Yeremiya 2:11 - Fulfulde Bible

¹¹ Woodi ummaatoore sannjunde ɗowanteeɓe muuɗum na? Koo nde ɓe laataaki ɗowanteeɓe bee gooŋga! Ammaa ummaatoore am sannji tedduŋgal muuɗum bee ɗowanteeɗo mo nafataa!

Fulfulde DC Bible

¹¹ Woodi ummaatoore sannjunde ɗowanteeɓe muuɗum na? Koo nde ɓe laataaki ɗowanteeɓe bee gooŋga! Ammaa ummaatoore am sannji tedduŋgal muuɗum bee ɗowanteeɗo mo nafataa!

Yeremiya 2:11 Iomraidhean Croise

1 Laamiiɓe 11:33

Mi waɗan ɗum ngam ɓe acci yam, ɓe ɗon ndewa Astarte, lawru Sidoni'en rewru e Kemos, lawru Mo'abi'en e Milkom, lawru Ammooni'en. Ɓe tokkaaki laawol ngol mi holli ɓe. Ɓe mbaɗaay ko fottani yam, ɓe ɗowtanaaki farillaaji e kiitaaji ɗi mi umri ɓe. Bana nii ɓe mbaɗaay ko Daawuda baaba Suleymaanu waɗno.

2 Laamiiɓe 1:3

Ammaa malaa'ikaajo Jawmiraawo wari wolwani Eliya Tisbeejo, wi'i mo: “Umma, yah fottu bee nelaaɓe laamiiɗo Samariya. Yeccu ɓe: Kadi Allah walaa haa Isra'iila na? Koni njahoton ƴamugo Ba'al-Zebub, lawru Ekuruun'en?

2 Habaruuji Nyalaaɗe 13:9

Na on ngudini danygol Haruna, liman'en Jawmiraawo e Lewi'en fuu? Na on cuɓani ko'e mon liman'en woɗɓe bana ummaatooje heefeerɓe na? Koo moy gadduɗo ngaari kalhaldi e jawɗi baali joweeɗiɗi ngam heɓugo limanku, on mbaɗi mo limanjo labbi naa limanjo Allah.

Jabuura 106:20

Ɓe cannjiri tedduŋgal Allah bee suura nagge meere!

Jabuura 115:4

Labbi maɓɓe ɗi cardi e kaŋŋeeri, kuuwaaɗum juuɗe yimɓe.

Jabuura 3:3

Ɗuuɗɓe ɗon mbolwa dow am, ɗon mbi'a: “Allah yiidataa mo!”

Esaaya 37:19

Ɓe cakkini ɗowanteeɓe maaje nder yiite – gooŋga kam naa ɓe ɗowanteeɓe – ngam ɗum yimɓe mbaɗi ɗum bee leɗɗe e kaa'e. Ɓe mbirgi ɗum.

Yeremiya 16:20

Goɗɗo waawan waɗango hoore mum ɗowanteeɓe na? Alhaali boo naa ɗum ɗowanteeɓe bee gooŋga!”

Yeremiya 18:13

Ngam maajum Jawmiraawo wi'i: “Ƴame ummaatooje fuu. Moy meeɗi nanugo irin ɗu'um? Yimɓe Isra'iila mbaɗi nyidduɗum masin.

Yeremiya 2:5

Ndaa nii Jawmiraawo wi'i: “Aybewol ngole kaakiraaɓe mon tawi haa am haa ɓe ndaayti yam? Ɓe tokki meereejum, bana non ɓe laati kamɓe boo meere'en.

Yeremiya 2:8

Liman'en meeɗaay ƴamugo: Toy Jawmiraawo? Fassitirooɓe tawreeta anndaa yam, ardiiɓe tuurtani yam, annabi'en boo mbaɗi annabaaku bee innde Ba'al, tokki ɗowanteeɓe ɓe nafataa.

Yeremiya 5:7

Jawmiraawo wi'i: “Noy mi yaaforanto ma ɗum fuu, an Urusaliima? Ɓiɓɓe maaɗa acci yam, ɓe ɗon kunoro labbi koo to ɗi laataaki ɗowanteeɓe. Min haarni ɓe, ammaa kamɓe ɓe mbaɗi njeenu, ɓe mooɓi haa cuuɗi daakaare'en.

Ezekiyel 14:5

Jaawaabu am naŋngan ɓerɗe Isra'iila'en, ngam ɓe fuu maɓɓe ɓe ndaayi yam ngam daliila labbi maɓɓe.

Ezekiyel 5:7

Ngam maajum, ndaa nii Allah Jawmiraawo wi'i: Onon on tuurtani yam ko ɓuri ummaatooje taariiɗe on, on ngeeɗaay fodde farillaaji am e kiitaaji am, on ngeeɗaay koo fodde kiitaaji ummaatooje taariiɗe on.

Mika 4:5

Ummaatoore koo ndeye fuu ɗon tokko ɗowanteeɗo muuɗum. Ammaa enen, en tokkoto Jawmiraawo Allah meeɗen haa abada abadin!

Roma'en 1:23

Ɓe acci Allah tedduɗo, duumiiɗo, ɓe ɗakkotiri bee suuraaji neɗɗo maayanɗo e colli e dabbaaji e ladooji.

1 Korintu'en 8:4

Goɗɗo nyaaman kusel ndabbaawa kirsanaaŋga labbi na? En anndi lawru naa ɗum huunde gooŋga nder duniyaaru ndu'u e walaa ɗowanteeɗo feere boo, sey Allah gooto.

Galaatiya'en 4:8

Ɓooyma on anndaano Allah, on maccuɓeno ɗowanteeɓe ɓe ngalaa baawɗe bana ɗe Allah.

Tooktaaki Tawreeta 32:16

Ɓe ummini kaajal Jawmiraawo bee sujidango ɗowanteeɓe jananɓe, ɓe mettini mo bee kuuɗe maɓɓe nyidduɗe.

Tooktaaki Tawreeta 32:21

Ɓe ummini kaajal am bee ɗowanteeɓe ɓe laataaki Allah, ɓe mettini yam bee kuuje meereeje. Mi umminan kaajal maɓɓe bee yimɓe ɓe laataaki ummaatoore gooŋgaare. Mi mettinan ɓe bee ummaatoore faataande.

Tooktaaki Tawreeta 33:29

Barka laatanto on, onon Isra'iila'en! Walaa ummaatoore bana nde mooɗon nde Jawmiraawo hisni! Jawmiraawo bee hoore mum woni wawarde mon e kaafahi mon. O ɗon ayna on, o ɗon hokka on jaalorgal. Konne'en mon ɗaɓɓan enɗam mon bee naafikaare, ammaa onon on ndamman ɓe!

1 Piyer 1:18

On coottaama diga yahdu hallundu ndu on ndoni haa kaakiraaɓe mooɗon. On anndi on coottiraaka bee kuuje ɗe saman maaje ustoto bana kaŋŋeeri malla cardi,

1 Samuyila 4:21

O numi haala sundukru, non boo maayde esiiko e goriiko, o wi'i: “Sundukru Allah majji. Tedduŋgal maako wurtake Isra'iila.” Ngam maajum o inndi ɓiɗɗo maako Ikabood.