Yeremiya 21:6 - Fulfulde Bible

⁶ Mi mbaran yimɓe berniwol ngo'ol, yimɓe e dabbaaji maayran nyawu ndaaɓoowu kalluŋgu masin.

Fulfulde DC Bible

⁶ Mi mbaran yimɓe berniwol ngo'ol, yimɓe e dabbaaji maayran nyawu ndaaɓoowu kalluŋgu masin.

Yeremiya 21:6 Iomraidhean Croise

Laataanooji 6:7

O wi'i: “Mi nattinan yimɓe ɓe tagmi dow lesdi haa yotto dabbaaji e ladooji e colli. Mi tagataano ɗum.”

Esaaya 6:11

Mi ƴami: “Haa ndeye ɗum timmata, yaa Jawmiraawo?” O jaabi: “Haa to berniiji laatake bille, walaa jooɗiiɓe ton, cuuɗi cooya yimɓe, lesdi laato ladde meere,

Yeremiya 14:12

Koo to ɓe cuumake, mi nanataa bojji maɓɓe. Koo to ɓe lii'anake yam kirsaaɗi e dokke nyaamdu, mi yerdataako ɓe. Ammaa mi halkan ɓe bee konu e weelo e nyawu kalluŋgu ndaaɓoowu.”

Yeremiya 16:4

Ɓe maayran nyawuji kalluɗi, walaa boyanɗo ɓe koo uwanɗo ɓe. Ɓe mbaaloto haa lesdi bana koonal. Ɓe kalkan bee kaafahi malla bee weelo, ɓalli maɓɓe laatoto nyaamdu colli e kuuje ladde.”

Yeremiya 20:4

Ndaa nii Jawmiraawo wi'i: Mi accete nder kulol, an e sooba'en maaɗa fuu. A yi'an bee gite ma no konne'en mbardata ɓe bee kaafahi. Mi hokkan Yahuuda fuu haa juŋngo laamiiɗo Baabila. O dahan woɗɓe haa Baabila, woɗɓe boo o mbaran ɓe bee kaafahi.

Yeremiya 32:24

Ndaa, Kaldiya'en mbaagi lesdi haa yotti mahol berniwol ngam nyaamugo ngol. Ngol yanan haa juuɗe honanɓe ngol ngam daliila konu e weelo e nyawu kalluŋgu ndaaɓoowu. Ko mbi'ɗa fuu laatake, a ɗon yi'a ɗum!

Yeremiya 33:12

Ndaa nii Jawmiraawo honooɓe asama wi'i: “Haa nokkuure ferewnde nde'e nde walaa yimɓe koo dabbaaji e haa gure fuu, durduɗe laatoto fahin haa waynaaɓe ciwtina tokke muuɗum'en.

Yeremiya 34:17

Ngam maajum min Jawmiraawo mi wi'i: On ɗowtanaaki yam, on njoofaay banndiraaɓe mon fuu. Ammaa min mi yoofan on ngam haa maayron bee konu e nyawu kalluŋgu ndaaɓoowu e weelo, haa ummaatooje duniyaaru fuu kula saa'i ɗe ngi'i on.

Yeremiya 36:29

Waɗ annabaaku dow laamiiɗo Yooyakim: Ndaa nii Jawmiraawo wi'i: A wuli deftere nde'e, a ƴami Yeremiya koni o winndi: Fakat laamiiɗo Baabila waran, wonnan lesdi ndi'i, halkan yimɓe maari e dabbaaji maari.

Yeremiya 42:22

Jonta kam, annde booɗɗum: On maayran bee kaafahi malla weelo malla nyawu kalluŋgu ndaaɓoowu haa lesdi ndi ngiɗɗon yahgo jooɗo ton.”

Yeremiya 7:20

Ngam maajum, ndaa Jawmiraawo wi'i: Mi rufan tikkere am saatunde dow nokkuure nde'e. Mi rufan nde dow yimɓe e dabbaaji, dow leɗɗe e nafuuda gese fuu. Tikkere am wulan bana yiite, nyifataako.

Ezekiyel 12:16

Ammaa mi luttan woɗɓe maɓɓe, daɗanɓe kaafahi e weelo e nyawu kalluŋgu ndaaɓoowu, ngam ɓe anndina haala kuuɗe maɓɓe nyidduɗe fuu caka ummaatooje ɗe ɓe njahata. Nden ɓe paaman min woni Jawmiraawo.”

Ezekiyel 14:13

“Ɓii-Aadama, to yimɓe lesdi ngoɗndi ngewi umrooje am, nden kam mi fortan juŋngo am dow lesdi maajum, mi timmina ndesa nyaamdu nder maari, mi neldan weelo ngam nattingo yimɓe e dabbaaji ton.

Ezekiyel 14:17

Malla to mi ukki kaafahi dow lesdi man, to mi umri ki ki saalo e maari ngam mi nattina yimɓe e dabbaaji ton,

Ezekiyel 14:19

Malla to mi neldi nyawu kalluŋgu ndaaɓoowu nder lesdi man, mi rufi tikkere am bee mbarugo yimɓe e dabbaaji ton,

Ezekiyel 14:21

Ngam ndaa nii Allah Jawmiraawo wi'i: Koo to mi ukkanan Urusaliima kiitaaji am naawɗi feere feere nayi ɗi'i, waato: Kaafahi e weelo e dabbaaji mbarooji e nyawu kalluŋgu ndaaɓoowu ngam nattingo yimɓe e dabbaaji nder berniwol,

Ezekiyel 33:27

Yeccu ɓe: Ndaa nii Allah Jawmiraawo wi'i: Fakat bana mi geeto, jooɗiiɓe nder bille maayran bee kaafahi. Wonɓe haa yaasi boo, kuuje ladde nyaaman ɓe. Nyukkiiɓe nder tapaaje kooseeje e lowi maayan bee nyawu kalluŋgu ndaaɓoowu.

Ezekiyel 33:29

Saa'i ngartiranmi lesdi ladde meere, hulniinde ngam daliila kuuɗe maɓɓe nyidduɗe ɗe ɓe mbaɗi fuu, ɓe paaman min woni Jawmiraawo.”

Ezekiyel 7:15

Haa yaasi, kaafahi ɗon, haa nder boo nyawu kalluŋgu ndaaɓoowu e weelo. Mo ɗon haa ladde, maayran bee kaafahi. Mo ɗon nder berniwol, nyawu kalluŋgu ndaaɓoowu e weelo mbaran ɗum.

Hose'a 4:3

Ngam maajum lesdi sunoto, jooɗiiɓe ton fuu tampan, non boo dabbaaji ladde e colli asama. Koo liɗɗi nder mbeela boo mbaatan.

Mika 3:12

Ngam maajum, daliila mooɗon ɓe ndeman Siyona bana ngesa, Urusaliima laatoto bille, hooseere haa haykaliiru woni laatoto towndiire guuɓe.

Sefaniya 1:3

Mi nattinan yimɓe e dabbaaji, mi nattinan colli non boo liɗɗi nder maayo. Mi nattinan halluɓe e ko fergata ɓe, mi nattinan boo yimɓe dow lesdi.

Luka 21:24

Ɓe mbareteeɓe bee kaafaaje, ɓe yahreteeɓe naŋngaaɓe caka ummaatooje fuu. Ummaatooje jananne njaaɓan Urusaliima haa to wakkati maɓɓe timmi.”