Yeremiya 11:8 - Fulfulde Bible

⁸ Ammaa ɓe nanaay, ɓe kakkilaay. Koo moy tokki ɓernde mum saatunde, hallunde. Mi umri ɓe ɓe ɗowtano alkawal, ammaa ɓe cali. Ngam maajum mi ukkani ɓe kiita ka winnda nder maagal fuu.”

Fulfulde DC Bible

⁸ Ammaa ɓe nanaay, ɓe kakkilaay. Koo moy tokki ɓernde mum saatunde, hallunde. Mi umri ɓe ɓe ɗowtano alkawal, ammaa ɓe cali. Ngam maajum mi ukkani ɓe kiita ka winnda nder maagal fuu.”

Yeremiya 11:8 Iomraidhean Croise

Nehemiya 9:26

Ammaa ɓe ndartani ma, ɓe tuurtani ma, ɓe ngudini tawreeta ma haa ɓaawo maɓɓe. Ɓe mbari annabi'en reentinɓe ɓe ngam lortingo ɓe haa maaɗa, ɓe mbolwi bolle kalluɗe masin dow maaɗa.

Nehemiya 9:29

A reentini ɓe ngam haa ɓe lorto haa tawreeta maaɗa. Ammaa ɓe mawniti, ɓe ɗowtanaaki umrooje ma, ɓe mbaɗi hakke dow kiitaaji ma. Kanji, to goɗɗo tokkake ɗi, o yeeɗan. Ɓe ngaylitani ma ɓaawe, ɓe caatini ko'e maɓɓe, ɓe cali ɗowtaago.

Yeremiya 13:10

Yimɓe ummaatoore hallunde nde'e cali nanango yam, ɓe ɗon mbaɗa ko ɓerɗe maɓɓe caatuɗe ngiɗi, ɓe ɗon cujidana ɗowanteeɓe woɗɓe, ɓe ɗon ɗowtano ɓe. Ɓe laatoto bana taadorgol ngo'ol ngol nafataa sam!

Yeremiya 3:17

Saa'i man ɓe ewnoto Urusaliima Leeso laamu Jawmiraawo. Ummaatooje fuu mooɓoto ton ngam teddingo innde Jawmiraawo haa Urusaliima. Ɓe meetataa tokkaago numooji ɓerɗe maɓɓe kalluɗe.

Yeremiya 31:32

Ngal laatataako bana alkawal ngal kaɓɓumi bee kaakiraaɓe maɓɓe nyannde mi naŋngi juuɗe maɓɓe ngam wurtingo ɓe lesdi Misra. Koo mi laati jawmiiɓe, kamɓe ɓe piisti alkawal bee am.

Yeremiya 32:23

Ammaa nde ɓe nasti ndi, ɓe mari ndi, ɓe ɗowtanaaki ma, ɓe ɗowtanaaki tawreeta ma. Ɓe mbaɗaay ko a umruno ɓe waɗugo fuu. Ngam maajum a ukkani ɓe sarru ngu'u fuu.

Yeremiya 34:14

Nde duuɓi joweeɗiɗi njaalti fuu, sey ɓe njoofa banndiraaɓe maɓɓe Ibraniŋke'en soorruɓe ko'e muuɗum'en haa jaagorɓe muuɗum'en nde nii ɓe kuuwani ɓe duuɓi joweego. Ammaa kaakiraaɓe mon ɗowtanaaki yam, ɓe kakkilanaay ko mbi'mi ɓe.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 35:17

Ngam maajum min Jawmiraawo honooɓe asama, Allah Isra'iila, mi wi'i: Onon yimɓe Yahuuda e jooɗiiɓe nder Urusaliima, mi ukkanan on sarru ngu mbi'mi on fuu. Ngam mi wolwani on, ammaa on nanaay, mi ewni on, ammaa on njaabaaki.”

Yeremiya 38:20

Yeremiya jaabi: “A hokkataake haa juuɗe maɓɓe. Useni ɗowtana bolle Jawmiraawo ɗe mbi'maami. Nden kam a heɓan hayru, yoŋki ma boo hisan.

Yeremiya 44:16

“Min nanataa ko mbi'ɗa min bee innde Jawmiraawo.

Yeremiya 44:17

Fakat min mbaɗan ko min mbi'i fuu. Min ngulana ɗowanteeɗo debbo bi'eteeɗo Mayramjo Asama uurle, min ngaɗana mo dokke dufeteeɗe bana ko min mbaɗi, minin e kaakiraaɓe amin e laamiiɓe amin e ardiiɓe amin, nder gure Yahuuda e dow laabi Urusaliima. Saa'i man min ngoodino nyaamdu fantundu, min njooɗino jam, min ngi'aayno sarru sam.

Yeremiya 44:5

Ammaa kamɓe ɓe nanaay, ɓe kakkilaay. Ɓe accaay waɗugo kalluɗum, ɓe tokki wulango ɗowanteeɓe woɗɓe uurle.

Yeremiya 7:13

Jawmiraawo wi'i: “On ɗon mbaɗa hakkeeji ɗi'i fuu. Koo mi wolwani on tum, on cali nanugo. Nde mi ewni on, on njaabaaki.

Yeremiya 7:24

Ammaa ɓe ɗowtaaki, ɓe kakkilaay. Ndaa ko ɓe mbaɗi: Ɓe tokki nufayeeje ɓerɗe maɓɓe caatuɗe, kalluɗe. Ɓe ngaylitani yam ɓaawe maɓɓe, naa geese maɓɓe.

Yeremiya 7:26

Ammaa on nanaay, on kakkilaay. Ko'e mooɗon caati, on mbaɗi kalluɗum ko tulli kaakiraaɓe mooɗon.

Ezekiyel 20:8

Ammaa ɓe tuurtani yam, ɓe cali nanango yam. Ɓe fuu ɓe ngudinaay labbi maɓɓe nyidduɗi estanɗi ɓe, ɓe accaay teddingo labbi Misra boo. Mi taaskino rufugo tikkere am fuu dow maɓɓe nder Misra.

Zekariya 1:4

Taa laate bana kaakiraaɓe mon. Annabi'en ɓooyma ngooynani ɓe: Ndaa nii Jawmiraawo honooɓe asama wi'i: Lorte e laabi mooɗon kalluɗi, tuube, acce kuuɗe mooɗon kalluɗe! Ammaa ɓe nanaay, ɓe kakkilanaay wolde am.

Zekariya 7:11

Ammaa yimɓe cali nanugo. Ɓe ngayliti ɓaawo, ɓe cukki noppi maɓɓe ngam taa ɓe nana.