Yeremiya 10:10 - Fulfulde Bible

¹⁰ Ammaa Jawmiraawo o Allah bee gooŋga, o Allah geeto, o laamiiɗo duumiiɗo. To o ɓerni, lesdi dimmboto, to o tikki, ummaatooje ndarataako.

Fulfulde DC Bible

¹⁰ Ammaa Jawmiraawo o Allah bee gooŋga, o Allah geeto, o laamiiɗo duumiiɗo. To o ɓerni, lesdi dimmboto, to o tikki, ummaatooje ndarataako.

Yeremiya 10:10 Iomraidhean Croise

Laataanooji 21:33

Ibrahiima jubi lekki aslahi haa Biirsaba. Haa ton o ewni innde Jawmiraawo, Allah duumiiɗo nder do'a.

1 Laamiiɓe 18:39

Nde yimɓe ummaatoore fuu ngi'i ɗum, ɓe cujidi, ɓe mbi'i: “Jawmiraawo woni Allah gooŋgaajo! Jawmiraawo woni Allah gooŋgaajo!”

1 Laamiiɓe 8:60

Bana nii ummaatooje duniyaaru fuu anndan Jawmiraawo feere muuɗum woni Allah, walaa Allah feere sam.

1 Habaruuji Nyalaaɗe 29:11

Yaa Jawmiraawo, an mari maŋngu e baawɗe e tedduŋgal e daraja e ɗelko, ngam an mari ko woni nder asama e lesdi fuu. Yaa Jawmiraawo, an mari laamu, a ɓaŋiiɗo dow koo ɗume fuu.

2 Habaruuji Nyalaaɗe 15:3

Duuri, Isra'iila walaano Allah gooŋɗuɗo, walaa limanjo anndinoowo ɓe, walaa tawreeta boo.

Ayuba 9:6

O dimmbinan duniyaaru haa pellel mum, o diwninan caɓɓaaje maaru.

Jabuura 10:16

Jawmiraawo woni laamiiɗo haa abada abadin, heefeerɓe timmi diga lesdi maako.

Jabuura 100:3

Annde, Jawmiraawo woni Allah, kaŋko tagi en, o mari en, en ummaatoore maako e tokkere maako.

Jabuura 100:5

Ngam Jawmiraawo o booɗɗo, mbooɗeeŋga maako ɗon haa abada, gooŋgaaku maako ɗon diga yidere haa yidere.

Jabuura 104:32

To o laari lesdi, ndi dimmboto. To o meemi kooseeje, ɗe ngurtinan cuurka.

Jabuura 114:7

An lesdi, diwnu yeeso Jawmiraawo, diwnu yeeso Allah Yaakubu,

Jabuura 145:13

Laamu ma ɗum laamu nduumiiŋgu, laamu ma tabitan diga yidere haa yidere. Jawmiraawo o koolniiɗo nder bolle maako fuu, o booɗɗo nder kuuɗe maako fuu.

Jabuura 146:6

Kaŋko tagi asamanji e lesdi, non boo mbeela e ko woni nder maaga fuu. Kaŋko o koolniiɗo foroy.

Jabuura 18:7

Nder ɓillaare am toriimi Jawmiraawo, mi wookani Allah am. Diga haykaliiru maako o nani sawtu am, gookaali am njotti noppi maako.

Jabuura 29:10

Jawmiraawo ɗon jooɗi dow ilamji, Jawmiraawo woni laamiiɗo duumiiɗo.

Jabuura 31:5

A hisnatam tuuforgol ngol ɓe tuufnani yam, ngam an woni hisrude am.

Jabuura 42:2

Bana lelwa ɗomɗuŋga yenwirta ndiyam haa maaje, non yoŋki am yenwirte, yaa Allah!

Jabuura 68:11

Ummaatoore ma jooɗi nder maagal, nder mbooɗeeŋga ma a taaskitini ngal ngam laafuɓe, yaa Allah.

Jabuura 68:8

Yaa Allah, saa'i a ardi ummaatoore ma, a ta'i ladde hamaadaare,

Jabuura 74:12

Ammaa a laamiiɗo amin diga ɓooyma, yaa Allah, a huuwi kuuɗe dimɗinooje nder duniyaaru.

Jabuura 76:7

An a furkiti ɓe, yaa Allah Yaakubu, pucci mbaati, wa'iiɓe ɗi fuu ndo'i, maayi.

Jabuura 76:8

Fakat a kulniiɗo! Moy waawata daraago yeeso ma to a tikki?

Jabuura 77:18

Duule ndufi iyeele, mbaɗi pelmaali, cakkini ma'e.

Jabuura 84:2

Jooɗorde ma wooɗi masin, yaa Jawmiraawo honooɓe asama!

Jabuura 9:8

Ammaa Jawmiraawo ɗon laamo haa foroy, o tabitini leeso laamu maako ngam kiita.

Jabuura 90:11

Moy anndi semmbe ɓernuki ma? Moy anndi tikkere ma fodde kulol ngol haandani ma?

Jabuura 90:2

Diga kooseeje ciwaa waŋgugo, diga duniyaaru boo tagaaka, an woni Allah duumiiɗo foroy haa abada.

Jabuura 93:2

Leeso laamu ma ɗon tabiti diga fuɗɗam, diga ɓooyma, a ɗon.

Jabuura 97:4

Ma'e maako ɗon yaynana duniyaaru, lesdi ɗon yi'a ɗum, ɗon diwna.

Esaaya 37:17

Yaa Jawmiraawo, nan, laar. Yaa Jawmiraawo, nan bolle ɗe Sanherib neldi ngam jancugo ma, yaa Allah geeto.

Esaaya 37:4

Teema Allah Jawmiraawo maaɗa nanan bolle mawɗo yarnooɓe, mo jawmum laamiiɗo Assuura neli ɗum, haa o janca Allah geeto. Teema Allah Jawmiraawo maaɗa hiitoto bolle ɗe o nani. Kadi waɗ do'aare ngam luttuɓe wonɓe ɗo.”

Esaaya 40:15

Ndaa, ummaatooje nanndi bee toɓɓere haa yaasi cafgal, teddeeŋga maaje bana teddeeŋga jaareeŋgel dow awnorɗum, duuɗe boo bana collaayel.

Esaaya 40:28

On anndaa ɗum na? On nanaay ɗum na? Jawmiraawo, Allah duumiiɗo tagi keeri duniyaaru. O somataa, o tampataa, hakkiilo maako heɓtataake.

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Esaaya 65:16

Koo moy haa lesdi giɗɗo barkiɗineego, tefan ɗum bee innde Allah koolniiɗo. Koo moy kunotooɗo haa lesdi, hunorto bee Allah koolniiɗo. Ngam ɓe ngejjitan ɓillaaje ɓooymaaje, ɗe majjidan haa gite am.”

Yeremiya 23:36

Taa goɗɗo meeta wi'ugo: Ɗo woni koŋngol Jawmiraawo. Bolle ɗe goɗɗo man wolwata laataaki koŋngol Jawmiraawo, ammaa ɗum iwi haa maako. Yimɓe ngayli bolle Allah geeto mo Jawmiraawo honooɓe asama.

Yeremiya 4:2

to on kunorake bee wi'ugo fakat Jawmiraawo o geeto, nder gooŋgaaku e nder darnuɗum e adilaaku, nden kam ummaatooje goɗɗe boo keɓan barka daliila innde Jawmiraawo, ɗe mantorto mo boo.”

Yeremiya 4:24

Mi laari kooseeje, ndaa ɗe ndimmbi, towndiije boo fuu ndiwtori.

Yeremiya 50:46

Hoolo yibbere Baabila dimmbinan lesdi, ummaatooje goɗɗe nanan gookaali maɓɓe.”

Yeremiya 51:29

Lesdi ɗon dimmbo, ɗon diwna, ngam min Jawmiraawo mi ɗon timmina nufo am, mi laatina Baabila ladde meere nde walaa jooɗiiɓe ton.

Daniyel 4:3

Mi umri waddugo hikma'en Baabila fuu yeeso am, ngam haa ɓe passitiranammi koyɗol am.

Daniyel 4:34

Min Nabukodonosor, jonta mi ɗon yetta, mi ɗon maŋgta, mi ɗon teddina Laamiiɗo asama. Kuuɗe maako fuu ɗe gooŋgaaje, laabi maako fuu laaɓi. O waawan leestingo mawnitiiɓe.”

Daniyel 6:26

Ɓaawo man laamiiɗo Dariyus winndi bataakewol yahugo haa yimɓe nder ummaatooje e asli e ɗemɗe duniyaaru fuu, wi'ugo ni'i: “Salaaman ɗuuɗana on!

Daniyel 6:27

Mi ɗon umra nder laamu am fuu, koo moy hula, teddina Allah mo Daniyel teddinta ɗum. Ngam kaŋko woni Allah geeto, o ɗon yeeɗa haa foroy. Laamu maako wilataako sam, baawɗe maako njinnataa haa foroy.

Daniyel 7:14

O hokkaama baawɗe e tedduŋgal e laamu, yimɓe nder ummaatooje e asli e ɗemɗe fuu ɗon ɗowtano mo. Baawɗe maako nduumoto haa foroy, laamu maako wilataako sam!

Yo'el 2:11

Ngam Jawmiraawo hooli yeeso jama'aare konu muuɗum. Jama'aare maako ɗuuɗnde masin, hiɓɓinooɓe muuyo maako mari baawɗe. Ngam nyalaade Jawmiraawo laatoto mawnde, hulniinde masin. Moy waawata ɓusugo nde?

Mika 1:4

Kooseeje ɗon ɓolwa les paalanɗe maako, waadiiji ɗon ceeka bana taari nder yiite, bana ndiyam ilanɗam haa diirtorde.

Nahum 1:5

Kooseeje ndiwnan daliila maako, towndiije ɓolwan. Lesdi dimmboto yeeso maako. Non boo duniyaaru e jooɗiiɓe nder maaru fuu.

Nahum 1:6

Moy dartoto yeeso ɓernuki maako? Moy waawata dartanaago tikkere maako saatunde? Ɓernuki maako ɗon waanjo bana yiite, tapaaje ceeki yeeso maako.

Habakuk 3:10

Kooseeje ngi'i ma, ɗe ndiwni. Ilamji mawɗi ɗon ila. Luggeeŋga mbeela ɗon hoola, ɗon ummina ƴuuge towɗe.

Habakuk 3:6

O dari, o dimmbini lesdi. O laari ummaatooje, ɗe ndiwni, kooseeje ɓooymaaje campiti, towndiije ɓooymaaje ngibbi, kanje ngoni laabi maako diga ɓooyma.

Malakiya 3:2

Ammaa moy waawata ɓusugo nyalaade garki maako? Moy waawata dartaago nyalaade nde o waŋgoyta? Ngam o laatoto bana yiite ɓolinoowo, bana saabulu lootoowo.

Matta 16:16

Simon Piyer jaabi mo: “An woni Almasiihu, Ɓiɗɗo Allah geeto.”

Matta 26:63

Ammaa Yeesu jeeɗi. Nden hooreejo liman'en wi'i mo: “Mi ɗon hunne bee innde Allah geeto, wi' min: An woni Almasiihu, Ɓiɗɗo Allah na?”

Yuhanna 17:3

Ndaa ko woni ngeendam nduumiiɗam: Ɓe annda an woni Allah gooto, gooŋgaajo, ɓe annda boo Yeesu Almasiihu, nelaaɗo ma.

Kuuɗe Nelaaɓe 14:15

“Onon worɓe, koni mbaɗoton ɗum? Minin boo min yimɓe bana mon! Min ngari haa ɗo ngam min ngaazina on Linjiila, haa on acca kuuje meereeje ɗe'e, on nuɗɗina Allah geeto, tagɗo asama e lesdi e mbeela e ko woni nder maajum fuu.

Tooktaaki Tawreeta 32:4

O tapaare hisrude. Kuugal maako, ngal timmuŋgal. Laabi maako fuu, ɗi darnuɗi. O Allah koolniiɗo, walaa faasikaare haa maako, o adiliijo darnuɗo!

Tooktaaki Tawreeta 5:26

Ngam neɗɗo moye meeɗi yeeɗugo ɓaawo o nani Allah geeto wolwani mo nder yiite, bana minin hannde?

1 Tessaloniiki'en 1:9

Ngam kamɓe tokki yeccugo no on njaɓɓiri min e no on acciri labbi haa on ɗowtano Allah geeto, gooŋgaajo,

1 Timote 1:17

Hormu e tedduŋgal laatano Allah gooto, laamiiɗo duumiiɗo, mo maayataa, mo yi'ataake haa abada abadin. Aamiina!

1 Timote 6:17

Umru riskuɓe nder duniyaaru ndu'u, taa ɓe mawnito. Taa ɓe koolo risku ngam ngu tabitittaa, ammaa ɓe koolo Allah, dokkanɗo en koo ɗume fuu bee caahaaki haa en ceyoro ɗum.

Ibraniŋke'en 10:31

Yanugo diga juŋngo Allah geeto ɗum kulniiɗum masin!

Yosuwa 3:10

Nden on anndan Allah geeto ɗon caka mooɗon e fakat o riiwan Kanaani'en e Heti'en e Hewi'en e Perezzi'en e Girgasi'en e Amoori'en e Yebusi'en yeeso mooɗon.

1 Yuhanna 5:20

En anndi boo Ɓiɗɗo Allah wari, hokki en faamu ngam anndugo Allah gooŋgaajo. En ɗon nder kawtal bee Allah gooŋgaajo e bee Ɓiɗɗo mum Yeesu Almasiihu. Kaŋko woni Allah gooŋgaajo e ngeendam nduumiiɗam.

Wahayu Yuhanna 20:11

Nden mi yi'i leeso laamu maŋngo raneewo e jooɗiiɗo dow maago. Lesdi e asama ndoggi yeeso maako, meetaay yi'eego.

Alkaali'en 5:4

Yaa Jawmiraawo, nde ngurtiiɗaa Se'ir, nde ngarɗa diga gese Edoom, lesdi dimmbi, duule toɓni ndiyam maaje, diga asama iyeende ɗuuɗnde toɓi.

1 Samuyila 17:26

Daawuda ƴami worɓe dariiɓe kommbi muuɗum: “Mbarjaari ndiye mbaranɗo Filistiijo oo, ittanɗo mbustu dow Isra'iila heɓata? Moy saadooniijo oo haa o janca caffuuji konu Allah geeto?”

1 Samuyila 17:36

Mi waawti barooɗe e ɓoodi goɗɗi fuu. Filistiijo saadooniijo oo laatoto bana maaje, ngam o janci caffuuji konu Allah geeto.