Yeremiya 11:4 - Fulfulde Bible

⁴ Mi haɓɓi ngal bee kaakiraaɓe mooɗon, nyannde nde mi wurtini ɓe lesdi Misra, haa ɓolinirde ngam ɓolingo njamndi. Mi wi'i ɓe: Naneeɗam, mbaɗe ko mi umrata on fuu. Nden kam on laatoto ummaatoore am, min boo mi laatoto Allah mooɗon.

Fulfulde DC Bible

⁴ Mi haɓɓi ngal bee kaakiraaɓe mooɗon, nyannde nde mi wurtini ɓe lesdi Misra, haa ɓolinirde ngam ɓolingo njamndi. Mi wi'i ɓe: Naneeɗam, mbaɗe ko mi umrata on fuu. Nden kam on laatoto ummaatoore am, min boo mi laatoto Allah mooɗon.

Yeremiya 11:4 Iomraidhean Croise

Laataanooji 17:8

Mi marnete maral duumiiŋgal lesdi Kanaana fuu, lesdi ndi jooɗiɗa nder muuɗum bana koɗo, an e danygol maaɗa ɓaawo maaɗa boo. Mi laatoto Allah maɓɓe.”

1 Laamiiɓe 8:51

Ngam ɓe ummaatoore ma e maral ma. A wurtini ɓe Misra diga boneeji naawɗi.

2 Laamiiɓe 18:6

O ɗakki Jawmiraawo, o selaay laawol tokkaago mo, o ɗowtani umrooje ɗe Jawmiraawo umruno Muusa.

Gurtaaki 20:6

Ammaa mi waɗanan yiɗɓe yam, ɗowtaniiɓe umrooje am mbooɗeeŋga haa gide ujineeje.

Esaaya 30:6

Ndaa koŋngol dow dabbaaji haa lesdi fombina: “Nder lesdi ɓillaare e mettamɓeram, ndi mbarooga ngorga e ndewa, foosokre e boɗɗe piirooje giiteeleeje ngoni haa muuɗum, nelaaɓe ɗon njahra jawdi Yahuuda dow ɓaawe bamɗe e ndesaaje maɓɓe dow ƴuuke geelooɗi haa ummaatoore nde nafataa ɓe.

Esaaya 48:10

Ndaa, mi laɓɓini on, ammaa naa bana cardi. Mi foondi on nder ɓolinirde ɓillaare.

Yeremiya 11:7

Nde mi wurtini kaakiraaɓe mooɗon lesdi Misra, mi barri ɓe ɗuuɗɗum haa ɓe ɗowtano bolle am. Mi tokki barraago ɓe haa wargo hannde.

Yeremiya 24:7

Mi hokkan ɓe faamu ngam anndugo min woni Jawmiraawo. Nden ɓe laatoto ummaatoore am, min boo mi laatoto Allah maɓɓe, ngam ɓe lortoto haa am bee ɓernde woore.

Yeremiya 26:13

Ammaa jonta mbo'ine laabi mon e kuuɗe mon kadi. Nane bolle Jawmiraawo Allah mon. Nden kam Jawmiraawo faasitan ukkango on sarru ngu o wi'no.

Yeremiya 30:22

On laatoto ummaatoore am, min boo mi laatoto Allah mooɗon”.

Yeremiya 32:28

Ngam maajum mbi'mi: Mi hokkan berniwol ngo'ol haa juuɗe Nabukodonosor, laamiiɗo Baabila e Kaldiya'en, ɓe nyaama ngol!

Yeremiya 38:20

Yeremiya jaabi: “A hokkataake haa juuɗe maɓɓe. Useni ɗowtana bolle Jawmiraawo ɗe mbi'maami. Nden kam a heɓan hayru, yoŋki ma boo hisan.

Ezekiyel 11:20

Nden kam ɓe ɗowtanto farillaaji am, ɓe tokkoto kiitaaji am. Ɓe laatoto ummaatoore am, min boo mi laatoto Allah maɓɓe.

Ezekiyel 14:11

Nden kam yimɓe Isra'iila meetataa yiilaago daayiiɗum bee am, ɓe meetataa soɓnugo ko'e maɓɓe bee tuurtolji maɓɓe fuu. Ɓe laatoto yimɓe ummaatoore am, min boo mi laatoto Allah maɓɓe. Min Allah Jawmiraawo wi'i ɗum.”

Ezekiyel 36:28

On njooɗoto nder lesdi ndi ndokkumi kaakiraaɓe mon. On laatoto ummaatoore am, min boo mi laatoto Allah mon.

Ezekiyel 37:23

Ɓe meetataa soɓnugo ko'e maɓɓe bee labbi maɓɓe malla kuuɗe maɓɓe nyidduɗe malla aybeeji maɓɓe. Mi hisnan ɓe diga gudinki nuɗɗinki maɓɓe fuu. Mi laɓɓinan ɓe ngam ɓe laato ummaatoore am, min boo mi laato Allah maɓɓe.

Ezekiyel 37:27

Jooɗorde am wondan bee maɓɓe, mi laatoto Allah maɓɓe, kamɓe boo ɓe laatoto ummaatoore am.

Daniyel 3:26

Nabukodonosor ɓaditi nastirde ɓolinirde, wi'i: “Sadarak, Meesak, Abed-Nego! Onon jaggiiɓe Allah Ɓaŋiiɗo, ngurte, ngare!” Law ɓe tato fuu ɓe ngurti diga yiite.

Farillaaji Lewi'en 26:12

Mi wondan bee mooɗon, mi laatoto Allah mon, onon boo on laatoto ummaatoore am.

Farillaaji Lewi'en 26:3

To on tokkake farillaaji am, to on kakkilani umrooje am, to on ɗowtanake ɗe,

Zekariya 13:9

Mi nastinan luttanɓe bee yoŋki ɓe'e nder yiite ngam laɓɓingo ɓe bana goɗɗo laɓɓinirta cardi. Mi foondan ɓe bana goɗɗo laɓɓinirta kaŋŋeeri. Nden kadi ɓe toroto yam, min boo mi jaɓan tornde maɓɓe. Mi wi'an: Onon, on yimɓe ummaatoore am. Kamɓe boo ɓe mbi'an: Jawmiraawo woni Allah amin.”

Zekariya 6:15

Yimɓe ngaran diga daayiiɗum, ɓe nyiɓto haykaliiru Jawmiraawo. Non annditirton Jawmiraawo honooɓe asama neli yam haa mooɗon. Ɗum laatoto to on ɗowtanake wolde Jawmiraawo bee gooŋga.

Zekariya 8:8

Mi wartiran ɓe, ngam ɓe njooɗo nder Urusaliima. Ɓe laatoto yimɓe ummaatoore am, min boo mi laatoto Allah maɓɓe nder gooŋgaaku e adilaaku.”

Matta 28:20

Ekkitine ɓe haa ɓe tokko ko mi umri on fuu. Min mi ɗon wondi bee mooɗon nyalɗe fuu haa yotto timmuki duniyaaru.”

2 Korintu'en 6:16

Ɗume hawtata haykaliiru Allah bee labbi? Ngam enen en haykaliiru Allah geeto, bana o wi'i: “Mi jooɗoto caka maɓɓe, mi wondan bee maɓɓe. Mi laatoto Allah maɓɓe, kamɓe boo ɓe laatoto ummaatoore am.”

Tooktaaki Tawreeta 11:27

Barka laatanto on, to on ɗowtanake umrooje Jawmiraawo Allah ɗe umranmi on hannde.

Tooktaaki Tawreeta 4:20

Ammaa onon, Jawmiraawo hooci on, wurtini on nder ɓolinirde njamndi nde lesdi Misra, ngam on laato ummaatoore maako e maral maako, bana no on mba'i hannde.

Tooktaaki Tawreeta 5:6

Min woni Jawmiraawo, Allah maaɗa, gurtinɗo ma jeyaaŋgu haa lesdi Misra.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

1 Samuyila 15:22

Ammaa Samuyila wi'i: “Ɗume ɓuri fottango Jawmiraawo, guleteeɗi e kirseteeɗi na malla to goɗɗo ɗowtanake umroore maako? Fakat, ɗowtaare ma ɓuran seynugo mo dow kirseteeɗi jawɗi payɗi fuu.