Yeremiya 24:10 - Fulfulde Bible

¹⁰ Mi ukkanan ɓe konu e weelo e nyawu kalluŋgu ndaaɓoowu, haa ɓe natta nder lesdi ndi ndokkumi ɓe e kaakiraaɓe maɓɓe.”

Fulfulde DC Bible

¹⁰ Mi ukkanan ɓe konu e weelo e nyawu kalluŋgu ndaaɓoowu, haa ɓe natta nder lesdi ndi ndokkumi ɓe e kaakiraaɓe maɓɓe.”

Yeremiya 24:10 Iomraidhean Croise

1 Laamiiɓe 14:15

Jawmiraawo fiyan Isra'iila'en haa ɓe ndiwna bana kawlewol ndimmborto haa maayo. O ɗoofan ɓe, ɓe ndilla diga lesdi mboondi ndi'i, ndi o hokki baabiraaɓe maɓɓe. O saŋkitan ɓe haa gaɗa maayo Efratis, ngam ɓe mbaɗi suuraaji Asera, ɓe tikkini Jawmiraawo bee maaji.

Esaaya 51:19

Masiibooji ɗiɗi ɗi'i keɓi ma: Lesdi ma wonni, laati bille, yimɓe ma maayi bee dolo e kaafahi. Moy woyete, moy de'itinte?

Yeremiya 14:12

Koo to ɓe cuumake, mi nanataa bojji maɓɓe. Koo to ɓe lii'anake yam kirsaaɗi e dokke nyaamdu, mi yerdataako ɓe. Ammaa mi halkan ɓe bee konu e weelo e nyawu kalluŋgu ndaaɓoowu.”

Yeremiya 15:2

To ɓe ƴami ma: Toy min ndillata? Jaaba ɓe: Ndaa nii Jawmiraawo wi'i: Mo hoddirana maayrugo bee kaafahi, haa kaafahi o dillata. Mo hoddirana maayrugo bee weelo, haa weelo o dillata. Mo hoddirana daheeki bee kaɓɓorli, haa kaɓɓorli o dillata.

Yeremiya 16:4

Ɓe maayran nyawuji kalluɗi, walaa boyanɗo ɓe koo uwanɗo ɓe. Ɓe mbaaloto haa lesdi bana koonal. Ɓe kalkan bee kaafahi malla bee weelo, ɓalli maɓɓe laatoto nyaamdu colli e kuuje ladde.”

Yeremiya 19:7

Haa nokkuure nde'e mbilanmi nufayeeje Yahuuda e Urusaliima. Mi do'an yimɓe bee kaafahi konne'en maɓɓe yiɗɓe mbarugo ɓe. Mi nyaamnan colli e dabbaaji ɓalli maɓɓe.

Yeremiya 21:9

Koo moy jooɗoto nder berniwol ngo'ol, maayran bee kaafahi malla weelo malla nyawu kalluŋgu ndaaɓoowu. Ammaa mo wurtoto ngam hawtango Kaldiya'en hippiiɓe on, kaŋko o yeeɗan, o hisnan yoŋki maako.

Yeremiya 27:8

To ummaatoore wonnde malla laamu salake jagganaago Nabukodonosor, laamiiɗo Baabila, jaɓaay kaɓɓirgal laamu maako, nden kam mi hiitoto ummaatoore man bee konu e weelo e nyawu kalluŋgu ndaaɓoowu, haa to mi nattini ummaatoore nde'e bee juŋngo maako.

Yeremiya 29:17

Ndaa nii Jawmiraawo honooɓe asama wi'i: Mi nelan konu e weelo e nyawu kalluŋgu ndaaɓoowu caka maɓɓe. Mi laatinan ɓe bana ibbe nyolɗe ɗe yimɓe ngiɗaa nyaamugo ngam ɗe mbonnake masin.

Yeremiya 29:18

Mi taasnan ɓe bee konu e weelo e nyawu kalluŋgu ndaaɓoowu, mi laatinan ɓe nyidduɓe haa laamuuji duniyaaru fuu. Koo toy haa caŋkitanmi ɓe, yimɓe kultoran, kuɗan, njancan ɓe, naaliran bee innde maɓɓe.

Yeremiya 32:24

Ndaa, Kaldiya'en mbaagi lesdi haa yotti mahol berniwol ngam nyaamugo ngol. Ngol yanan haa juuɗe honanɓe ngol ngam daliila konu e weelo e nyawu kalluŋgu ndaaɓoowu. Ko mbi'ɗa fuu laatake, a ɗon yi'a ɗum!

Yeremiya 32:25

Ammaa bee non fuu, yaa Jawmiraawo, a wi'i mi sooda ngesa bee ceede haa gite seedooɓe, koo nde a hokki berniwol ngo'ol haa juuɗe Kaldiya'en.”

Yeremiya 34:17

Ngam maajum min Jawmiraawo mi wi'i: On ɗowtanaaki yam, on njoofaay banndiraaɓe mon fuu. Ammaa min mi yoofan on ngam haa maayron bee konu e nyawu kalluŋgu ndaaɓoowu e weelo, haa ummaatooje duniyaaru fuu kula saa'i ɗe ngi'i on.

Yeremiya 42:17

Huucitinɓe gite muuɗum'en haa Misra ngam jooɗaago ton, maayran bee kaafahi malla weelo malla nyawu kalluŋgu ndaaɓoowu. Walaa koo gooto maɓɓe luttata. Walaa koo gooto maɓɓe daɗata sarru ngu ukkananmi ɓe.”

Yeremiya 42:22

Jonta kam, annde booɗɗum: On maayran bee kaafahi malla weelo malla nyawu kalluŋgu ndaaɓoowu haa lesdi ndi ngiɗɗon yahgo jooɗo ton.”

Yeremiya 5:12

Ɓe ngeddi yam, ɓe ɗon mbi'a: Walaa ko o waɗata! Sarru ukkantaako min, min - ngi'ataa kaafahi koo weelo.

Yeremiya 9:15

Mi saŋkitan ɓe caka ummaatooje ɗe ɓe anndaa, koo kamɓe, koo kaakiraaɓe maɓɓe. Mi ukkanan ɓe konu haa to mi nattini ɓe.”

Yeremiya 9:16

Ndaa nii Jawmiraawo honooɓe asama wi'i: “Kakkile, ewne rewɓe woyooɓe e annduɓe gimi cunooji ɓe ngara.”

Ezekiyel 33:27

Yeccu ɓe: Ndaa nii Allah Jawmiraawo wi'i: Fakat bana mi geeto, jooɗiiɓe nder bille maayran bee kaafahi. Wonɓe haa yaasi boo, kuuje ladde nyaaman ɓe. Nyukkiiɓe nder tapaaje kooseeje e lowi maayan bee nyawu kalluŋgu ndaaɓoowu.

Ezekiyel 6:11

Ndaa nii Allah Jawmiraawo wi'i: “Hellu juuɗe ma, diɓɓu lesdi, wi': Kayya! Kaafahi e weelo e nyawu kalluŋgu ndaaɓoowu nattinan yimɓe Isra'iila ngam kuuɗe muuɗum'en nyidduɗe fuu.

Ezekiyel 7:15

Haa yaasi, kaafahi ɗon, haa nder boo nyawu kalluŋgu ndaaɓoowu e weelo. Mo ɗon haa ladde, maayran bee kaafahi. Mo ɗon nder berniwol, nyawu kalluŋgu ndaaɓoowu e weelo mbaran ɗum.

Tooktaaki Tawreeta 28:21

Jawmiraawo ukkan nyawu kalluŋgu ndaaɓoowu dow mooɗon, haa to walaa koo gooto mon lutti nder lesdi ndi nastoton marugo ɗum.

Wahayu Yuhanna 6:8

Mi yi'i, puccu puru. Ba'iiɗo ngu wi'ete Maayde, nden bi'eteeɗo Joonde-maayɓe tokki mo. Ɓe ndokkaama baawɗe dow yeɓre duniyaaru woore nder nayi haa ɓe mbara yimɓe bee kaafahi e weelo e nyawu ndaaɓoowu e dabbaaji ladde.