɗowtanaaki bolle am ɗe tokkiimi neldugo haa maɓɓe bee kunnduɗe sukaaɓe am annabi'en, ɓe cali nanugo. Non Jawmiraawo wi'i.

Yeremiya 32:33

Ɓe ngaylitani yam ɓaawe, naa geese maɓɓe. Koo nde mi tokki ekkitingo ɓe, ɓe nanaay, ɓe njaɓaay elto.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 35:17

Ngam maajum min Jawmiraawo honooɓe asama, Allah Isra'iila, mi wi'i: Onon yimɓe Yahuuda e jooɗiiɓe nder Urusaliima, mi ukkanan on sarru ngu mbi'mi on fuu. Ngam mi wolwani on, ammaa on nanaay, mi ewni on, ammaa on njaabaaki.”

Yeremiya 44:4

Mi tokki nelugo suka'en am annabi'en haa maɓɓe, ɓe mbi'a ɓe: Taa mbaɗe nyidduɗum ɗu'um, ngam mi ɗon wanya ɗum!

Yeremiya 7:13

Jawmiraawo wi'i: “On ɗon mbaɗa hakkeeji ɗi'i fuu. Koo mi wolwani on tum, on cali nanugo. Nde mi ewni on, on njaabaaki.

Yeremiya 7:25

Diga kaakiraaɓe mooɗon ngurti Misra haa wargo hannde, mi tokki nelugo nde weeti fuu annabi'en sukaaɓe am fuu haa maɓɓe.

Ezekiyel 38:17

Diga ɓooyma mbi'mi bee kunnduɗe jagganiiɓe yam, annabi'en Isra'iila, waɗɓe annabaakuuji duuɓi ɗuuɗɗi bee wi'ugo mi tammi waddugo goɗɗo ngam o ukkano Isra'iila. An woni kaŋko.” Non Allah Jawmiraawo wi'i.

Amos 3:7

Allah Jawmiraawo waɗataa koo ɗume, sonaa o aarta o waŋgina sirriiji maako haa annabi'en jagganooɓe mo.

Zekariya 1:6

Ammaa mi ukkani kaakiraaɓe mooɗon naalooje fodde bolle am e farillaaji am ɗum umrumi sukaaɓe am annabi'en. Nden ɓe lorti, ɓe mbi'i: Jawmiraawo honooɓe asama anninino waɗugo min fodde laabi amin e kuuɗe amin, non o waɗi boo.”

Wahayu Yuhanna 10:7

Ammaa yaake nde yimɓe tammi nanugo sawtu malaa'ikaajo njoweeɗiɗaɓo, to o fuufi luwal maako, nden Allah timmitinan anniya muuɗum sirriiha, bana o anndinno jaggiiɓe maako, annabi'en.”

Wahayu Yuhanna 11:18

Ummaatooje tikkani ma, ammaa ɓernuki ma waŋgi. Ɗum wakkati hiitaago maayɓe, warjaago jaggiiɓe ma annabi'en e senaaɓe e hulɓe ma, mawɓe e leesɓe fuu. Non boo, wakkati ngam nattingo nattinooɓe lesdi!”