Yeremiya 1:8 - Fulfulde Bible

⁸ Taa hul ɓe, ngam mi ɗon wondi bee ma ngam hisnugo ma.” Non Jawmiraawo wi'i.

Fulfulde DC Bible

⁸ Taa hul ɓe, ngam mi ɗon wondi bee ma ngam hisnugo ma.” Non Jawmiraawo wi'i.

Yeremiya 1:8 Iomraidhean Croise

Gurtaaki 3:12

Allah wi'i mo: “Mi wondan bee ma. Ndaa nii ngooŋɗinirta min neli ma: To a wurtini ummaatoore nde'e diga Misra, on njaggano yam dow hooseere nde'e.”

Esaaya 43:2

To a ɗon ta'a caka ndiyam lugguɗam, min mi wondan bee maaɗa, to a ɗon taƴta maaje, ɗe moɗataa ma. To a nasti yiite, a wulataa, ɗemŋgal yiite naawnataa ma.

Esaaya 51:12

Jawmiraawo wi'i: “Min, min feere am de'itinta on. Koni kuloton neɗɗo maayanɗo, ɓii Aadama nannduɗo bee huɗo?

Esaaya 51:7

Naneeɗam, onon annduɓe adilaaku, onon jogiiɓe tawreeta am nder ɓerɗe mon! Taa kule feloore yimɓe, taa ndiwtore daliila kuudi maɓɓe.

Yeremiya 1:17

Ammaa an, taada, yah yeccu ɓe ko mi umrete fuu. Taa hultor daliila maɓɓe, ngam taa mi hulne yeeso maɓɓe.

Yeremiya 1:19

Ɓe konete, ammaa ɓe njaalataako ma ngam mi ɗon wondi bee maaɗa ngam hisnugo ma.” Non Jawmiraawo wi'i.

Yeremiya 20:11

Ammaa an, yaa Jawmiraawo, a ɗon wondi bee am, a konoowo cemmbiɗɗo. Ngam maajum toonyooɓe yam ndo'oto, ɓe keɓataa jaalorgal. A semtinan ɓe masin, ɓe keɓataa jaalorgal. Toskaare maɓɓe duumoto, nde yejjitittaake!

Yeremiya 30:11

Jawmiraawo wi'i: “Mi ɗon wondi bee mooɗon ngam hisnugo on. Mi nattinan ummaatooje fuu haa caŋkititmi on. Ammaa onon, mi nattintaa on. Mi eltan on fakat, ammaa mi eltan on deydey, mi laarataa on bana on ngalaano aybe.” Non Jawmiraawo wi'i.

Yeremiya 39:11

Nabukodonosor, laamiiɗo Baabila umruno Nebuzaradan, hooreejo aynooɓe muuɗum, ngam daliila Yeremiya, wi'no mo:

Yeremiya 42:11

Taa kule laamiiɗo Baabila. Taa kule mo, ngam min Jawmiraawo mi ɗon wondi bee mooɗon, haa mi hisna on e juŋngo maako, mi rimɗina on. Non Jawmiraawo wi'i.

Daniyel 3:17

To Allah mo min teddinta ɗum waawi hisnugo min yiite ɓolinirde e juŋngo maaɗa, nden kam o hisnan min.

Daniyel 3:25

O wi'i: “E ko waɗi mi ɗon yi'a worɓe nayo ɗon ngaanca nder yiite? Ɓe kaɓɓaaka, ɓe naawnaaka, nayaɓo maɓɓe boo, jaati maako bana jaati ɓiɗɗo ɗowanteeɓe!”

Matta 10:26

“Kadi, taa kule ɓe. Cuuɗiiɗum fuu waŋgan, sirriijum fuu faamoto.

Matta 28:20

Ekkitine ɓe haa ɓe tokko ko mi umri on fuu. Min mi ɗon wondi bee mooɗon nyalɗe fuu haa yotto timmuki duniyaaru.”

Kuuɗe Nelaaɓe 18:10

ngam mi ɗon wondi bee ma. Walaa mo meemete, ngam mi woodi yimɓe ɗuuɗɓe nder berniwol ngo'ol.”

Kuuɗe Nelaaɓe 26:17

Mi hisnete juuɗe Isra'iila'en e yimɓe ummaatooje goɗɗe, ɓe mi ɗon nela ma haa maɓɓe,

Kuuɗe Nelaaɓe 4:13

Dawrooɓe Yahuudu'en go kayɗini ngam ɓe ngi'i Piyer e Yuhanna kulaay sam, sakko nde ɓe tawi naa ɓe tedduɓe, naa ɓe jaŋnguɓe boo. Nden ɓe annditi ɓe ɗonno ngondi bee Yeesu.

Kuuɗe Nelaaɓe 4:29

Jonta, yaa Jawmiraawo, nan barriya maɓɓe! Hokku maccuɓe ma baawɗe wolwugo bolle maaɗa bee dartaare timmididnde!

Efesu'en 6:20

Koo mi kaɓɓaaɗo nder fursina jonta, mi wakiiliijo Linjiila. Ndo'aneeɗam haa mi waazina ka bee dartaare bana no ɗum haandani yam.

Tooktaaki Tawreeta 31:6

Cemmbiɗe, cuusɗine ɓerɗe mon, taa kule sam, taa kultoreeŋgol naŋnga on yeeso maɓɓe! Ngam Jawmiraawo, Allah mooɗon yahdan bee mooɗon, o accataa on, o wudintaa on.”

Tooktaaki Tawreeta 31:8

Jawmiraawo bee hoore mum ardoto ma, wondan bee ma. O accataa ma, o wudintaa ma. Ngam maajum taa hul, taa tampu sam.”

Yosuwa 1:5

Balɗe ma fuu walaa dartantooɗo ma. Bana mi wonduno bee Muusa, bana non ngondiranmi bee maaɗa boo. Mi accataa ma e mi wudintaa ma sam.

Yosuwa 1:9

Naa mi umri ma na? Sey a semmbiɗa, a laato cuusɗo. Taa hul, taa diwtora sam, ngam min, Allah Jawmiraawo maaɗa mi ɗon wondi bee maaɗa haa njahata fuu.”