Yeremiya 17:9 - Fulfulde Bible

⁹ Ɓernde neɗɗo ɓuri koo ɗume fuu naafikaaku, nde halli masin. Moy waawata faamugo nde?

Fulfulde DC Bible

⁹ Ɓernde neɗɗo ɓuri koo ɗume fuu naafikaaku, nde halli masin. Moy waawata faamugo nde?

Yeremiya 17:9 Iomraidhean Croise

Laataanooji 6:5

Jawmiraawo yi'i no halleende yimɓe ɗuuɗiri dow lesdi. Nyalaade fuu anniyaaji e numooji ɓerɗe maɓɓe kuucitani halleende.

Laataanooji 8:21

Nde Jawmiraawo maati uureeŋgol belŋgol, o wi'i nder ɓernde maako: “Mi meetataa naalugo lesdi fahin ngam daliila neɗɗo. Ngam anniyaaji ɓernde neɗɗo halli diga nderkaaku maako. Mi meetataa mbarugo marɗum yoŋki fuu bana mbaɗmi.

2 Samuyila 11:15

Ndaa ko o winndi: “Darnu Uriya haa nokkuure nde haɓre ɓuri saatugo. Nden lorte, acce mo feere maako, ngam haa konne'en mbara mo.”

Jabuura 51:5

Ngam mi faami tuurtolji am, mi ɗon yi'a hakke am tum.

Jabuura 64:7

Ɓe ɗon nufo kuuje kalluɗe, ɓe ɗon numa walaa mo heɓtata dabare maɓɓe. Walaa mo waawata linyugo lugguɗum ɓernde neɗɗo.

Balndi 28:26

Koolotooɗo numooji hoore mum woni paataaɗo, ammaa jahanɗo bee hikma hisan.

Gaazoowo 9:3

Ndaa ko halli nder ko huuwa haa duniyaaru fuu: Hoddiroore woore ɗon ukkano yimɓe fuu. Ɓerɗe ɓiɓɓe Aadama keewi halleende, nginnaaku ɗon nder ɓerɗe maɓɓe saa'i ɓe ɗon ngeeɗa, ɓaawoɗon ɓe maaya.

Esaaya 1:5

Haa toy ngiɗɗon goɗɗo fiya on fahin, onon tokkitinanɓe tuurtol? Hoore fuu heewi elooɗi, ɓernde fuu ɗon nder naawɗum.

Esaaya 1:6

Teppere haa hoore fuu yamɗaay sam, sey naawne e ɓoostanɗe e kuuduuje. Ɗe lallaaka, ɗe kaɓɓaaka, ɗe ndufaaka nebbam.

Esaaya 6:10

Saatin ɓerɗe yimɓe ummaatoore nde'e! Sukku ɓe noppi! Maɓɓu ɓe gite ngam taa ɓe ngi'a, taa ɓe nana, taa ɓerɗe maɓɓe paama, ɓe lorto, ɓe nyawnde.”

Yeremiya 16:12

Onon boo on mbaɗi kalluɗum ko ɓuri kaakiraaɓe mooɗon. Koo moy mooɗon ɗon waɗa ko ɓernde mum saatunde, hallunde yiɗi, on nanantaa yam.

Yeremiya 7:24

Ammaa ɓe ɗowtaaki, ɓe kakkilaay. Ndaa ko ɓe mbaɗi: Ɓe tokki nufayeeje ɓerɗe maɓɓe caatuɗe, kalluɗe. Ɓe ngaylitani yam ɓaawe maɓɓe, naa geese maɓɓe.

Matta 13:15

Ngam ɓerɗe yimɓe ɓe'e maatataa koo ɗume, ɓe cukki noppi maɓɓe, ɓe maɓɓi gite maɓɓe, ngam taa ɓe ngi'a, taa ɓe nana, taa ɓe paama, taa ɓe tuuba boo, ngam taa min mi yamɗitina ɓe.

Matta 15:19

Ngam haa ɓernde neɗɗo, numooji kalluɗi e mbar-hoore e njeenu e daakaareeku e nguyka e seedamkuuji pewooji e kuudi kalluɗi iwata.

Markus 2:17

Nde Yeesu nani ɗum, o wi'i ɓe: “Yamɓe ngalaa haaje kurgoowo, sey nyawɓe. Mi waraay ngam ewnaago adili'en, sey hakke'en.”

Roma'en 1:21

Ngam ɓe anndi Allah, ammaa ɓe teddinaay mo bana no haandani mo, ɓe ngettaay mo boo. Ngam maajum numooji maɓɓe ndaayi gooŋga, faamu wurti hakkiilooji maɓɓe, nyiɓre nasti.

Roma'en 7:11

ngam hakke naftori umroore man haa nde esti yam, nde mbari yam.

Efesu'en 4:22

O ekkitini on ngam haa on ceeda bee neɗɗo mon ɓooymaajo e bee gikku mum ɓooymaawu, mo suunooji mum ɗonno majjina, kalka ɗum,

Ibraniŋke'en 3:12

Deerɗiraaɓe am, kakkile, taa ɓernde koo moy mooɗon halla, taa o laato sooya nuɗɗinkiijo haa o waylito, o acca Allah geeto.