Yeremiya 14:9 - Fulfulde Bible

⁹ Ngam ɗume laatiiɗa bana cakliiɗo, bana cemmbiɗɗo mo waawataa hisnugo? Fakat a ɗon wondi bee amin, yaa Jawmiraawo, innde maaɗa ɗon ewne caka amin, taa accu min!”

Fulfulde DC Bible

⁹ Ngam ɗume laatiiɗa bana cakliiɗo, bana cemmbiɗɗo mo waawataa hisnugo? Fakat a ɗon wondi bee amin, yaa Jawmiraawo, innde maaɗa ɗon ewne caka amin, taa accu min!”

Yeremiya 14:9 Iomraidhean Croise

2 Habaruuji Nyalaaɗe 7:14

to yimɓe ummaatoore am ɓe innde am ewnaama dow muuɗum'en leestini ko'e muuɗum'en, torake yam, ɗakkotiri bee am, to ɓe tuubi, ɓe acci laabi maɓɓe kalluɗi, nden kam mi nanan haa asama, mi yaafoto hakkeeji maɓɓe, mi barkiɗinan lesdi maɓɓe boo.

Jabuura 10:1

Yaa Jawmiraawo, ngam ɗume ndaayiiɗa? Ngam ɗume cuuɗotooɗa nder wakkatiiji ɓillaare?

Jabuura 27:9

Taa wiirnam gite ma, taa riiw jaggiiɗo ma bee tikkere! Ngam an woni balloowo yam. Taa accam, taa wudinam yaa Allah, Kisnoowo yam!

Jabuura 46:5

Ndaa maayo, cele maago ɗon ceyna berniwol Allah, jooɗorde Ɓaŋiiɗo seniinde.

Esaaya 12:6

Ceye! Mbaɗe gookaali seyo, onon jooɗiiɓe haa Siyona! Ngam Ceniiɗo Isra'iila o mawɗo caka mooɗon.”

Esaaya 43:7

Ɓe ewnaaɓe bee innde am, mi tagi ɓe ngam mawninki tedduŋgal am.”

Esaaya 51:9

Fin, fin! Ɓorna baawɗe, an juŋngo Jawmiraawo! Fin bana nder nyalɗe ɓooyma, bana nder wakkati gide caaliiɗe. Naa an ta'i Rahab geɓe geɓe, yuwi kuuŋga mbeela?

Esaaya 59:1

Kay! Juŋngo Jawmiraawo rammaay ngam hisnugo on. Noppi maako pahɗaay ngam nanango on.

Esaaya 63:19

Diga ɓooyma min laati bana yimɓe ɓe a laamanaaki ɓe, bana min laataaki ewnaaɓe bee innde maaɗa. To a seekino asamanji, to a jippakeno, kooseeje ndiwnanno yeeso maaɗa!

Yeremiya 15:16

Mi jaɓi bolle ɗe a wolwani yam. Ɗe laatani ɓernde am seyo e welwelo, ngam an, yaa Jawmiraawo Allah honooɓe asama, innde maaɗa ɗon dow am.

Yeremiya 51:5

Min Allah Jawmiraawo honooɓe asama mi wudinaay Isra'iila e Yahuuda bana rewɓe yurumɓe koo nde lesdi maɓɓe heewi hakkeeji yeeso Ceniiɗo Isra'iila.

Yeremiya 8:19

Ndaa, mi ɗon nana wookaandu ummaatoore am diga lesdi daayiindi: Jawmiraawo wurtake Siyona na? Laamiiɗo maako walaa ton na? Jawmiraawo ƴami: Koni ɓe tikkini yam bee suuraaji maɓɓe, labbi jananni meereeji?

Gimi Boyki 5:20

Ngam ɗume a yejjiti min haa foroy? Ngam ɗume a wudini min balɗe ngeendam amin fuu?

Ezekiyel 48:35

Njuutirka mahol taarotooŋgol berniwol fuu, waɗan kilomeetir joweenayi. Yeeso ɗo, innde berniwol laatoto “Jawmiraawo-ɗon-ton”.

Habakuk 1:2

Yaa Jawmiraawo, duuri mi ɗon toro ma ballal, ammaa a jaabaaki yam. Foroy mi ɗon wooka: Ndaa toonyaare! Ammaa a hisnaay min.

Zekariya 2:5

Mi tijji, mi yi'i goɗɗo ɗon jogi ɓoggol poondirgol.

Zekariya 8:3

Ndaa nii Jawmiraawo wi'i: “Mi wartan haa Siyona, mi jooɗoto haa caka Urusaliima. Innde Urusaliima laatoto Berniwol-Gooŋga, innde hooseere Jawmiraawo honooɓe asama boo laatoto Hooseere-Seniinde.”

Limle 11:23

Jawmiraawo jaabi Muusa: “Kadi juŋngo am rammi na? A yi'an to wolde am gooŋɗan malla gooŋɗataa.”

Kuuɗe Nelaaɓe 15:17

ngam haa luttuɓe fuu ngaylito haa Jawmiraawo, non boo yimɓe ummaatooje goɗɗe ɗe innde am ewna dow muuɗum'en, non Jawmiraawo wi'i, kaŋko o waŋgini kuuje ɗe'e diga ɓooyma.”

2 Korintu'en 6:16

Ɗume hawtata haykaliiru Allah bee labbi? Ngam enen en haykaliiru Allah geeto, bana o wi'i: “Mi jooɗoto caka maɓɓe, mi wondan bee maɓɓe. Mi laatoto Allah maɓɓe, kamɓe boo ɓe laatoto ummaatoore am.”

Tooktaaki Tawreeta 23:14

Koo moy mooɗon mara gasirgal caka kuuje mum. To o dilli haaje maako, sey o wasa ngaska, o uwa coofe maako.

Tooktaaki Tawreeta 28:10

Ummaatooje duniyaaru fuu ngi'an no innde Jawmiraawo ewnaama dow mooɗon, ɓe fuu ɓe kulan on.

Ibraniŋke'en 13:5

Taa cuune ceede, ammaa ceye bee ko on mari. Ngam Allah wi'i: “Mi accataa ma, mi wudintaa ma sam.”

Wahayu Yuhanna 21:3

Mi nani sawtu iwi diga leeso laamu ɗon wi'a bee semmbe: “Ndaa jooɗorde Allah caka yimɓe! O jooɗoto bee maɓɓe, ɓe laatoto ummaatooje maako. Allah bee hoore mum wondan bee maɓɓe, laatoto Allah maɓɓe.

1 Samuyila 12:22

Ammaa Jawmiraawo, ngam daliila innde mum mawnde, accataa yimɓe mum. Ɗum fottani mo o waɗa on ummaatoore maako.