Yeremiya 23:11 - Fulfulde Bible

¹¹ Jawmiraawo wi'i: Annabi'en e liman'en mbonnake, mi tawi halleende maɓɓe koo nder suudu am boo.

Fulfulde DC Bible

¹¹ Jawmiraawo wi'i: Annabi'en e liman'en mbonnake, mi tawi halleende maɓɓe koo nder suudu am boo.

Yeremiya 23:11 Iomraidhean Croise

2 Habaruuji Nyalaaɗe 33:5

O nyiɓani tagle asama fuu kirsirɗe haa dalde ɗiɗi nder haykaliiru Jawmiraawo.

2 Habaruuji Nyalaaɗe 33:7

O darni suura lawru cehaaŋga nder haykaliiru Allah, ndu Allah wi'no Daawuda e ɓiyum Suleymaanu boo: “Haa haykaliiru Urusaliima ndu'u, berniwol ngol cuɓmi caka berniiji le'i Isra'iila sappo e ɗiɗi fuu haa innde am wona ton haa foroy.

2 Habaruuji Nyalaaɗe 36:14

Mawɓe liman'en e yimɓe boo tokki yewugo umroore Allah. Ɓe kuuwi fodde kuuɗe nyidduɗe ɗe ummaatooje goɗɗe kuuwi fuu. Ɓe coɓni haykaliiru Jawmiraawo ndu o senno haa Urusaliima.

Esira 10:18

Caka liman'en, ndaa te'ɓe ɓiɓɓe rewɓe jananɓe: Caka ɓiɓɓe Yeesu'a ɓii Yocadak e banndiraaɓe muuɗum: Ma'aseya e Eli'azaaru e Yariba e Gedaliya.

Yeremiya 11:15

Jawmiraawo wi'i: “Yimɓe ɓe'e ɓe ngiɗmi, ɗon mbaɗa halleende. Ɗume ɓe ɗaɓɓata nder suudu am jonta? Ɓe tammo togayeeje e kusel kirsanaaŋgel labbi hisnan ɓe sarru na?

Yeremiya 23:15

Ngam maajum, ndaa nii Jawmiraawo honooɓe asama wi'i dow annabi'en ɓe'e: Mi nyaamnan ɓe kaaɗɗum, mi yarnan ɓe ndiyam mbaroojam. Ngam faasikaare fuu iwi haa annabi'en Urusaliima, nde saŋkiti haa lesdi fuu.”

Yeremiya 32:34

Ko ɓuri hallugo boo, ɓe njo'ini labbi maɓɓe nyidduɗi nder suudu senaandu ngam am, ɓe coɓni ndu.

Yeremiya 5:31

Annabi'en ɗon ngaazina fewre, liman'en ɗon laamo bana ɓerɗe maɓɓe ngiɗi, ummaatoore am boo yerdi ɗum. Ammaa ɗume on mbaɗata to timmoode yottake?”

Yeremiya 50:6

Yimɓe ummaatoore am laati bana baali majjuɗi. Waynaaɓe maɓɓe majjini ɓe dow kooseeje. Ɓe ngiili bana baali diga hooseere nde'e haa ndeya, ɓe ngejjiti waalde maɓɓe.

Yeremiya 6:13

“Ɓe fuu maɓɓe, mawɓe e leesɓe, ɗon ɗaɓɓa riba kalluka. Annabi'en e liman'en fuu ɗon mbaɗa rikici.

Yeremiya 7:30

Jawmiraawo wi'i: “Yimɓe Yahuuda mbaɗi kalluɗum yeeso am, ɓe njo'ini labbi maɓɓe nyidduɗi nder suudu senaandu ngam am, ɓe coɓni ndu.

Yeremiya 8:10

Ngam maajum ndokkanmi rewɓe maɓɓe haa juuɗe woɗɓe, gese maɓɓe boo haa jawmiraaɓe woɗɓe. Koo moy maɓɓe, mawɗo e leesɗo fuu, ɗon ɗaɓɓa riba kalluka. Liman'en e annabi'en fuu ɓe ɗon mbaɗa rikici.

Gimi Boyki 2:20

Laar, yaa Jawmiraawo, laar mo torruɗa bana non! To rewɓe nyaami ɓikkoy muuɗum'en ngiɗaakoy, ɗum fotti na? To liman'en e annabi'en mbaraama nder haykaliiru, ɗum fotti na?

Ezekiyel 23:39

Ɓe kirsi ɓikkoy maɓɓe, ɓe lii'ani koy labbi maɓɓe, nden ɓe ngari nyalaade man nder suudu am seniindu, ɓe coɓni ndu. Bana nii ɓe mbaɗi nder suudu am.

Ezekiyel 44:10

Lewi'en accuɓe yam nde Isra'iila'en luttuɓe ngayliti, acci yam ngam tokkaago labbi, sey ɓe ndoondo kiita aybe maɓɓe.

Ezekiyel 7:20

Ɓe mantori kuuje maɓɓe marɗe saman, ɓe mbaɗi labbi e kuuɗe nyidduɗe bee maaje. Ngam maajum ngartiranmi ɗum fuu coɓɗum ngam maɓɓe.

Ezekiyel 8:11

Worɓe cappanɗe njoweeɗiɗo, ndotti'en Isra'iila ɗon ndari yeeso maaji, Yaajaniya ɓii Safan boo ɗon caka maɓɓe. Koo moy woodi feho uurorgo haa juŋngo mum, cuurɗe uureeŋgol uurle ɗon ummo e pehe ɗe'e.

Ezekiyel 8:16

Nden o yahri yam haa daldal haykaliiru Jawmiraawo nderwal. Ton, baŋnge nastirde haykaliiru, hakkunde daŋki e hirsirde, worɓe baakin noogas e njowo ndokki ɓaawe haa haykaliiru Jawmiraawo, geese maɓɓe tiiti fuunaaŋge, ɓe ɗon cujidana naaŋge.

Sefaniya 3:3

Saraaki'en caka maagol ɓe barooɗe ngurɓotooɗe, hiitooɓe maagol boo caafaali jaɓtanɗi saa'i kiikiiɗe, ɓe luttataa koo i'al gootal haa fajiri.

Sefaniya 3:4

Annabi'en maagol ɓe elewɓe, rikici'en, liman'en maagol boo ɗon coɓna ceniiɗum, ɗon luuta tawreeta.