Yeremiya 21:7 - Fulfulde Bible

⁷ Ɓaawo man ndokkanmi Sedekiya, laamiiɗo Yahuuda e saraaki'en mum e yimɓe luttuɓe nder berniwol haa juŋngo Nabukodonosor, laamiiɗo Baabila, haa juuɗe konne'en maɓɓe yiɗɓe mbarugo ɓe. Luttuɓe nder berniwol ɓe maayaay bee nyawu kalluŋgu ndaaɓoowu malla kaafahi malla weelo, Nabukodonosor umran mbarugo ɓe bee kaafahi. O enɗataa ɓe, o accataa koo gooto maɓɓe bee yoŋki, o yurmintaa ɓe sam.”

Fulfulde DC Bible

⁷ Ɓaawo man ndokkanmi Sedekiya, laamiiɗo Yahuuda e saraaki'en mum e yimɓe luttuɓe nder berniwol haa juŋngo Nabukodonosor, laamiiɗo Baabila, haa juuɗe konne'en maɓɓe yiɗɓe mbarugo ɓe. Luttuɓe nder berniwol ɓe maayaay bee nyawu kalluŋgu ndaaɓoowu malla kaafahi malla weelo, Nabukodonosor umran mbarugo ɓe bee kaafahi. O enɗataa ɓe, o accataa koo gooto maɓɓe bee yoŋki, o yurmintaa ɓe sam.”

Yeremiya 21:7 Iomraidhean Croise

Esaaya 27:11

To lice leɗɗe njoori, ngewi, rewɓe ngaran, njamnan ɗe. Ngam ummaatoore nde'e nde walaa faamu. Ngam maajum tagɗo nde yurmintaa nde, baɗɗo nde hinnataako nde.

Esaaya 47:6

Mi tikkanino ummaatoore am, mi soɓnuno maral am, mi hokkuno ɓe haa juŋngo ma. A yurminaay ɓe, a yowani koo nayeejo boo kaɓɓirgal tedduŋgal.

Yeremiya 13:14

Mi sampitan ɓe, oo dow oya, baabiraaɓe e ɓikkoy fuu. Mi enɗataa koo moy, mi yurmintaa koo moy, mi hinnataako koo moy. Walaa ko haɗatammi halkugo ɓe, non Jawmiraawo wi'i.”

Yeremiya 14:12

Koo to ɓe cuumake, mi nanataa bojji maɓɓe. Koo to ɓe lii'anake yam kirsaaɗi e dokke nyaamdu, mi yerdataako ɓe. Ammaa mi halkan ɓe bee konu e weelo e nyawu kalluŋgu ndaaɓoowu.”

Yeremiya 15:5

Onon yimɓe Urusaliima, moy yurminta on? Moy enɗoto on? Moy yaaloto on ngam ƴamugo njamu mooɗon?

Yeremiya 15:9

Daada marɗo ɓiɓɓe njoweeɗiɗo faɗɗaama, o maaynaama. Naaŋge maako muti caka nyalawma, o toski, o semti. Luttuɓe mooɗon, mi hokki ɓe haa juuɗe konne'en mooɗon, ɓe mbara on bee kaafahi.” Non Jawmiraawo wi'i.

Yeremiya 19:7

Haa nokkuure nde'e mbilanmi nufayeeje Yahuuda e Urusaliima. Mi do'an yimɓe bee kaafahi konne'en maɓɓe yiɗɓe mbarugo ɓe. Mi nyaamnan colli e dabbaaji ɓalli maɓɓe.

Yeremiya 20:4

Ndaa nii Jawmiraawo wi'i: Mi accete nder kulol, an e sooba'en maaɗa fuu. A yi'an bee gite ma no konne'en mbardata ɓe bee kaafahi. Mi hokkan Yahuuda fuu haa juŋngo laamiiɗo Baabila. O dahan woɗɓe haa Baabila, woɗɓe boo o mbaran ɓe bee kaafahi.

Yeremiya 22:25

mi hokkete haa juuɗe yiɗɓe mbarugo ma, haa yimɓe hulnanɓe ma. Mi hokkete haa juuɗe Nabukodonosor, laamiiɗo Baabila e haa Kaldiya'en.

Yeremiya 27:6

Min hokki ummaatooje ɗe'e fuu haa juŋngo suka am Nabukodonosor, laamiiɗo Baabila. Mi hokki mo koo kuuje ladde boo haa ɗe kuuwana mo.

Yeremiya 32:4

Laamiiɗo Sedekiya daɗataa Kaldiya'en, ngam mi hokkan mo haa juŋngo laamiiɗo Baabila, o laaran mo gite bee gite, o wolidan bee maako.

Yeremiya 34:3

An boo a daɗataa mo, ammaa ɓe naŋngete, ɓe ndokke haa juŋngo maako. A laaran mo gite bee gite, a wolidan bee maako. Nden a yahan Baabila.

Yeremiya 36:29

Waɗ annabaaku dow laamiiɗo Yooyakim: Ndaa nii Jawmiraawo wi'i: A wuli deftere nde'e, a ƴami Yeremiya koni o winndi: Fakat laamiiɗo Baabila waran, wonnan lesdi ndi'i, halkan yimɓe maari e dabbaaji maari.

Yeremiya 37:17

Nden laamiiɗo Sedekiya neli ɗaɓɓitoygo mo. Nder saare maako o ƴami Yeremiya bee sirri: “Woodi wolde iwnde diga Jawmiraawo na?” Yeremiya jaabi: “Ooho, ndaa nde: A hokkaama haa laamiiɗo Baabila.”

Yeremiya 50:17

Yimɓe Isra'iila laati bana baali majjuɗi ɗi barooɗe ndiiwi. Laamiiɗo Assuura aarti nyaamugo ɓe. Haa ragare, Nabukodonosor, laamiiɗo Baabila nami i'e maɓɓe.

Gimi Boyki 2:20

Laar, yaa Jawmiraawo, laar mo torruɗa bana non! To rewɓe nyaami ɓikkoy muuɗum'en ngiɗaakoy, ɗum fotti na? To liman'en e annabi'en mbaraama nder haykaliiru, ɗum fotti na?

Gimi Boyki 2:22

A ewni konne'en taariiɓe yam bana to ɗum juulde. Nyalaade tikkere ma walaa mo daɗi, walaa mo lutti. Ɓikkoy am koy kuufmi, koy mawninmi, konneejo am nattini koy.

Ezekiyel 23:28

Ngam ndaa nii Allah Jawmiraawo wi'i: “Mi hokkete haa juuɗe yimɓe ɓe nganyɗa, laataniiɓe ma nyidduɓe.

Ezekiyel 7:9

Mi laarataa on bee enɗam, mi yurmintaa on sam. Ammaa mi ƴamtan on daliila gikku mon, kuuɗe mon nyidduɗe mbaŋgan caka mooɗon. Nden on paaman min Jawmiraawo fiyi on.

Ezekiyel 8:18

Ngam maajum maatinanmi ɓe tikkere am. Mi laarataa ɓe bee enɗam, mi yurmintaa ɓe sam. Koo to ɓe mboyani yam bee sawtu, mi nanataa ɓe.”

Ezekiyel 9:10

Ngam maajum min boo mi enɗataa, mi yurmintaa. Mi lornan kuuɗe maɓɓe dow ko'e maɓɓe.”

Tooktaaki Tawreeta 28:50

Ɗum ummaatoore elewnde, yimɓe maare enɗataa koo ndotti'en e derke'en.