Yeremiya 26:4 - Fulfulde Bible

⁴ Yeccu ɓe: Ndaa nii Jawmiraawo wi'i: Naneeɗam, ɗowtane tawreeta ka ndokkumi on,

Fulfulde DC Bible

⁴ Yeccu ɓe: Ndaa nii Jawmiraawo wi'i: Naneeɗam, ɗowtane tawreeta ka ndokkumi on,

Yeremiya 26:4 Iomraidhean Croise

1 Laamiiɓe 9:6

Ammaa an e ummaatoore ma e le'i mooɗon, to on ngaylitake, on acci yam, to on ɗowtanaaki umrooje e farillaaji am ɗi umrumi on, to on njehi, on ndewi ɗowanteeɓe woɗɓe, to on turi yeeso maɓɓe ngam sujidango ɓe,

Esaaya 1:20

Ammaa to on calake, on tuurti, nden kam kaafahi nyaaman on.” Min Jawmiraawo wi'i ɗum.

Yeremiya 17:27

Ammaa sey on ɗowtano yam. Sey on cena nyannde siwtorde, taa on nastina doŋgle haa dammuɗe bernixol Urusaliima nder nyannde man. To naa non, mi huɓɓan yiite haa dammuɗe Urusaliima. Nge wulan cuuɗi maagol booɗɗi, nge nyifataako.”

Yeremiya 22:5

Ammaa to on ɗowtanaaki bolle ɗe'e, nden kam laamorde nde'e laatoto winnde. Min Jawmiraawo mi hunori ɗum bee hoore am.”

Yeremiya 32:23

Ammaa nde ɓe nasti ndi, ɓe mari ndi, ɓe ɗowtanaaki ma, ɓe ɗowtanaaki tawreeta ma. Ɓe mbaɗaay ko a umruno ɓe waɗugo fuu. Ngam maajum a ukkani ɓe sarru ngu'u fuu.

Yeremiya 44:10

Haa wargo hannde on leestinaay ko'e mon, on kulaay yam, on tokkaaki tawreeta am e umrooje ɗe umrumi on, onon e kaakiraaɓe mon.

Yeremiya 44:23

On ngulani ɗowanteeɓe woɗɓe uurle, on mbaɗi hakke dow Jawmiraawo, on nananaay mo, on tokkaaki tawreeta maako e farillaaji maako e seedamkuuji maako. Ngam man sarru ngu'u fuu ukkani on, bana ko laati hannde.”

Yeremiya 7:14

Ngam maajum, koo to on koolake suudu senaandu ngam am, mi waɗan ndu ko mbaɗmi Silo, non boo nokkuure nde ndokkumi on, onon e kaakiraaɓe mooɗon.

Tooktaaki Tawreeta 11:32

Kakkile haa on ɗowtano farillaaji e kiitaaji fuu ɗi umranmi on hannde.”

Tooktaaki Tawreeta 31:20

Ngam to mi yahri ɓe nder lesdi keewndi kosam e njumri ndi kunaniimi kaakiraaɓe maɓɓe, ɓe nyaaman ɓe kaaran, ɓe payan boo. Ammaa ɓe ngaylititto gal ɗowanteeɓe woɗɓe, ɓe njagganto ɓe, ɓe njawoto yam, ɓe ngewan alkawal am boo.

Tooktaaki Tawreeta 4:44

Ndaa tawreeta Allah ka Muusa hokki Isra'iila'en.

Tooktaaki Tawreeta 4:8

Ummaatoore ndeye, koo nde mawnde, woodi farillaaji e kiitaaji gooŋɗuɗi bana tawreeta ka'a fuu ka anndinanmi on hannde?

Ibraniŋke'en 6:18

Woodi kuuje ɗiɗi ɗe cannjataako, waɗataako Allah fewa nder maaje: Ɗum iinawol e hunayeere maako. Kanjum ɗum ɗon tiɗɗina en, enen nyukkotooɓe haa Allah, en njogo tammunde tabitnde nde o hokki en.