Yeremiya 20:4 - Fulfulde Bible

⁴ Ndaa nii Jawmiraawo wi'i: Mi accete nder kulol, an e sooba'en maaɗa fuu. A yi'an bee gite ma no konne'en mbardata ɓe bee kaafahi. Mi hokkan Yahuuda fuu haa juŋngo laamiiɗo Baabila. O dahan woɗɓe haa Baabila, woɗɓe boo o mbaran ɓe bee kaafahi.

Fulfulde DC Bible

⁴ Ndaa nii Jawmiraawo wi'i: Mi accete nder kulol, an e sooba'en maaɗa fuu. A yi'an bee gite ma no konne'en mbardata ɓe bee kaafahi. Mi hokkan Yahuuda fuu haa juŋngo laamiiɗo Baabila. O dahan woɗɓe haa Baabila, woɗɓe boo o mbaran ɓe bee kaafahi.

Yeremiya 20:4 Iomraidhean Croise

2 Laamiiɓe 25:7

Ɓe kirsidi ɓiɓɓe Sedekiya yeeso maako. Nden ɓe ɗoofi mo gite, ɓe kaɓɓi mo bee callalluuji njamndi mboɗeeri, ɓe njahri mo haa Baabila.

Jabuura 73:19

Ɓe kalkan law, ɓe majjan, timmoode maɓɓe laatoto hulniinde.

Yeremiya 13:10

Yimɓe ummaatoore hallunde nde'e cali nanango yam, ɓe ɗon mbaɗa ko ɓerɗe maɓɓe caatuɗe ngiɗi, ɓe ɗon cujidana ɗowanteeɓe woɗɓe, ɓe ɗon ɗowtano ɓe. Ɓe laatoto bana taadorgol ngo'ol ngol nafataa sam!

Yeremiya 13:19

Konne'en maɓɓi gure nder Lesdi Fombina, walaa maɓɓitanɗo ɗe. Yimɓe Yahuuda fuu ndahaama.

Yeremiya 19:15

“Ndaa nii Jawmiraawo honooɓe asama, Allah Isra'iila wi'i: Mi yahran sarru dow berniwol ngo'ol e gure maagol fuu, bana ko mbi'mi. Ngam on caatini ko'e mooɗon, on cali ɗowtanaago bolle am.”

Yeremiya 20:6

An boo, Pashuuru e yimɓe saare maaɗa, on daheteeɓe haa Baabila. Ton a maayata, ton ɓe uwete hawtaade bee sooba'en maaɗa ɓe mbaɗanɗa annabaaku fewre.”

Yeremiya 25:9

Ngam maajum ewnotoomi ummaatooje woyla fuu e suka am Nabukodonosor, laamiiɗo Baabila. Mi waddan ɓe ngam haɓugo bee lesdi ndi'i e jooɗiiɓe ton e bee ummaatooje taariiɗe fuu. Mi nattinan yimɓe fuu, mi laatinan ɓe hulniiɓe yawniiɓe, lesdi maɓɓe boo ladde ferewnde haa foroy.

Yeremiya 29:21

Ndaa nii Jawmiraawo honooɓe asama, Allah Isra'iila wi'i dow Akab ɓii Kolaya e Sedekiya ɓii Ma'aseya, waɗanɓe on annabaaku fewre bee innde am: “Mi hokki ɓe haa juŋngo Nabukodonosor, laamiiɗo Baabila, haa o mbara ɓe dow gite mon.

Yeremiya 46:5

Jawmiraawo ƴami: “Ɗume mi yi'ata? Koni ɓe ɗon ndiwna, ɓe lororo ɓaawo? Honooɓe maɓɓe njaalaama, ɗon ndogga bilaa yeesitaago sam. Kultoreeŋgol ɗon koo toy!

Yeremiya 52:24

Nden hooreejo aynooɓe hoo'i Seraya, limanjo mawɗo e Sefaniya limanjo ɗiɗaɓo e aynooɓe dammuɗe tato.

Yeremiya 52:27

Laamiiɗo Baabila umri ɓoccugo ɓe e mbarugo ɓe haa Ribla nder lesdi Hamat. Ton ɓe maayi. Bana nii yimɓe Yahuuda ndahira diga lesdi muuɗum'en.

Yeremiya 6:25

Taa ngurte haa ngesa, taa njehe haa laawol! Kaafahi konneejo ɗon ton, kultoreeŋgol ɗon bakeeje fuu!”

1 Samuyila 2:33

Gorko gooto tan accanmi haa o huuwanammi kuugal limanku, luttuɓe fuu maayan saa'i ɓe suka'en. Kanjum ɗum tampinan gite ma, ɗum torran ɓernde ma boo.