Yeremiya 2:26 - Fulfulde Bible

²⁶ Bana gujjo ɗon semta to o naŋngaama, bana non yimɓe Isra'iila ɗon cemta, kamɓe e laamiiɓe maɓɓe e ardiiɓe maɓɓe e liman'en maɓɓe e annabi'en maɓɓe.

Fulfulde DC Bible

²⁶ Bana gujjo ɗon semta to o naŋngaama, bana non yimɓe Isra'iila ɗon cemta, kamɓe e laamiiɓe maɓɓe e ardiiɓe maɓɓe e liman'en maɓɓe e annabi'en maɓɓe.

Yeremiya 2:26 Iomraidhean Croise

Esira 9:7

Diga saa'i kaakiraaɓe amin haa wargo hannde min aybuɓe masin. Ngam daliila zunuubaaji amin a hokki min haa juuɗe laamiiɓe jananɓe, minin e laamiiɓe amin e liman'en amin, ngam haa ɓe mbara min, ɓe ndaha min, ɓe njaɓta min, ɓe leestina min bana ko laati hannde.

Jabuura 97:7

Rewooɓe labbi, mantortooɓe ɗi fuu, ɗon cemta, ɗowanteeɓe maɓɓe fuu ɗon cujidana mo.

Esaaya 1:29

On cemtan ngam on ndewi labbi les leɗɗe mawɗe, on keewan semteende daliila jarne labbi ɗe cuɓɗon.

Esaaya 44:11

Ndaa, hawtiɗiraaɓe maako fuu toskoto. Ngam waawɓe sanaa'a ɓe'e, kamɓe boo ɓe ɓiɓɓe Aadama. Sey ɓe mooɓotira, ɓe fuu ɓe ndaro. Ɓe kultoran, ɓe cemtan ɓe fuu.

Esaaya 44:9

Waɗooɓe labbi fuu ɓe huunde meere. Kuuɗe maɓɓe ɓurɗe wooɗugo nafataa sam. Ɗe laati seedooɓe maaji, ɗe ngi'ataa, ɗe ngalaa anndal. Ngam maajum yimɓe ɓe'e cemtan.

Yeremiya 2:36

On ɗon ngayla laabi mooɗon bee koyɗum! On cemtan daliila Misra, bana on cemtiri daliila Assuura.

Yeremiya 22:22

Henndu ruuynan ardiiɓe ma, ɓe ndahan boo waaye'en ma. Nden a heewan semteende e toskaare ngam daliila halleende ma fuu.

Yeremiya 32:32

ngam yimɓe Isra'iila e Yahuuda fuu, kamɓe e laamiiɓe maɓɓe e ardiiɓe maɓɓe e liman'en maɓɓe e annabi'en maɓɓe e yimɓe Yahuuda e jooɗiiɓe haa Urusaliima fuu, ɓe tikkini yam bee halleende maɓɓe.

Yeremiya 4:9

Jawmiraawo wi'i: “Nyalaade man ɓernde laamiiɗo e ɓerɗe ardiiɓe ta'an, liman'en mbemmboto, annabi'en boo kultoran.”

Yeremiya 48:27

An Mo'ab, siftor no a jaliri Isra'iila'en. A dimmbi hoore ma dow maɓɓe bana to ɓe naŋngaaɓe caka mooɓre wuyɓe.

Ezekiyel 16:54

ngam a roondo toskaare ma, a semtira kuuɗe ma fuu. Bana non nde'inirta ɓe.

Ezekiyel 22:26

Liman'en ɗon luuta tawreeta am, ɓe ɗon coɓna kuuje cenaaɗe, ɓe cenndindirtaa ceniiɗum bee ko senaaki, ɓe ekkitintaa yimɓe haala laaɓɗum e coɓɗum, walaa ko yaali ɓe bee nyalɗe ciwtorɗe ɗe ndarnumi boo. Ngam daliila man yimɓe teddintaa yam.

Zekariya 5:4

Jawmiraawo honooɓe asama wi'i: Mi neldi naaloore nde'e ngam haa nde nasta suudu gujjo e suudu kunotooɗo dow fewre bee innde am. Nde jooɗoto ton, haa nde halkida kuuje fuu, koo piile e kaa'e fuu.”

Roma'en 6:21

Ɗume keɓnooɗon bee kuuɗe mon? Fakat on ɗon cemtira ɗe jonta, ngam timmoode kuuɗe man wonno maayde.