Yeremiya 12:1 - Fulfulde Bible

¹ Yeremiya tori, wi'i: “Yaa Jawmiraawo, a adiliijo timmuɗo, mi waawataa hujjotirgo bee ma! Ammaa bee non fuu mi yiɗi wolwango ma haala kiita ngooŋɗuka. Ngam ɗume nufayeeje halluɓe ɗon kiɓɓe, ɓe ɗon njaha yeeso yeeso? Ngam ɗume zammbotooɓe njooɗoto nder de'ere?

Fulfulde DC Bible

¹ Yeremiya tori, wi'i: “Yaa Jawmiraawo, a adiliijo timmuɗo, mi waawataa hujjotirgo bee ma! Ammaa bee non fuu mi yiɗi wolwango ma haala kiita ngooŋɗuka. Ngam ɗume nufayeeje halluɓe ɗon kiɓɓe, ɓe ɗon njaha yeeso yeeso? Ngam ɗume zammbotooɓe njooɗoto nder de'ere?

Yeremiya 12:1 Iomraidhean Croise

Laataanooji 18:25

A waɗataa irin ɗu'um! A mbarda adiliijo bee kalluɗo, a hiito ɓe kal-kal! Waɗataako! Kadi kiitoowo duniyaaru fuu waɗataa kiita ngooŋɗuka na?”

Esira 9:15

Yaa Allah, Jawmiraawo Isra'iila, ngam adilaaku ma min lutti haa wargo hannde. Ndaa min yeeso maaɗa bee aybe amin. Min mbaawataa dartaago yeeso maaɗa bana non.”

Nehemiya 9:33

Nder ko heɓi min fuu, an a adiliijo, ngam a waɗi gooŋgaaku. Ammaa minin min mbaɗi kalluɗum.

Ayuba 12:6

Laymaaji toonyooɓe ɗon tabiti, tikkinɓe Allah ɗon koolɗini, ɓe ɗon yikka ɓe mbaawti koo Allah boo.

Ayuba 13:3

Ammaa min, haa Baawɗo ngiɗmi wolwango, haa maako boo mbaŋginanmi hujja am.

Ayuba 24:12

Ndaa, yimɓe ɗon uuma nder berniwol. Ndaa, balmaaɓe ɗon ngooka ngam naaweeŋga. Ɓe ɗon torro, ammaa walaa ko yaali Allah.

Ayuba 24:23

Koo o hokki ɓe de'ere, o munyi, ammaa boo o ɗon ayna laabi maɓɓe.

Ayuba 8:17

ɗaɗi maaki ɗon laya caka waagaare kaa'e, caka kaa'e ki yiɗi naŋgtugo.

Jabuura 116:5

Jawmiraawo woni kinnotooɗo, adiliijo, Allah men woni enɗoowo.

Jabuura 119:137

Yaa Jawmiraawo, a adiliijo, kiitaaji ma ɗi darnuɗi.

Jabuura 119:75

Jawmiraawo, mi anndi kiitaaji ma adiliiji, a yarni yam bone fodde gooŋgaaku ma.

Jabuura 145:17

Jawmiraawo o adiliijo nder kuuɗe mum fuu, o koolniiɗo nder maaje.

Jabuura 37:1

Yimre Daawuda. Taa tikkan halluɓe, taa haaju waɗooɓe zunuuba.

Jabuura 37:35

Mi yi'i kalluɗo nder semmbe muuɗum fuu, o ɗon yaha yeeso yeeso bana lekki bilitanki.

Jabuura 51:4

Lootu aybe am fuu! Laɓɓinam tal diga hakke am!

Jabuura 51:6

Dow maaɗa tan mbaɗmi aybe, mi waɗi kalluɗum yeeso ma. Ngam maajum, a adiliijo to a feli yam, a felataake to a hiitake yam.

Jabuura 92:7

Humakiijo heɓtataa ɗum, paataaɗo faamataa ɗum.

Balndi 1:32

Ngam tuurtol humaki'en mbaran ɓe, sooynde deentaaki faataaɓe halkan ɓe.

Gaazoowo 8:14

Ndaa ko ɗon saalo haa duniyaaru: Adili'en woɗɓe ɗon keɓa ngeenaari halluɓe e halluɓe woɗɓe ɗon keɓa ngeenaari adili'en. Ngam man mbi'mi kanjum boo ɗum meere.

Esaaya 41:21

Jawmiraawo, laamaniiɗo danygol Yaakubu wi'i: “Onon labbi ummaatooje, anndine wullaandu mon, mbaŋgine hujjaaji mon!

Esaaya 48:8

On meeɗaay nanugo koo anndugo ɗe. Noppi mon maɓɓitaaki diga ɓooyma. Ngam mi anndi on zammbooɓe, ɓe ewni on tuurtooɓe diga reedu daada.

Yeremiya 11:20

Nden Yeremiya waɗi do'a: “Yaa Jawmiraawo honooɓe asama, an woni kiitoowo gooŋgaajo, a ɗon linya ɓerɗe e numooji yimɓe. Accu mi yi'a no a waatorto ɓe, ngam mi halfitinani ma haala am!

Yeremiya 12:6

Koo deerɗiraaɓe ma e yimɓe saare baaba ma zammbi ma, ɓe ɗon mooɓta yimɓe dow maaɗa bilaa anndaaŋgal ma. Taa nuɗɗin ɓe to ɓe mbi'i ma bolle booɗɗe.”

Yeremiya 3:20

Ammaa bana debbo zammborto gorum, bana non on zammborake yam, onon yimɓe Isra'iila.” Non Jawmiraawo wi'i.

Yeremiya 3:7

Mi tammino, ɓaawo o waɗi ɗum fuu, o wartan haa am sike. Ammaa o wartaay. Yahuuda, deerɗiiko zammboowo boo, yi'i ɗum.

Yeremiya 32:16

Nde mi hokki Baruku ɓii Neriya ɗereewol coggu go, mi tori Jawmiraawo:

Yeremiya 5:11

Jawmiraawo wi'i: “Yimɓe Isra'iila e yimɓe Yahuuda zammbi yam fakat.

Yeremiya 9:2

Foroy ɓe ɗon taaski fewugo. Ɓe kuuwtinirtaa gooŋga ngam laamanaago lesdi, ammaa fewre. Ɓe ɗon ɗuɗɗina kuuɗe kalluɗe, ɓe njaɓaay yam boo.

Gimi Boyki 1:18

Ammaa Jawmiraawo o adiliijo, koo to mi tuurtani umrooje maako. Naneeɗam, onon ummaatooje fuu, ndaare bone am. Faanyɓe rewɓe am e suka'en am ndahaama.

Ezekiyel 18:25

Ammaa on ɗon mbi'a: Laawol Jawmiraawo fottaay. Nane, onon yimɓe Isra'iila. On ɗon numa laawol am fottaay na? Kayya, laabi mooɗon ɗin pottaay!

Daniyel 9:14

An, yaa Jawmiraawo Allah amin, a yejjitaay haala kiita ma, a hiiti min fakat. Ngam a adiliijo nder kuuɗe ma fuu. Ammaa minin min ɗowtanaaki ma.

Daniyel 9:7

Yaa Jawmiraawo, an a adiliijo, ammaa minin Yahuudu'en jooɗiiɓe nder Urusaliima e Isra'iila'en wonɓe nder lesɗe ɓadiiɗe e daayiiɗe fuu, min cemti hannde. A saŋkiti min ngam min zammbi ma.

Hose'a 6:7

Ammaa kamɓe ɓe ɗowtanaaki alkawal am haa Adama, ɓe zammbi yam ton.

Habakuk 1:4

Ngam man tawreeta ɗowtanaaka, gooŋgaaku boo waŋgaay sam. Halluɓe ɗon ɓilla adili'en, ngam man kiita gooŋgaaha laati fewre.

Sefaniya 3:5

Ammaa Jawmiraawo o adiliijo caka maagol, o waɗataa kalluɗum. Nde weeti fuu, o ɗon ta'a kiita maako, o lelnataa ka sam. Ammaa kalluɗo walaa semteende!

Malakiya 2:17

On ɗon comna Jawmiraawo bee bolle mon. Ammaa on ɗon ƴama: “Bee ɗume min comni mo?” Bee wi'ugo: “Waɗanɓe halleende fuu ɗon pottana Allah, o ɗon seyoro ɓe.” Malla boo: “Toy Allah kiitoowo gooŋgaajo woni?”

Malakiya 3:15

Jonta min ɗon ndaara yedduɓe bana kamɓe ngoni barkiɗinaaɓe. Waɗanɓe halleende keɓi hayru. Naa kanjum tan, ammaa koo to ɓe njarribake Allah, ɓe ndaɗan.”

Tooktaaki Tawreeta 32:4

O tapaare hisrude. Kuugal maako, ngal timmuŋgal. Laabi maako fuu, ɗi darnuɗi. O Allah koolniiɗo, walaa faasikaare haa maako, o adiliijo darnuɗo!