Yeremiya 18:16 - Fulfulde Bible

¹⁶ Ɓe laatini lesdi maɓɓe kulniindi, njawniindi haa foroy. Koo moy caalotooɗo hultoran, dimmban hoore mum, hayɗinan.

Fulfulde DC Bible

¹⁶ Ɓe laatini lesdi maɓɓe kulniindi, njawniindi haa foroy. Koo moy caalotooɗo hultoran, dimmban hoore mum, hayɗinan.

Yeremiya 18:16 Iomraidhean Croise

1 Laamiiɓe 9:8

Haykaliiru woondu ndu'u laatoto winnde, koo moy caalotooɗo haa kommbi maaru, wemmboto, jancan. O wi'an: Ngam ɗume Jawmiraawo waɗi lesdi ndi'i e haykaliiru ndu'u bana nii?

2 Habaruuji Nyalaaɗe 29:8

Ngam maajum Jawmiraawo tikkani lesdi Yahuuda e Urusaliima, laatini ndi nyiddundi, kulniindi, koo moy ɗon janca ndi, bana ko ngi'oton hannde.

Jabuura 109:25

To yimɓe ngi'i yam, ɓe njancatam, ɓe ndimmban ko'e.

Jabuura 22:7

Ammaa min mi ngilŋgu, naa mi ɓii-Aadamaajo. Yimɓe fuu ɗon kuɗammi, ɗon meeriɗinammi.

Jabuura 44:14

A acci heeddiɗɗiraaɓe amin ɗon kuɗa min, ɓe ɗon njala min, ɓe ɗon njanca min.

Esaaya 37:22

Ndaa koŋngol ngol Jawmiraawo wi'i dow maako: Berniwol Urusaliima nannduŋgol bee paanyo debbo ɗon yawe, ɗon jance. Siyona ɗon dimmbina hoore ɓaawo maaɗa.

Esaaya 6:11

Mi ƴami: “Haa ndeye ɗum timmata, yaa Jawmiraawo?” O jaabi: “Haa to berniiji laatake bille, walaa jooɗiiɓe ton, cuuɗi cooya yimɓe, lesdi laato ladde meere,

Yeremiya 19:8

Mi wilan berniwol ngo'ol, ngol laatoto daliila jancoore. Koo moy caalotooɗo baŋnge maagol hultoran, hayɗinan ngam masiibooji maagol fuu.

Yeremiya 25:9

Ngam maajum ewnotoomi ummaatooje woyla fuu e suka am Nabukodonosor, laamiiɗo Baabila. Mi waddan ɓe ngam haɓugo bee lesdi ndi'i e jooɗiiɓe ton e bee ummaatooje taariiɗe fuu. Mi nattinan yimɓe fuu, mi laatinan ɓe hulniiɓe yawniiɓe, lesdi maɓɓe boo ladde ferewnde haa foroy.

Yeremiya 29:18

Mi taasnan ɓe bee konu e weelo e nyawu kalluŋgu ndaaɓoowu, mi laatinan ɓe nyidduɓe haa laamuuji duniyaaru fuu. Koo toy haa caŋkitanmi ɓe, yimɓe kultoran, kuɗan, njancan ɓe, naaliran bee innde maɓɓe.

Yeremiya 42:18

Ndaa nii Jawmiraawo honooɓe asama, Allah Isra'iila wi'i: “Bana mi rufi tikkere am e ɓernuki am dow yimɓe Urusaliima, bana non ndufranmi ɓernuki am dow mooɗon, to on ndilli Misra. Mi laatinan on hulniiɓe, yimɓe kuɗan on, naaliran bee inɗe mon. On meetataa yi'ugo nokkuure nde'e boo.”

Yeremiya 44:12

Mi hoocan luttuɓe Yahuuda waɗɓe anniya yahugo Misra ngam faɓɓoygo ton, ɓe nattinteeɓe ton ɓe fuu. Mawɓe e leesɓe maayran bee konu e weelo. Mi laatinan ɓe hulniiɓe, yimɓe kuɗan ɓe, naaliran bee inɗe maɓɓe.

Yeremiya 48:27

An Mo'ab, siftor no a jaliri Isra'iila'en. A dimmbi hoore ma dow maɓɓe bana to ɓe naŋngaaɓe caka mooɓre wuyɓe.

Yeremiya 49:13

Mi hunori innde am: Berniwol Bosra laatoto kulniiŋgol, perewŋgol. Yimɓe kuɗan ngol, naalan ngol. Gure maagol fuu laatoto ladde meere haa foroy.”

Yeremiya 49:17

Jawmiraawo wi'i: “Mi laatinan lesdi Edoom daliila kultoreeŋgol. Koo moy caalotooɗo hultoran, hayɗinan ngam masiibooji maari fuu. Nattere Edoom nanndan bee nattere berniiji Sodoma e Gomorra e gure taariiɗe ɗi. Walaa mo jooɗoto ton, walaa mo hoɗata ton.

Yeremiya 50:13

Ngam daliila tikkere am, walaa jooɗotooɓe ton, ngol ferwan fuu. Koo moy caalotooɗo hultoran, hayɗinan ngam masiibooji maagol fuu.

Yeremiya 51:37

Nden Baabila laatoto waagaare kaa'e e jooɗorde cuuli. Woodaa mo jooɗoto ton. Caalotooɗo fuu hultoran, hayɗinan dow maagol.

Yeremiya 51:43

Gure maagol perwi, laati ladde meere e lesdi njoorndi ndi walaa jooɗiiɗo koo caalotooɗo ton.

Yeremiya 9:11

Hikmaajo moy faami kuuje ɗe'e? To Jawmiraawo wolwani mo, nden kam sey o anndina ɗum woɗɓe! Ngam ɗume lesdi halki, wulaama bana ladde meere nde goɗɗo saalataako ɗum?

Gimi Boyki 1:12

“Onon saalotooɓe fuu, taa sarru ngu'u heɓa on! Woodi naaworla bana naaworla am na, ka Jawmiraawo yarnatammi nder wakkati tikkere mum?

Ezekiyel 12:19

Yeccu ummaatoore lesdi man: Ndaa nii Allah Jawmiraawo wolwani jooɗiiɓe haa Urusaliima nder lesdi Isra'iila: Ɓe nyaaman nyaamdu maɓɓe bee saklere, ɓe njaran ndiyam maɓɓe bee kultoreeŋgol, ngam lesdi maɓɓe ferwan, sookɗan, ngam daliila toonyaare jooɗiiɓe ton fuu.

Ezekiyel 27:36

Filooɓe nder ummaatooje fuu ɗon ciika ngam a laati kulniiɗum. A natti haa foroy!”

Ezekiyel 36:3

Ngam maajum waɗ annabaaku, wi': Ndaa nii Allah Jawmiraawo wi'i: Ɓe ngiɗno nattingo on e halkugo on koo toy fuu, ɓe ngiɗno on laato maraaɓe ummaatooje goɗɗe. Yimɓe ɓe'e njanci on, kuɗi on.

Ezekiyel 6:14

Mi fortan juŋngo am ngam honugo ɓe, lesdi haa ɓe njooɗi fuu diga ladde haa yotto Ribla, mi laatinan ndi cookri, nden ɓe paaman min woni Jawmiraawo.”

Farillaaji Lewi'en 26:32

Mi laatinan lesdi mon ladde meere, haa konne'en mon waranɓe ton kayɗina.

Farillaaji Lewi'en 26:43

Ammaa sey lesdi sooya yimɓe tawon, ngam ndi seyoro siwtaare maari wakkati ɓe ɗon ndaayi bee maari. Kamɓe boo, sey ɓe njoɓa aybe maɓɓe tawon, ngam ɓe njawi kiitaaji am, ɓe nganyi farillaaji am.

Mika 6:16

On ɗon njogo umrooje laamiiɗo Omiri, on ɗon mbaɗa ko saare Akab waɗno fuu, on ɗon tokko sawariiji maɓɓe. Ngam maajum mi wilan berniwol mon, ɓe njancan jooɗiiɓe nder maagol, toskaare ummaatoore am ukkanto on.”

Matta 27:39

Saalotooɓe ton ndimmbini ko'e muuɗum'en, kuɗi mo,

Markus 15:29

Saalotooɓe ton ndimmbini ko'e muuɗum'en, kuɗi mo, ɓe mbi'i: “Hey! A wi'no a yibbinan haykaliiru, a mahtoto ndu nder nyalɗe tati.

Tooktaaki Tawreeta 28:59

nden kam Jawmiraawo ukkanan on, onon e danygol mon masiibooji caatuɗi masin ɗi kurgataake e nyawuji kalluɗi ɗi nyawndataake sam.

Tooktaaki Tawreeta 29:23

Nden ummaatooje fuu ƴaman: Ngam ɗume Jawmiraawo waɗi lesdi mum bana nii? Ngam ɗume tikkere maako saati?