Yeremiya 10:7 - Fulfulde Bible

⁷ Moy hulataa ma, yaa laamiiɗo ummaatooje? An a he'i huleego. Walaa nannduɗo bee maaɗa caka marɓe hikma nder ummaatooje e nder laamuuji maɓɓe fuu.

Fulfulde DC Bible

⁷ Moy hulataa ma, yaa laamiiɗo ummaatooje? An a he'i huleego. Walaa nannduɗo bee maaɗa caka marɓe hikma nder ummaatooje e nder laamuuji maɓɓe fuu.

Yeremiya 10:7 Iomraidhean Croise

2 Laamiiɓe 17:39

Ammaa kule Allah Jawmiraawo mooɗon, nden min, mi hisnan on juuɗe konne'en mooɗon fuu.”

1 Habaruuji Nyalaaɗe 16:25

Ngam Jawmiraawo o mawɗo, o maŋgteteeɗo masin, o kulniiɗo ɓurɗo ɗowanteeɓe fuu.

Asta 1:13

Nden o sarwotiri bee dawrooɓe maako annduɓe no goɗɗo huuwrata wakkatiiji fuu, ngam ɗum al'aada laamiiɗo o sarwotira haala fuu bee annduɓe umrooje e kiita.

Jabuura 147:5

Jawmiraawo men o mawɗo, o baawɗo masin, anndal maako walaa keerol.

Jabuura 22:28

Ummaatooje keeri duniyaaru fuu ciftoran Jawmiraawo, ɓe lortoto haa maako, le'i ummaatooje fuu cujidanan mo.

Jabuura 47:3

Ngam Jawmiraawo Ɓaŋiiɗo, o kuleteeɗo, o laamiiɗo mawɗo dow duniyaaru fuu!

Jabuura 72:11

Laamiiɓe fuu cujidanan mo, ummaatooje fuu njagganto mo.

Jabuura 76:7

An a furkiti ɓe, yaa Allah Yaakubu, pucci mbaati, wa'iiɓe ɗi fuu ndo'i, maayi.

Jabuura 86:8

Walaa ɗowanteeɗo nanndi bee maaɗa, yaa Jawmiraawo, walaa baawanɗo huuwugo kuuɗe ɗe kuuwata.

Jabuura 86:9

Ummaatooje ɗe tagɗa fuu, ngaran sujidango ma, teddinan innde ma, yaa Jawmiraawo.

Jabuura 89:6

Sey asamanji maŋgta kaayeefiiji ma, yaa Jawmiraawo, mooɓorde seniiɓe maŋgta gooŋgaaku ma.

Gurtaaki 8:10

Misra'en mbaagi ɗi baagaaje baagaaje, lesdi hacci dus.

Gurtaaki 9:14

Ngam jonta kam mi ukkante masiibooji am fuu, an e saraaki'en ma e ummaatoore ma. Nden kam a anndan walaa nannduɗo bee am nder duniyaaru fuu.

Esaaya 2:4

O laatoto kiitoowo hakkunde ummaatooje, non boo caka le'i ɗuuɗɗi. Bee kaafaaje maɓɓe ɓe tappiran baaneeje, bee labbe maɓɓe boo bafɗi. Walaa ummaatoore meetata ɓaŋgtugo kaafahi dow ummaatoore woɗnde, ɓe meetataa ekkitaago haɓre.

Yeremiya 10:6

Yaa Jawmiraawo, walaa nannduɗo bee maaɗa. A mawɗo, innde maaɗa nde mawnde marnde semmbe.

Yeremiya 5:22

Jawmiraawo ɗon ƴama: “On kulataa yam na? On ndiwnataa yeeso am na? Min mi heerɗini mbeela bee njaareendi, ɗum keerol duumiiŋgol ngol saalataake. Ƴuuge mbeela ɗon ndimmbo, ammaa ɗe ngalaa baawɗe. Ɗe ɗon iida, ammaa ɗe caalataako keerol man.

Daniyel 2:27

Daniyel jaabi laamiiɗo: “Barkaama, sirri ko ƴamɗa maana muuɗum, hikma'en e laarooɓe e waɗooɓe hatti e annduɓe haala koode mbaawataa waŋginango ma ɗum.

Daniyel 2:28

Ammaa woodi Allah mo asama, kaŋko waŋginta sirriiji. O holli ma, yaa laamiiɗo Nabukodonosor, ko laatoto yeeso ɗo. Koyɗol ngol koyɗuɗa e wahayuuji ɗi ngi'ɗa dow be'itte ma, ndaa ɗum:

Habakuk 3:2

Yaa Jawmiraawo, mi nani habaru maaɗa. Kuugal ma hulni yam, yaa Jawmiraawo. Huuw kuugal man fahin nder zamanu amin, waŋgin ngal nder nyalɗe ɓadiiɗe. Koo nder tikkere ma boo taa accu hinnuye ma.

Zekariya 2:11

Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

Malakiya 1:11

Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Luka 12:5

Mi hollan on mo kuloton: Kule mo waawi mbarugo, mo woodi baawɗe sakkingo nder yiite jahannamaaye boo. Nonnon, mi ɗon wi'a on, kaŋko haani huleego.

1 Korintu'en 8:6

Bee non fuu, ngam meeɗen kam woodi Allah gooto tan, Baabiraawo, mo tagi kuuje fuu, daliila maako boo ngeeɗeten. Non boo Jawmiraawo gooto tan, Yeesu Almasiihu. Diga maako kuuje fuu iwi, enen boo, diga maako iwɗen.

Yosuwa 4:24

O waɗi ɗum ngam haa ummaatooje duniyaaru fuu annda baawɗe Jawmiraawo mawɗe, onon boo on kula Allah Jawmiraawo mon haa foroy.”

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”

Wahayu Yuhanna 15:4

Moy hulataa ma, yaa Jawmiraawo? Moy teddintaa innde maaɗa? Ngam an feere ma woni ceniiɗo. Ummaatooje fuu ngaran sujididgo yeeso ma, ngam kuuɗe ma adiliije mbaŋgi.”