Yeremiya 12:4 - Fulfulde Bible

⁴ Haa ndey lesdi wonata nder suno e haakooji gese fuu ɗaylata? Dabbaaji e colli ɗon mbaata daliila halleende yimɓe jooɗiiɓe lesdi ndi'i, wi'ɓe o yi'ataa garanɗum meeɗen.”

Fulfulde DC Bible

⁴ Haa ndey lesdi wonata nder suno e haakooji gese fuu ɗaylata? Dabbaaji e colli ɗon mbaata daliila halleende yimɓe jooɗiiɓe lesdi ndi'i, wi'ɓe o yi'ataa garanɗum meeɗen.”

Yeremiya 12:4 Iomraidhean Croise

Jabuura 107:34

O wartiri lesdi mboondi ngoolirde, ngam daliila halleende jooɗiiɓe ton.

Jabuura 50:21

Kanjum kuuwɗa – min mi jeeɗi. Ngam man a tammi, min boo bana maaɗa mbaami. Ammaa jonta mi felete haa mi waŋginane aybe ma!

Esaaya 24:4

Lesdi ɗon nder suno, ɗon ɗayla. Duniyaaru ɗon jinna, ɗon wonno. Asamanji ɗon njinna hawtaade bee lesdi.

Esaaya 24:6

Ngam maajum naaloore ɗon nyaama lesdi, jooɗiiɓe maari ɗon njara bone daliila aybe muuɗum'en. Ngam maajum jooɗiiɓe nder lesdi ɗon njinna, luttanɓe ɗuuɗataa sam.

Yeremiya 12:11

Ɓe laatini ndi ladde meere, ndi wonni, ndi ferwi yeeso am. Lesdi fuu ferwi, walaa mo numata ɗum.

Yeremiya 14:2

“Lesdi Yahuuda ɗon nder suno, berniiji maari ɗon mbaata, yimɓe maari ɗon njooɗi, ɗon mboya. Urusaliima ɗon ummina gookaali.

Yeremiya 23:10

Lesdi heewi jeenooɓe, yimɓe ɗon njaawɗa waɗugo ko halli, ɓe semmbiɗɓe waɗugo ko haanaay. Naaloore Jawmiraawo ɗon dow lesdi. Ngam maajum ndi ɗon nder suno, durduɗe fuu ɗayli.

Yeremiya 4:25

Mi laari, ndaa, walaa yimɓe sam, colli asama boo piiri, ndilli.

Yeremiya 4:28

Ngam maajum lesdi sunoto, asama boo nyiɓɓan. Ngam min mi anndini anniya am, mi mimsitittaako, mi lorataako ɓaawo.

Yeremiya 5:13

Haala annabi'en boo– ɗum henndu meere. Wolde am woodaa nder kunnduɗe maɓɓe.”

Yeremiya 5:31

Annabi'en ɗon ngaazina fewre, liman'en ɗon laamo bana ɓerɗe maɓɓe ngiɗi, ummaatoore am boo yerdi ɗum. Ammaa ɗume on mbaɗata to timmoode yottake?”

Yeremiya 7:20

Ngam maajum, ndaa Jawmiraawo wi'i: Mi rufan tikkere am saatunde dow nokkuure nde'e. Mi rufan nde dow yimɓe e dabbaaji, dow leɗɗe e nafuuda gese fuu. Tikkere am wulan bana yiite, nyifataako.

Yeremiya 9:10

Jawmiraawo wi'i: “Mi laatinan Urusaliima waagaare kaa'e e lowol cuuli. Mi laatinan gure Yahuuda ladde meere nde walaa jooɗiiɓe ton.”

Yeremiya 9:9

Yeremiya wi'i: “Mi woyan, mi uuman dow kooseeje, mi yiman gimol bojji ngam durduɗe nder ladde, ngam ɗe ngulaama, walaa caalotooɗo ton. Ubbaaŋgo ga'i woodaa, colli e dabbaaji ladde fuu ndoggi, ndilli.”

Hose'a 4:3

Ngam maajum lesdi sunoto, jooɗiiɓe ton fuu tampan, non boo dabbaaji ladde e colli asama. Koo liɗɗi nder mbeela boo mbaatan.

Yo'el 1:18

Dabbaaji ɗon mbooka. Tokke na'i ɗon ngiilo, ɗi ngalaa durduɗe. Koo tokke dammooji boo ɗon njara bone.

Amos 1:2

O wi'i: “Jawmiraawo ɗon ubba bana mbarooga diga Siyona, ɗon hoola diga Urusaliima. Ngam maajum durduɗe waynaaɓe ɗaylan, yeereere hooseere Karmel boo yooran.”

Habakuk 3:17

Koo to ibbi finnataa, inabooje ndimataa, jaytunhi rimataa ɓiɓɓe, gese mbaɗataa nyaamle, dammooji caŋkititto diga waalde, na'i njinni diga waalde,

Zekariya 1:12

Nden malaa'ikaajo Jawmiraawo wi'i: “Yaa Jawmiraawo honooɓe asama, ndey enɗata Urusaliima e gure Yahuuda? A tikkani ɗe duuɓi cappanɗe joweeɗiɗi jonta.”

Roma'en 8:22

En anndi haa jonta duniyaaru fuu ɗon uuma, ɗon nder luuwe bana ɓesnanɗo.