Yeremiya 10:12 - Fulfulde Bible

¹² Jawmiraawo waɗi lesdi bee baawɗe mum, bee hikma maako o tagri duniyaaru, bee anndal maako o we'iti asama.

Fulfulde DC Bible

¹² Jawmiraawo waɗi lesdi bee baawɗe mum, bee hikma maako o tagri duniyaaru, bee anndal maako o we'iti asama.

Yeremiya 10:12 Iomraidhean Croise

Laataanooji 1:1

Haa fuɗɗam Allah tagi asamanji e lesdi.

Laataanooji 2:5

walaa guuɓe dow lesdi tawon, haakooji gese boo puɗaay, ngam Allah Jawmiraawo toɓnaayno iyeende dow lesdi, saa'i maajum walaa neɗɗo tawon haa rema ndi.

1 Habaruuji Nyalaaɗe 16:26

Ngam ɗowanteeɓe jama'aaje fuu ɗum labbi meere, ammaa Jawmiraawo tagi asamanji.

Ayuba 26:7

Allah we'iti woyla dow cookum tan, kaŋko ɓili duniyaaru haa ko walaa sam.

Ayuba 37:18

Bana Allah a we'itan asamaawu haa ngu saata bana daarorgal njamndi na?

Ayuba 9:8

Sey kaŋko tan we'iti asama, o yaaɓan dow ƴuuge ndiyamji.

Jabuura 104:2

A ɗon moji annoora, a we'iti asamanji bana laymaaru.

Jabuura 104:24

Yaa Jawmiraawo, tagefooji ma ɗi ɗuuɗɗi masin! A tagri ɗi fuu bee hikma, duniyaaru fuu heewi mardi ma.

Jabuura 119:90

Gooŋgaaku ma ɗon tabiti diga yidere haa yidere. An a jo'ini lesdi, ndi ɗon tabiti.

Jabuura 24:2

Ngam kaŋko jo'ini ndu dow beeli, o tabitini ndu dow ndiyamji.

Jabuura 33:6

Jawmiraawo tagri asamanji bee wolde mum, koode fuu bee poofɗe mum.

Jabuura 65:7

A tabitini kooseeje bee baawɗe ma, ngam a baawɗo masin.

Jabuura 78:69

O nyiɓi suudu maako seniindu bana joole haa asama, o tabitini ndu haa foroy bana lesdi.

Jabuura 93:1

Jawmiraawo woni laamiiɗo. O ɗon ɓorni maŋngu. Jawmiraawo ɓornake ngu, ɗon moji baawɗe. Duniyaaru tabiti, dimmbataako.

Balndi 3:19

Jawmiraawo jo'ini lesdi bee hikma, o tabitini asamanji bee faamu maako.

Balndi 30:4

Moy eeŋgi haa asama, jippi diga ton? Moy mooɓti henndu haa juuɗe mum? Moy haɓɓi ndiyamji nder limce mum? Moy tabitini keeri duniyaaru? Noy innde maako e innde ɓiyiiko? An a anndi na?”

Esaaya 37:16

“Yaa Jawmiraawo honooɓe asama, Allah Isra'iila, jooɗiiɗo haa leeso laamu dow keruba'en, an feere ma woni Allah dow laamuuji duniyaaru fuu. An waɗi asama e lesdi.

Esaaya 40:22

Kaŋko o ɗon jooɗi haa dow taarde duniyaaru, jooɗiiɓe nder maaru laati bana baɓɓatti. O ɗon we'ita asamanji, o ɗon yaajina ɗi bana suudu laymaaru, haa o wartira ɗi jooɗorde maako.

Esaaya 42:5

Allah Jawmiraawo mo tagi asamanji, we'iti ɗi, mo waɗi lesdi e fuɗŋgooji maari, mo hokki yimɓe wonɓe dow maari poofɗe e yahooɓe dow maari ruuhu – ndaa nii o wi'i suka maako:

Esaaya 44:24

Ndaa nii Jawmiraawo, coottoowo ma, tagɗo ma nder reedu daada ma wi'i: “Min woni Jawmiraawo, baɗoowo koo ɗume fuu. Min feere am mi we'iti asamanji. Saa'i mi we'iti lesdi, moy wonduno bee am?

Esaaya 45:12

Min waɗi lesdi, min tagi neɗɗo dow maari. Juuɗe am mbe'iti asamanji, min ɗowata jama'aaje man fuu.

Esaaya 45:18

Jawmiraawo tagi asamanji, kaŋko woni Allah. O waɗi lesdi, o tabitini ndi. O tagaay ndi ngam haa ndi ferwa, ammaa ngam yimɓe njooɗo ton. Ndaa nii o wi'i: “Min woni Jawmiraawo, walaa Allah feere sam.

Esaaya 48:13

Juŋngo am saɓɓi lesdi, nyaamo am we'iti asamanji. To mi ewnake lesdi e asamanji, ɗum fuu ɗum darodotto.

Esaaya 49:8

Ndaa nii Jawmiraawo wi'i: “Wakkati mo'ere mi jaɓi tornde ma, nyalaade kisndam mi walli ma. Mi ɗon ayne haa laatoɗa alkawal ummaatoore, haa mbo'itina lesdi, cenndana yimɓe maral maɓɓe bonniiŋgal jonta,

Yeremiya 10:13

To o telɓi, ndiyamji nder asama ɗon mooɓo, o ɗon wa'ina duule e keeri duniyaaru, o ɗon sakkina ma'e haa iyeende toɓa, o ɗon wurtina henndu nder cigorɗi maako.

Yeremiya 10:16

Ammaa Allah laatiiɗo geɗal Yaakubu laataaki bana non. Kaŋko woni tagɗo kuuje fuu, o suɓi Isra'iila'en ɓe laato yimɓe maral maako. Innde maako Jawmiraawo honooɓe asama.

Yeremiya 14:22

Walaa lawru haa ummaatooje waawata toɓnugo iyeende, asama boo waawataa toɓnugo waabiliire. Tammunde hayru amin ɗon haa maaɗa, yaa Jawmiraawo Allah amin, ngam an waɗata kuuje ɗe'e fuu!”

Yeremiya 27:5

Min bee baawɗe am mawɗe e juŋngo am fortaaŋgo tagrumi lesdi e yimɓe e dabbaaji gonɗi dow maari. Mi hokkan ɗum haa juŋngo mo ngiɗmi.

Yeremiya 32:17

“Yaa Allah Jawmiraawo, an a tagi asama e lesdi bee baawɗe ma mawɗe e juŋngo ma fortaaŋgo. Walaa ko salorte!

Zekariya 12:1

Ɗo woni koŋngol Jawmiraawo dow Isra'iila. Jawmiraawo mo we'iti asamanji, mo saɓɓi lesdi, mo tagi ruuhu nder neɗɗo, wi'i:

Yuhanna 1:3

Allah tagri koo ɗume fuu bee maare, walaa ko taga bilaa maare.

Kolossi'en 1:16

Ngam bee maako Allah tagri kuuje fuu haa asama e dow lesdi, ko yi'ete e ko yi'ataake boo, baawɗeeji e jawmiraaɓe e mawɓe asama e marɓe laamu. Allah tagri kuuje fuu bee Almasiihu, o tagi ɗe boo ngam maako.