Yeremiya 19:13 - Fulfulde Bible

¹³ “Cuuɗi Urusaliima e cuuɗi laamiiɓe Yahuuda waato soorooji haa ɓe ngulani jama'aare asama fuu uurle dow muuɗum, haa ɓe ndufi dokke dufeteeɗe ngam ɗowanteeɓe jananɓe – ɗi fuu ɗi coɓan bana Tofet.”

Fulfulde DC Bible

¹³ “Cuuɗi Urusaliima e cuuɗi laamiiɓe Yahuuda waato soorooji haa ɓe ngulani jama'aare asama fuu uurle dow muuɗum, haa ɓe ndufi dokke dufeteeɗe ngam ɗowanteeɓe jananɓe – ɗi fuu ɗi coɓan bana Tofet.”

Yeremiya 19:13 Iomraidhean Croise

2 Laamiiɓe 17:16

Ɓe acci umrooje Allah Jawmiraawo maɓɓe fuu, ɓe mbaɗani ko'e maɓɓe suuraaji ɓolinaaɗi, nga'oy ɗiɗoy, ɓe mbaɗi suura Asera, ɓe cujidi yeeso jama'aare konu asama fuu, ɓe ndewi Ba'al.

2 Laamiiɓe 23:10

E boo o soɓni nokkuure wi'eteende Tofet nder waadiwol Ɓii-Hinnom, ngam taa koo moy lii'o ɓiyum gorko malla debbo ngam wulango Molek.

2 Laamiiɓe 23:12

O yibbini kirsirɗe ɗe laamiiɓe Yahuuda mbaɗno dow soorowol Akas haa dow, non boo ɗe Manassa waɗno haa babe ɗiɗi nder haykaliiru Jawmiraawo. Laamiiɗo sampiti ɗe fuu, rufi keeɗe man haa waadiwol Kederon.

2 Laamiiɓe 23:14

O fusi daŋraŋge labbi, o fe'i suuraaji cenaaɗe ngam Asera, o hebbini nokkuuje maaje bee i'e yimɓe.

Jabuura 74:7

Ɓe nguli suudu ma seniindu, ɓe coɓni jooɗorde innde ma, ɓe mbirgi nde fuu.

Jabuura 79:1

Yimre Asaf. Yaa Allah, heefeerɓe nasti lesdi maral ma, coɓni haykaliiru ma seniindu, ngartiri Urusaliima winnde.

Esaaya 22:1

Ndaa koŋngol dow Waadiwol Wahayuuji. Koni yimɓe ma fuu mba'i dow soorooji,

Yeremiya 19:12

Bana non waaranmi berniwol ngo'ol e jooɗiiɓe ton. Mi laatinan ngol bana Tofet.” Non Jawmiraawo wi'i.

Yeremiya 32:29

Kaldiya'en honanɓe berniwol ngo'ol, nastan ngol, kuɓɓan yiite nder maagol, ngulan ngol bee soorooji maagol fuu. Ngam dow soorooji ɗi'i fuu yimɓe nguli uurle ngam Ba'al, ndufi dokke dufeteeɗe ngam ɗowanteeɓe woɗɓe. Ɓe tikkini yam bee maajum.

Yeremiya 44:18

Ammaa diga min acci wulango Mayramjo Asama uurle e waɗango mo dokke dufeteeɗe, min ngalaa koo ɗume, yimɓe amin maayri bee konu e weelo.”

Yeremiya 52:13

O wuli haykaliiru Jawmiraawo e saare laamu e cuuɗi Urusaliima e cuuɗi mawɓe fuu.

Yeremiya 7:18

Ɓikkoy ɗon teena leɗɗe, baabiraaɓe maakoy ɗon kuɓɓa yiite, rewɓe boo ɗon njiiɓa kuroori haa ɓe tamsa tamseeje ngam lawru rewru ndu ɓe ewnata Mayramjo asama. Ɓe ɗon ndufa njaramji dufeteeɗi ngam labbi feere haa ɓe mettinammi ɓernde.

Yeremiya 8:2

Ɓe mbaŋginan ɗe les naaŋge e lewru e koode asama. Kanjum, ɓe ngiɗno ɗum masin, ɓe ndewi ɗum, ɓe tokki ɗum, ɓe ɗakkotiri bee maajum, ɓe cujidani ɗum. I'e maɓɓe meetataa mooɓteego koo uweego, ammaa ɗe laatoto bana koonal dow lesdi.

Ezekiyel 20:28

Mi nastini ɓe nder lesdi ndi kuniimi hokkugo ɓe. Nde ɓe ngi'i towndiije e leɗɗe cukkuɗe, ɓe lii'i kirsaaɗi haa nokkuuje ɗe'e fuu. Ɓe tikkini yam bee lii'ango labbi maɓɓe guleteeɗi marɗi uureeŋgol belŋgol e dokke maɓɓe dufeteeɗe.

Sefaniya 1:5

Mi halkan wa'otooɓe dow soorowol ngam sujidango jayli asamanji e sujidanooɓe hunortooɓe ndego bee innde Jawmiraawo e ndego boo bee innde lawru Milkom.

Kuuɗe Nelaaɓe 10:9

Jaŋngo man, deydey caka nyalawma, yaake nelaaɓe go ɗonno haa laawol, ɓe ɓadino yottaago Joppe, Piyer wa'i dow soorowol ngam waɗugo do'a.

Kuuɗe Nelaaɓe 7:42

Ammaa Allah ɗoyli ɓe, acci ɓe ɓe cujidana koode asama, bana ko winnda nder deftere annabi'en: Onon Isra'iila'en! Nde on lii'i kirseteeɗi e dokke duuɓi cappanɗe nayi nder ladde, min on lii'ani na?

Tooktaaki Tawreeta 4:19

To on tijjake asama, on ngi'i naaŋge e lewru e koode, taa ɗum esta on sujidango ɗi, njaggano ɗi. Jawmiraawo, Allah mooɗon yeɗani ɗi ummaatooje goɗɗe fuu, ɗe cujidana ɗi.