Yeremiya 26:13 - Fulfulde Bible

¹³ Ammaa jonta mbo'ine laabi mon e kuuɗe mon kadi. Nane bolle Jawmiraawo Allah mon. Nden kam Jawmiraawo faasitan ukkango on sarru ngu o wi'no.

Fulfulde DC Bible

¹³ Ammaa jonta mbo'ine laabi mon e kuuɗe mon kadi. Nane bolle Jawmiraawo Allah mon. Nden kam Jawmiraawo faasitan ukkango on sarru ngu o wi'no.

Yeremiya 26:13 Iomraidhean Croise

Gurtaaki 32:14

Jawmiraawo faasiti ukkugo sarru ngu o wi'no o ukkan dow yimɓe maako.

Esaaya 1:19

To on njaɓi ɗowtanaago yam, on nyaaman ɓurɗum wooɗugo haa lesdi.

Esaaya 55:7

Sey kalluɗo acca laawol mum, marɗo hakke acca numooji mum. O lorto haa Jawmiraawo, kaŋko boo o enɗan mo. O lorto haa Allah men, ngam o yaafoto ɗuuɗɗum.

Yeremiya 11:4

Mi haɓɓi ngal bee kaakiraaɓe mooɗon, nyannde nde mi wurtini ɓe lesdi Misra, haa ɓolinirde ngam ɓolingo njamndi. Mi wi'i ɓe: Naneeɗam, mbaɗe ko mi umrata on fuu. Nden kam on laatoto ummaatoore am, min boo mi laatoto Allah mooɗon.

Yeremiya 18:11

Jonta kadi, yeccu yimɓe Yahuuda e jooɗiiɓe haa Urusaliima: Ndaa nii Jawmiraawo wi'i: Mi ɗon taaskano on sarru, mi ɗon nufano on huunde hallunde. Lorte diga laabi mon kalluɗi, mbo'itine laabi mon e kuuɗe mon!

Yeremiya 18:8

Ammaa to ummaatoore man wayliti, acci halleende muuɗum, nden kam mi faasitan waɗugo kalluɗum ko mbi'mi dow maare.

Yeremiya 26:19

Laamiiɗo Hezekiya e yimɓe Yahuuda fuu mbaraay Mika. Ammaa Hezekiya huli Jawmiraawo, tori mo ɗuuɗɗum. Jawmiraawo boo faasiti ukkango ɓe sarru ngu o wi'no. Enen jonta en ɗon nastina ko'e meeɗen nder sarru naawŋgu.”

Yeremiya 26:3

Teema ɓe nanan, ɓe fuu ɓe lorto diga laabi maɓɓe kalluɗi. Nden kam mi faasitan waɗugo ɓe sarru ngu anninmi ukkango ɓe daliila kuuɗe maɓɓe kalluɗe.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 36:3

Teema, to yimɓe Yahuuda nani haala sarru ngu taaskiimi ukkango ɓe fuu, ɓe fuu ɓe lortoto diga laabi maɓɓe kalluɗi haa mi yaafo aybeeji maɓɓe e hakkeeji maɓɓe.”

Yeremiya 38:20

Yeremiya jaabi: “A hokkataake haa juuɗe maɓɓe. Useni ɗowtana bolle Jawmiraawo ɗe mbi'maami. Nden kam a heɓan hayru, yoŋki ma boo hisan.

Yeremiya 42:10

To on tokkake jooɗaago nder lesdi ndi'i, nden kam mi tabitinan on, mi nattintaa on, mi juboto on, mi ɗoofataa on. Ngam mi mimsitan sarru ngu mi ukkani on.

Ezekiyel 33:11

Yeccu ɓe: Fakat bana min Allah Jawmiraawo mi geeto, mi seyortaako maayde kalluɗo. Mi yiɗi o acca yahdu maako hallundu, o yeeɗa. Onon Isra'iila'en, acce laabi mon kalluɗi! Koni ngiɗɗon maayugo?

Yo'el 2:14

Moy anndi? Teema o waylititto, o faasitan, nden o accana on barka, haa on keɓa ko on lii'anto Jawmiraawo, Allah mooɗon bana dokke nyaamdu e dokke dufeteeɗe.

Yonas 3:9

Moy anndi? Teema Allah faasitan, o accan tikkango en tikkere saatunde ngam taa en kalka.”

Yonas 4:2

O tori Jawmiraawo: “Ayye, yaa Jawmiraawo! Na kanjum mbi'mi, wakkati mi ɗonno haa lesdi am tawon? Ngam maajum aartumi, ndoggumi yahugo Tarsis. Mi anndi a Allah marɗo enɗam e hinnuye, mo tikkataa law, mo mbooɗeeŋga mum ɗuuɗi, mo faasititta huuwugo sarru.

Tooktaaki Tawreeta 32:36

Ngam Jawmiraawo hiitanto ummaatoore mum, o hinnoto jaggiiɓe maako. Ngam o yi'i ɓe ɗon tampa, maccuɓe e rimɓe maɓɓe fuu njinni.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

Alkaali'en 2:18

Nde Jawmiraawo suɓani ɓe alkaali fuu, o ɗon wondi bee alkaali man, o ɗon hisna Isra'iila'en diga baawɗe konne'en muuɗum'en yaake alkaaliijo oo o geeto. Ngam Jawmiraawo yurmini ɓe ngam uumaali maɓɓe daliila ɓillanɓe e torranɓe ɓe.