Yeremiya 22:6 - Fulfulde Bible

⁶ Ndaa nii Jawmiraawo wi'i: “Laamorde laamiiɗo Yahuuda wooɗi haa gite am bana lesdi Gile'at e yeereere hooseere Libanon. Ammaa mi wartiran nde winnde e nokkuure ferwunde.

Fulfulde DC Bible

⁶ Ndaa nii Jawmiraawo wi'i: “Laamorde laamiiɗo Yahuuda wooɗi haa gite am bana lesdi Gile'at e yeereere hooseere Libanon. Ammaa mi wartiran nde winnde e nokkuure ferwunde.

Yeremiya 22:6 Iomraidhean Croise

Laataanooji 37:25

Nden ɓe njooɗi ngam nyaamugo. Ɓe ɓaŋgti gite, ɓe ngi'i yimɓe filooɓe ɓe asŋgol Isma'iilu ɗon ngara diga Gile'at. Geelooɗi maɓɓe ɗon ndimndi uurle e ɗaccere uurnde e leɗɗe uurɗe. Ɓe ɗon njahra ɗum haa Misra.

Jabuura 107:34

O wartiri lesdi mboondi ngoolirde, ngam daliila halleende jooɗiiɓe ton.

Yimre Suleymaanu 4:1

An a ŋarniiɗo masin, an giɗaaɗo am, an a ŋarniiɗo masin. Non boo gite ma bana pooli haa ɓaawo suddaare ma. Gaasa hoore maaɗa bana tokkere be'i, diirtotooɗi hooseere Gile'at.

Yimre Suleymaanu 5:15

Korle maako ɗe daŋraŋge kaa'e daneeje, jo'inaaɗe dow caɓɓal kaŋŋeeri. Jaati maako nanndi bee hooseere Libanon, o feereejo bana leɗɗe cemmbiɗɗe.

Esaaya 27:10

Walaa koo gooto haa berniwol cemmbiɗŋgol. Ngol laati jooɗorde accaande, ferewnde bana ladde hamaadaare. Ga'i ɗon ndura ton, ɗi ɗon mbaalo ton, ɗi ɗon nyaama huɗo wonko ton.

Esaaya 37:24

Bee kunnduɗe jaggiiɓe ma njancuɗa Jawmiraawo, mbi'ɗa: Min mi wa'i towɗe kooseeje bee mooɓre mootaaji pucci am, haa yeereere Libanon ɓurnde daayaago. Mi fe'i leɗɗe maare mawɗe cemmbiɗɗe e leɗɗe maare cuɓaaɗe booɗɗe. Mi yotti yeereere Libanon, laynde maare ɓurdunde sukkugo.

Esaaya 6:11

Mi ƴami: “Haa ndeye ɗum timmata, yaa Jawmiraawo?” O jaabi: “Haa to berniiji laatake bille, walaa jooɗiiɓe ton, cuuɗi cooya yimɓe, lesdi laato ladde meere,

Yeremiya 21:11

Yeccu saare laamiiɗo Yahuuda: “Onon yimɓe saare Daawuda, nane ko Jawmiraawo wi'ata on! Nde weeti fuu mbaɗe kiita ngooŋɗuka! Kisne jaɓtaaɗo nder juŋngo toonyoowo, ngam taa tikkere am bana yiite nge goɗɗo waawataa nyifugo umma, wula koo ɗume fuu daliila kuuɗe mon kalluɗe.

Yeremiya 21:14

Ammaa min mi hiitoto on daliila kuuɗe mooɗon. Mi huɓɓan yiite nder laynde mooɗon, nge nyaama berniwol fuu,” non Jawmiraawo wi'i.

Yeremiya 22:24

Jawmiraawo wi'i dow Koniya ɓii Yooyakim, laamiiɗo Yahuuda: “Fakat bana mi geeto, koo to a laatake halagaare haa juŋngo am nyaamo, mi ittete,

Yeremiya 26:18

“Nder zamanu laamiiɗo Hezekiya, Mika mo Moraset waɗani yimɓe Yahuuda fuu annabaaku, yecci ɓe: Ndaa nii Jawmiraawo honooɓe asama wi'i: Konne'en ndeman Siyona bana ngesa, Urusaliima laatoto bille, hooseere haa haykaliiru woni laatoto towndiire guuɓe.

Yeremiya 4:20

Ɓe ɗon anndina masiibo dow masiibo, lesdi fuu natti, jonta nii cuuɗi am e laymaaji am kalki!

Yeremiya 4:7

Mbarooga wurti lowol muuɗum, nattinoowo ummaatooje ummi, wurti nokkuure muuɗum ngam wartirgo lesdi mooɗon ladde meere, ngam wilugo berniiji mooɗon, ɗi cooya jooɗiiɓe ton.

Yeremiya 50:12

Lesdi mooɗon, kayri boo ndi toskoto, ndi heewan mbustu. Kaldiya laatoto ummaatoore ɓaawoore, Baabila laatoto ladde hamaadaare meere.

Yeremiya 7:34

Lesdi laatoto ladde meere, mi je'inan gimi seyo e hoolo welwelo e daande ɓaŋɗo e daande ɓaŋgeteeɗo nder gure Yahuuda, non boo dow laabi Urusaliima.”

Yeremiya 8:22

Lekki woodaa haa lesdi Gile'at na? Walaa nyawndoowo ton na? Ngam ɗume ummaatoore am yamɗitaay?

Yeremiya 9:11

Hikmaajo moy faami kuuje ɗe'e? To Jawmiraawo wolwani mo, nden kam sey o anndina ɗum woɗɓe! Ngam ɗume lesdi halki, wulaama bana ladde meere nde goɗɗo saalataako ɗum?

Mika 3:12

Ngam maajum, daliila mooɗon ɓe ndeman Siyona bana ngesa, Urusaliima laatoto bille, hooseere haa haykaliiru woni laatoto towndiire guuɓe.

Zekariya 11:1

An Libanon, maɓɓitit dammuɗe maaɗa, haa yiite nyaama leɗɗe ma cemmbiɗɗe.

Limle 32:1

Le'i Ruben e Gada mari dabbaaji ɗuuɗɗi masin. Ɓe ngi'i no lesdi Ya'ajer e lesdi Gile'at laatori durdude woonde.

Tooktaaki Tawreeta 3:25

Accu mi eero maayo Urdun, mi yi'a lesdi mboondi gaɗa maayo e lesdi kooseeje booɗɗe e kooseeje Libanon.