Yeremiya 20:8 - Fulfulde Bible

⁸ Nde mi wolwata fuu, sey mi wooka, mi wi'a: Toonyaare e halkere! Foroy ɓe ɗon njancammi, ɓe ɗon njawo mi, ngam mi ɗon waaza wolde maaɗa.

Fulfulde DC Bible

⁸ Nde mi wolwata fuu, sey mi wooka, mi wi'a: Toonyaare e halkere! Foroy ɓe ɗon njancammi, ɓe ɗon njawo mi, ngam mi ɗon waaza wolde maaɗa.

Yeremiya 20:8 Iomraidhean Croise

2 Laamiiɓe 2:23

Elisa ummi Yeriko, o ɗon yaha Baytila. Haa laawol, ɓikkoy ngorkoy ngurti berniwol, ɗon njanca mo. Koy mbi'i: “Dillu ɗo, pello! Dillu ɗo pello!”

2 Habaruuji Nyalaaɗe 36:16

Ammaa ɓe njanci nelaaɓe Allah, ɓe njawi bolle maako, ɓe njali annabi'en maako haa tikkere Jawmiraawo ummi dow yimɓe mum, haa joonde nde'e wo'tataake.

Esaaya 57:4

Dow moy njaloton? Dow moy maɓɓititton kunnduɗe, njuutinton ɗemɗe? Naa on ɓikkoy tuurtukoy, on danygol fewre na?

Yeremiya 15:10

Yeremiya wi'i: “Bone laatanto yam! Koni daada am danyimmi? Min laatiiɗo jokkiroowo e fitinamaajo ngam lesdi fuu! Mi hokkaay nyamaande, mi nyaamaay nyamaande, ammaa koo moy ɗon naalammi.”

Yeremiya 15:15

Yeremiya wi'i: “Yaa Jawmiraawo, a anndi kuuje fuu. Siftoram, yiidam, waata toonyooɓe yam. Taa juttin munyal maaɗa, ngam taa ɓe mbarammi. Anndu, mi ɗon munyana kuudi daliila ma.

Yeremiya 17:27

Ammaa sey on ɗowtano yam. Sey on cena nyannde siwtorde, taa on nastina doŋgle haa dammuɗe bernixol Urusaliima nder nyannde man. To naa non, mi huɓɓan yiite haa dammuɗe Urusaliima. Nge wulan cuuɗi maagol booɗɗi, nge nyifataako.”

Yeremiya 20:7

Yeremiya wi'i: “Yaa Jawmiraawo, a ƴoyri yam, min boo mi jaɓi ƴoyreego! A ɓuri yam semmbe, a jaali yam. Koo moy fuu ɗon jancammi, yimɓe ɗon njala yam.

Yeremiya 28:8

Annabi'en aartuɓe en, kamɓe boo ɓe mbaɗi annabaaku dow lesɗe ɗuuɗɗe e laamuuji mawɗi. Ɓe mbolwi haala konu e sarru e nyawu kalluŋgu ndaaɓoowu.

Yeremiya 5:1

Jawmiraawo wi'i: “Caale nder laabi berniwol Urusaliima, ndaare, linye, ɗaɓɓite haa babe maagol, teema on tawan goɗɗo gooto mo ɗon waɗa ko fotti, mo ɗon ɗaɓɓita gooŋga! Nden kam mi yaafanto Urusaliima.

Yeremiya 5:6

Ngam maajum mbarooga laynde faɗɗan ɓe, saafaandu ladde nattinan ɓe, paaɗaawu ɗon waaltano gure maɓɓe, seekan gurtotooɗo fuu. Ngam tuurtol maɓɓe e zunuubaaji maɓɓe ɗuuɗi masin.

Yeremiya 6:10

Mi ƴami: “Moy mbolwananmi, moy ceedinanmi haa ɓe nana ɗum? Keefeeraaku maɓɓe haɗi ɓe nanugo. Wolde Jawmiraawo laatani ɓe huunde jalnaare, fottantaa ɓe.

Yeremiya 7:9

On ɗon ngujja, on ɗon mbara, on ɗon mbaɗa njeenu, on ɗon kuno pewe, on ɗon ngula uurle ngam Ba'al, on ɗon tokko ɗowanteeɓe ɓe on anndaa.

Habakuk 1:3

Ngam ɗume a yi'natammi halleende yimɓe? Ngam ɗume a ɗon laara torraaji amin, ammaa a wallaay min: Jaɓtol e toonyaare ɗon yeeso am, jokkirgol waɗi, gaabotiral ɗon ummo.

Luka 11:45

Nden gooto haa moodiɓɓe tawreeta wi'i Yeesu: “Moodibbo, ko mbi'ata ɗo, minin kuɗata.”

Ibraniŋke'en 11:26

Yaweego bana Almasiihu ɓuri ndesaaji Misra fuu saman ngam maako, ngam numooji maako ɗon tiiti mbarjaari nder garanɗum.

Ibraniŋke'en 13:13

Sey en ngurto, en njaha haa maako haa yaasi saŋngeere ngam haa en munyana yawaare nde o munyani.

1 Piyer 4:14

On barkiɗinaaɓe to ɓe kuɗi on daliila innde Almasiihu, ngam ɗum waŋgini Ruuhu Allah tedduɗo ɗon dow mooɗon!