Yeremiya 2:25 - Fulfulde Bible

²⁵ Ndikka ndaroɗon! To naa non paɗe mooɗon paɗɗititto, kondondi mooɗon boo njooran! Ammaa on ɗon mbi'a: Aa'a, woodaa! Min ngiɗi jananɓe, min tokkoto ɓe.

Fulfulde DC Bible

²⁵ Ndikka ndaroɗon! To naa non paɗe mooɗon paɗɗititto, kondondi mooɗon boo njooran! Ammaa on ɗon mbi'a: Aa'a, woodaa! Min ngiɗi jananɓe, min tokkoto ɓe.

Yeremiya 2:25 Iomraidhean Croise

2 Habaruuji Nyalaaɗe 28:22

Koo nder wakkati ɓillaare boo, laamiiɗo Akas tokki yewugo umroore Jawmiraawo.

2 Habaruuji Nyalaaɗe 28:23

O lii'i kirseteeɗi ngam ɗowanteeɓe Damas, jaaliiɓe mo, ngam o wi'i: “Ɗowanteeɓe laamiiɓe Siriya mballi ɓe. Sey mi lii'ano ɓe kirseteeɗi haa ɓe mballammi boo.” Ammaa ɗum laati daliila do'ere maako e do'ere ummaatoore maako fuu.

Esaaya 2:6

Yaa Allah, a wudini yimɓe ummaatoore ma, danygol Yaakubu, ngam ɓe keewi al'aadaaji lesdi fuunaaŋge, ɓe waɗooɓe hiila bana Filisti'en, ɓe alkotiri bee yimɓe jananɓe.

Esaaya 57:10

On njanci haa on comi, ammaa on mbi'aay: Ɗum nafataa. On tammi semmbe mon hesɗitan, ngam maajum on tampaay.

Yeremiya 13:21

A woowi bee jananɓe bana sooba'en maaɗa. Ɗume mbi'ata to Jawmiraawo laamini ɓe dow maaɗa? Saa'i man luuwe naŋngete bana ɗe debbo ɓesnanɗo.

Yeremiya 13:22

To a ƴami ngam ɗume irin ɗu'um laatani ma, ngam ɗume ɓe ɓaŋgti gawarle limce maaɗa, ɓe toskini ma, anndu: Ngam ɗuuɗeeŋga aybeeji maaɗa.

Yeremiya 14:10

Ndaa nii Jawmiraawo wi'i dow yimɓe ummaatoore nde'e: “Ɓe ngiɗi gaance jamum, ɓe naŋgtaay kosɗe maɓɓe. Ngam maajum mi seyortaako ɓe. Mi siftoran zunuubaaji maɓɓe, mi hiitoto hakkeeji maɓɓe.”

Yeremiya 18:12

Ammaa ɓe njaaboto: Aa'a, woodaa! Min tokkoto numooji amin, min mbaɗan ko ɓerɗe amin kalluɗe caatuɗe ngiɗi.”

Yeremiya 2:31

Onon yidere nde'e, kakkilane wolde Jawmiraawo! Kadi mi laatanake Isra'iila ladde malla lesdi nyiɓre ɓaleere na? Koni ummaatoore am ɗon wi'a: Min njahan haa min ngiɗi fuu, min lortataako haa maaɗa?

Yeremiya 22:20

Jawmiraawo wi'i: “An Urusaliima, wa'a dow hooseere Libanon, wooku. Ummin gookaali haa lesdi Baasan. Waɗ hoolo dow hooseere Abariima, ngam waaye'en ma fuu kalki.

Yeremiya 22:21

Mi wolwani ma saa'i a jooɗi jam, ammaa a sali nanugo. Bana non kuuwruɗa diga a derkeejo tawon, a yiɗaa ɗowtanaago yam.

Yeremiya 3:13

“Annditit aybe ma tan: A tuurtani Jawmiraawo Allah maaɗa, a rewi labbi jananni les leɗɗe kecce fuu, a nanaay bolle am.” Non Jawmiraawo wi'i.

Yeremiya 44:17

Fakat min mbaɗan ko min mbi'i fuu. Min ngulana ɗowanteeɗo debbo bi'eteeɗo Mayramjo Asama uurle, min ngaɗana mo dokke dufeteeɗe bana ko min mbaɗi, minin e kaakiraaɓe amin e laamiiɓe amin e ardiiɓe amin, nder gure Yahuuda e dow laabi Urusaliima. Saa'i man min ngoodino nyaamdu fantundu, min njooɗino jam, min ngi'aayno sarru sam.

Gimi Boyki 1:2

Jemma fuu ngol ɗon woya, gonɗi ɗon dow galaŋge maagol. Yiɗɓe ngol fuu, walaa koo gooto maɓɓe de'itinta ngol. Sooba'en maagol fuu zammbi ngol, laati konne'en maagol.

Gimi Boyki 4:4

Ɗemɗe musinankoy ɗon takko nder kunnduɗe ngam ɗomka, ɓikkoy ngiɗi nyaamdu, ammaa walaa dokkanɗo koy.

Ezekiyel 20:32

On nufi laataago bana ummaatooje goɗɗe, bana yimɓe jooɗiiɓe nder lesɗe feere, haa on cujidana leɗɗe e kaa'e. Ɗum heɓataako.”

Hose'a 2:3

Mbi'e deerɗiraaɓe mon worɓe: Ammi, waato: On ummaatoore am, deerɗiraaɓe mon rewɓe boo: Ruhama, waato: On enɗaaɓe.”

Hose'a 2:5

To naa non, mi ɓortan mo fuu, o laato temmbo bana nyannde o danya. Mi laatinan mo bana ladde hamaadaare, mi laatinan mo harde yoornde, mi mbaran mo bee ɗomka.

Malakiya 3:14

On mbi'i: Jagganaago Jawmiraawo woni meere. Ko nafata to min kakkilani umrooje maako? Ko nafata to min cunake yeeso Jawmiraawo honooɓe asama?

Luka 15:22

Ammaa baaba wi'i suka'en muuɗum: Njaawɗe ngadde ngapaleewol ɓurŋgol wooɗugo, ɓorne mo ngol, mbaɗane mo halagaare haa hoondu e paɗe boo haa kosɗe!

Luka 16:24

O wooki, o wi'i: Yaa baabiraawo am Ibrahiima, hinnam. Nel Laazarus ngam o suuwa hoondu maako nder ndiyam, o feewtina ɗemŋgal am, ngam mi ɗon yaŋgito nder yiite nge'e.

Roma'en 8:24

Kisndam men ɗon tabiti dow tammunde nde'e. Ammaa to en ɗon ngi'a ko tammotooɗen heɓugo, nden kam naa ɗum tammunde gooŋgaare. Moy tammoto hayru mo o heɓi?

Tooktaaki Tawreeta 28:48

On njagganto konne'en mon ɓe Jawmiraawo nelata dow mooɗon. Weelo e ɗomka torran on, on cooyan limce e kuuje goɗɗe fuu. O yowan kaɓɓirgal njamndi dow daaɗe mon haa to on kalki.

Tooktaaki Tawreeta 32:16

Ɓe ummini kaajal Jawmiraawo bee sujidango ɗowanteeɓe jananɓe, ɓe mettini mo bee kuuɗe maɓɓe nyidduɗe.