Yeremiya 2:20 - Fulfulde Bible

²⁰ “Diga ɓooyma on tuurtani yam, on teeti, on mbi'i: Min njaggantaako ma fahin! Ammaa on ɗon turi bana daakaareejo dow towndiije fuu e les leɗɗe kecce fuu.

Fulfulde DC Bible

²⁰ “Diga ɓooyma on tuurtani yam, on teeti, on mbi'i: Min njaggantaako ma fahin! Ammaa on ɗon turi bana daakaareejo dow towndiije fuu e les leɗɗe kecce fuu.

Yeremiya 2:20 Iomraidhean Croise

1 Laamiiɓe 12:32

Nder lewru joweetataɓru, nyannde sappo e jowaɓre, Yerobo'am waɗi juulde, bana juulde laatiinde nder Yahuuda. O lii'i kirsaaɗi dow hirsirde. Bana non o waɗi haa Baytila. O lii'i kirsaaɗi ngam nga'oy koy o waɗino. Haa Baytila boo, o darni liman'en ɓe o waɗino haa nokkuuje towɗe.

1 Laamiiɓe 14:23

Kamɓe boo ɓe nyiɓi nokkuuje towɗe, ɓe ndarni daŋraŋge e Aseraaji dow towndiije towɗe e les leɗɗe bilititɗe fuu.

Jabuura 107:14

O wurtini ɓe nyiɓre nyiɓɓunde, o ta'i kaɓɓorli maɓɓe.

Jabuura 2:3

Ɓe ɗon mbi'a: “Sey en ta'a kaɓɓorli maɓɓe, en cakkina ɓoggi maɓɓe daayiiɗum!”

Jabuura 78:58

Ɓe ɓernini mo bee nokkuuje maɓɓe towɗe, ɓe ummini kaajal maako bee labbi maɓɓe.

Gurtaaki 19:8

Yimɓe ummaatoore fuu njaabi: “Ko Jawmiraawo wi'i fuu, min mbaɗan ɗum!” Muusa lornani Jawmiraawo jaawaabu maɓɓe.

Gurtaaki 24:3

Muusa wari, yecci Isra'iila'en ko Jawmiraawo wi'i e kiitaaji maako fuu. Isra'iila'en fuu njaabi hunnduko wooto, mbi'i: “Ko Jawmiraawo wi'i fuu, min mbaɗan ɗum.”

Gurtaaki 3:8

Mi jippi ngam mi hisna ɓe diga juuɗe Misra'en, mi wurtina ɓe diga lesdi man, mi yahra ɓe haa lesdi mboondi, njaasndi, lesdi keewndi kosam e njumri, haa lesdi ndi Kanaani'en e Heti'en e Amoori'en e Perezzi'en e Hewi'en e Yebusi'en njooɗi.

Esaaya 1:21

Kayto! Berniwol koolaaŋgol naane laati bana debbo daakaareejo. Naane adili'en njooɗi ton, ammaa jonta sey mbarooɓe ko'e.

Esaaya 10:27

Nyalaade man, doŋngal Assuura sottan e balbe mooɗon, kaɓɓirgal maɓɓe boo e daaɗe mooɗon, daliila fayfayru, kaɓɓirgal man yewan.”

Esaaya 14:25

Mi fusan Assuura'en nder lesdi am, mi yaaɓan ɓe dow kooseeje am. Kaɓɓirgal maɓɓe sottan e yimɓe am, doŋngal maɓɓe boo e balbe maɓɓe.

Esaaya 9:4

Paɗe caatuɗe ɗe honooɓe e limce tallaaɗe nder ƴiiƴam fuu, ɗe nguleteeɗe, ɗe laatoto nyaamdu yiite.

Yeremiya 13:27

dow towndiije e gese, mi yi'i kuuɗe nyidduɗe ɗe kuuwɗa, non boo njeenu ma e suunooji ma kalluɗi e daakaareeku ma. Kayto, onon yimɓe Urusaliima, on coɓi! Haa ndeye on laaɓata?”

Yeremiya 17:2

Nden kam ɓiɓɓe mon ciftoran kirsirɗe e daŋraŋge Asera baŋnge leɗɗe kecce fuu e dow towndiije.

Yeremiya 2:31

Onon yidere nde'e, kakkilane wolde Jawmiraawo! Kadi mi laatanake Isra'iila ladde malla lesdi nyiɓre ɓaleere na? Koni ummaatoore am ɗon wi'a: Min njahan haa min ngiɗi fuu, min lortataako haa maaɗa?

Yeremiya 3:13

“Annditit aybe ma tan: A tuurtani Jawmiraawo Allah maaɗa, a rewi labbi jananni les leɗɗe kecce fuu, a nanaay bolle am.” Non Jawmiraawo wi'i.

Yeremiya 30:8

Jawmiraawo honooɓe asama wi'i: “Nyalaade man ngewanmi kaɓɓirgal dow daaɗe maɓɓe, mi ta'an callalluuji maɓɓe, ngam taa ɓe tokko jagganaago jananɓe.

Yeremiya 5:5

Sey mi yaha haa mawɓe kadi, mi wolida bee maɓɓe. Ngam kamɓe ɓe anndi laawol Jawmiraawo e kiita Allah maɓɓe ndarnuka”. Ammaa ɓe tuurti, ɓe piisti kaɓɓotiral bee Allah.

Ezekiyel 16:28

A waɗi daakaareeku bee Assuura'en, ngam a saftataa. A waɗi daakaareeku bee maɓɓe, ammaa haaje ma humtaay.

Ezekiyel 16:31

A waɗi waagaare lesdi ngam waɗugo daakaareeku haa kawtirɗe laabi fuu, a nyiɓi nokkuuje towɗe haa babe fuu. Ammaa a huuwaay bana daakaare'en feere, ngam a jaɓaay ngeenaari.

Ezekiyel 16:41

Ɓe ngulan cuuɗi ma, ɓe mbaɗan kiita dow maaɗa yeeso rewɓe ɗuuɗɓe. Bana non timminiranmi daakaareeku ma, a meetataa yoɓugo waaye'en ma.

Ezekiyel 20:28

Mi nastini ɓe nder lesdi ndi kuniimi hokkugo ɓe. Nde ɓe ngi'i towndiije e leɗɗe cukkuɗe, ɓe lii'i kirsaaɗi haa nokkuuje ɗe'e fuu. Ɓe tikkini yam bee lii'ango labbi maɓɓe guleteeɗi marɗi uureeŋgol belŋgol e dokke maɓɓe dufeteeɗe.

Ezekiyel 23:5

Ohola te'aaɗo am tokki waɗugo daakaareeku. O heewi suuno ngam Assuura'en waaye'en maako. Kamɓe ɓe honooɓe,

Hose'a 1:2

Ndaa nii Jawmiraawo fuɗɗi wolwugo bee hunnduko Hose'a: O wi'i Hose'a: “Yah, te'u debbo daakaareejo, danydu ɓiɓɓe daakaareeku bee maako, ngam yimɓe lesdi am ɗon mbaɗa daakaareeku bee labbi, ɓe acci yam min Jawmiraawo.”

Hose'a 2:5

To naa non, mi ɓortan mo fuu, o laato temmbo bana nyannde o danya. Mi laatinan mo bana ladde hamaadaare, mi laatinan mo harde yoornde, mi mbaran mo bee ɗomka.

Hose'a 3:3

Mi wi'i mo: “Sey a duura haa am, taa waɗ daakaareeku, taa hawtu bee koo moy. Min boo mi hawtataa bee maaɗa.”

Hose'a 4:13

Ɓe ɗon lii'o kirseteeɗi dow geereeje kooseeje, ɓe ɗon ngula dokke dow towndiije, les leɗɗe mawɗe bilititɗe ɗe ɗowdi maaje wooɗi. Ngam maajum ɓiɓɓe mon rewɓe mbaɗan daakaareeku, esiraaɓe mon rewɓe boo laatoto jeenooɓe.

Hose'a 9:1

Hose'a wi'i: “An Isra'iila, taa seya, taa welweltu bana ummaatooje goɗɗe. Ngam a acci Allah maaɗa, a laati debbo daakaareejo. A yiɗi ngeenaari daakaareeku haa laarɗe alkamaari fuu.

Farillaaji Lewi'en 26:13

Min Jawmiraawo Allah mon mi wurtini on lesdi Misra, ngam taa on tokko huuwango ɓe bana maccuɓe. Mi yewi kaɓɓirgal dow daaɗe mon, haa on njaha on rimɓe, on ɓaŋgta ko'e mon.”

Nahum 1:13

Jonta ngewanmi kaɓɓirgal maɓɓe, mi itta ngal dow daaɗe mooɗon, mi ta'an callalluuji mooɗon.”

Tooktaaki Tawreeta 12:2

“Nder lesdi man, yimɓe ummaatooje ɗe ndiiwoton, ɗon cujidana ɗowanteeɓe muuɗum'en dow kooseeje towɗe, les leɗɗe kecce boo. Sey on kalka nokkuuje ɗe'e fuu!

Tooktaaki Tawreeta 15:15

Ciftore, onon boo, naane on laatino maccuɓe nder lesdi Misra, ammaa Jawmiraawo, Allah mooɗon rimɗini on. Ngam maajum umrumi on umroore nde'e hannde.

Tooktaaki Tawreeta 26:17

Haa Jawmiraawo on mbi'i hannde, kaŋko woni Allah mooɗon, onon boo on tokkoto laabi maako, on kakkilanan farillaaji e umrooje e kiitaaji maako e on ɗowtanto wolde maako.

Tooktaaki Tawreeta 4:20

Ammaa onon, Jawmiraawo hooci on, wurtini on nder ɓolinirde njamndi nde lesdi Misra, ngam on laato ummaatoore maako e maral maako, bana no on mba'i hannde.

Tooktaaki Tawreeta 4:34

Malla ɗowanteeɗo moye foondi jaɓtugo ummaatoore mum diga juŋngo ummaatoore feere, bee masiibooji e alaamaaji e kaayeefiiji, bee konu e juŋngo semmbiɗŋgo e kuuje mawɗe kulniiɗe? Onon on ngi'i no Jawmiraawo, Allah mooɗon waarani on ɗum fuu haa Misra.

Tooktaaki Tawreeta 5:27

An Muusa, ɓadita, nan ko Jawmiraawo, Allah meeɗen wi'ete fuu. Nden lornan min ko Jawmiraawo, Allah meeɗen wolwani ma fuu, minin boo min nanante, min ɗowtanto ɗum.

Yosuwa 1:16

Ɓe njaabi Yosuwa: “Ko umruɗa min fuu, min mbaɗan ɗum. Min njahan koo toy a nelata min.

Yosuwa 24:24

Yimɓe ummaatoore mbi'i Yosuwa: “Jawmiraawo Allah meeɗen min njagganto, min ɗowtanan boo wolde maako.”

Yosuwa 24:26

O winndi bolle man nder deftere tawreeta Allah. Nden o hoo'i hayre mawnde, o darni nde les lekki makki kommbi suudu Jawmiraawo seniindu.

Wahayu Yuhanna 17:1

Nden gooto haa malaa'ika'en njoweeɗiɗo jogiiɓe taasaaje joweeɗiɗi go wari, wi'i yam: “War, mi hollete no daakaareejo ɓurduɗo hallugo, jooɗiiɗo haa berniwol maŋngol nyiɓaaŋgol dow ndiyamji ɗuuɗɗi hiitorte.

Alkaali'en 10:6

Fahin Isra'iila'en mbaɗi ko fottanaay Jawmiraawo. Ɓe ndewi Ba'alji e Asteraaji, non boo ɗowanteeɓe Siriya'en e Sidoni'en e Mo'abi'en e Ammooni'en e Filisti'en. Ɓe ngudini Jawmiraawo, ɓe cujidanaay mo.

Alkaali'en 2:11

Isra'iila'en mbaɗi ko fottanaay Jawmiraawo, ngam ɓe ndewi Ba'alji.

Alkaali'en 2:13

Ɓe ngudini Jawmiraawo, ɓe ndewi Ba'alji e Asteraaji.

1 Samuyila 12:10

Ɓe tori Jawmiraawo ballal, ɓe mbi'i: Min mbaɗi hakke, yaa Jawmiraawo, ngam min ngudini ma, min ndewi suuraaji Ba'al e Astarot. Ammaa jonta hisnu min juuɗe konne'en amin, nden kam min njagganto ma an feere ma.