Yeremiya 17:1 - Fulfulde Bible

¹ Jawmiraawo wi'i: “Onon yimɓe Yahuuda, hakkeeji mon mbinndaama bee binndirgol njamndi, ngol hunnduko mum ɓuri hayre saatugo. Ɗi mbinndaama bana non haa nder ɓerɗe mooɗon, haa dow luwe haa seɓattooji kirsirɗe mooɗon boo.

Fulfulde DC Bible

¹ Jawmiraawo wi'i: “Onon yimɓe Yahuuda, hakkeeji mon mbinndaama bee binndirgol njamndi, ngol hunnduko mum ɓuri hayre saatugo. Ɗi mbinndaama bana non haa nder ɓerɗe mooɗon, haa dow luwe haa seɓattooji kirsirɗe mooɗon boo.

Yeremiya 17:1 Iomraidhean Croise

Balndi 3:3

Taa amaana e gooŋgaaku ndaayo ma, haɓɓu ɗum haa daande ma, winndu ɗum dow alluha ɓernde ma.

Balndi 7:3

Haɓɓu ɗum haa juŋngo ma, winndu ɗum dow alluha ɓernde ma.

Esaaya 49:16

Ndaa, mi winndi innde ma nder newe am. Tum mi ɗon numa dow mahi maaɗa.

Yeremiya 11:13

Labbi lesdi Yahuuda ɗuuɗi bana gure maɓɓe. Bana limgal laabi nder Urusaliima, bana non limgal kirsirɗe ɗe ɓe ndarni ngam wulango Ba'al uurle.

Yeremiya 2:22

Koo to on ngiiwake bee kilbu, to on ɗuɗɗini lootirde, tuundi hakke mooɗon ɗon lutta yeeso am”, non Jawmiraawo Allah wi'i.

Yeremiya 31:33

Ammaa to saa'i man wari, mi haɓɓan alkawal bee yimɓe Isra'iila bana ni'i: Mi nastinan tawreeta am nder hakkiilooji maɓɓe, mi winndan ka nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Yeremiya 4:14

Urusaliima, lootu ɓernde ma, ittu halleende, haa a hisa. Ndey accata nufayeeje ma kalluɗe?

Hose'a 12:11

Mi wolwani annabi'en, mi ɗuɗɗini wahayuuji, mi waɗi balndi bee kunnduɗe annabi'en.

Hose'a 7:2

Ammaa ɓe numataa mi ɗon siftora halleende maɓɓe fuu! Jonta kuuɗe maɓɓe ɗon taari ɓe, mi ɗon yi'a ɗe.

Hose'a 8:11

Efrayim ɗuɗɗini kirsirɗe ngam ittuki hakke. Ammaa ɗe laatanake mo daliila waɗugo hakke!

Farillaaji Lewi'en 4:25

Limanjo suuwa hoondu mum nder ƴiiƴam kirsaaŋga, waɗa ɗam haa luwe hirsirde. Nden o rufa ƴiiƴam luttuɗam haa les maare.

Zekariya 7:12

Ɓe caatini ɓerɗe maɓɓe bana hayre saatunde, ngam taa ɓe nana tawreeta e bolle, ɗum ko Ruuhu Jawmiraawo honooɓe asama umrani ɓe bee kunnduɗe annabi'en ɓooyma. Kanjum waɗi tikkere Jawmiraawo honooɓe asama saati masin.

2 Korintu'en 3:3

Fakat, on laatake bataakewol Almasiihu ngol min ngaddi. Ngol winndaaka bee dawa, ammaa bee Ruuhu Allah geeto. Ngol winndaaka dow alluhaaje kaa'e, ammaa nder ɓerɗe yimɓe.