Yeremiya 1:5 - Fulfulde Bible

⁵ “Hiddeko mi waɗe nder reedu daada ma, mi anndi ma. Hiddeko a danye, mi seni ma, mi darni ma a annabiijo ngam ummaatooje.”

Fulfulde DC Bible

⁵ “Hiddeko mi waɗe nder reedu daada ma, mi anndi ma. Hiddeko a danye, mi seni ma, mi darni ma a annabiijo ngam ummaatooje.”

Yeremiya 1:5 Iomraidhean Croise

Jabuura 139:15

I'e am cuuɗanaaki ma saa'i a tagammi nder cuuɗiiɗum, saa'i a tafi yam nder lugguɗum lesdi.

Jabuura 139:16

A yi'i yam diga mi tafaakano. A aarti a winndi balɗe ɗe a ta'ani yam fuu nder deftere ma hiddeko arannde maaje fuɗɗa.

Gurtaaki 33:12

Muusa wi'i Jawmiraawo: “Ndaa, a umri yam mi ɗowa ummaatoore nde'e. Ammaa a anndinaay yam moy a nelata ngam wallugo yam. A wi'i boo: Mi anndi ma bee innde ma, mi yerdake ma.

Gurtaaki 33:17

Jawmiraawo wi'i Muusa: “Mi waɗan bana mbi'ɗa, ngam mi yerdake ma, mi anndi ma booɗɗum.”

Esaaya 44:2

Min Jawmiraawo mi waɗi ma, mi tagi ma nder reedu daada ma, mi balloowo ma. Taa hul, an suka am Yaakubu, an mo cuɓmi.

Esaaya 49:1

Naneeɗam, onon duuɗe! Keɗite, onon ummaatooje daayiiɗe! Jawmiraawo ewni yam diga mi siwaa danyeego. Diga reedu daada am o ewni innde am.

Esaaya 49:5

Jonta Jawmiraawo ɗon wolwa – O waɗi yam diga reedu daada am haa mi laato suka maako, mi lortina danygol Yaakubu haa maako, mi mooɓta Isra'iila haa maako. Ngam mi tedduɗo haa gite Jawmiraawo, Allah am woni semmbe am –

Yeremiya 1:10

Hanndeere nde'e mi darni ma dow ummaatooje e laamuuji ngam ɗoofugo e fe'ugo, ngam halkugo e yibbingo, ngam nyiɓtaago e jubaago.”

Yeremiya 1:4

Jawmiraawo wolwani yam, wi'i:

Yeremiya 20:15

Naaloore dow ceynuɗo baaba am masin, bi'ɗo mo: A danyanaama ɓiŋngel gorgel!

Yeremiya 25:13

“Mi hiitoto lesdi man fodde ko mbi'mi dow maari fuu, fodde ko winnda nder deftere nde'e fuu, ko Yeremiya wi'i dow ummaatooje ɗe'e fuu.

Yeremiya 36:2

“Hoo'u deftere taggaande, winndu nder maare ko mbi'maami dow Isra'iila e Yahuuda e ummaatooje fuu, diga saa'i mi aarti wolwango ma nder zamanu Yusiya, haa wargo hannde.

Yeremiya 50:34

Ammaa kisnoowo ɓe o cemmbiɗɗo, innde maako Jawmiraawo honooɓe asama. Fakat o jiŋngan ɓe. O de'itinan duniyaaru, ammaa o diwninan yimɓe Baabila.”

Luka 1:15

Ngam o laatoto mawɗo yeeso Jawmiraawo. O yarataa inaboojam malla nguykinoojam koo ɗame. O kebbinteeɗo bee Ruuhu Ceniiɗo diga nder reedu daada maako.

Luka 1:41

Saa'i Elizabet nani koofŋgol Mariyama, ɓiŋngel fuɗɗi dimmbaago nder reedu maako. Nden Elizabet heewi Ruuhu Ceniiɗo,

Luka 1:76

An boo, ɓiŋngel pamarel, ɓe ewnoto ma annabiijo Allah Ɓaŋiiɗo, ngam a aartan Jawmiraawo ngam haa a mo'inana mo laawol.

Yuhanna 10:36

Ammaa min, cenaaɗo Baabiraawo, nelaaɗo nder duniyaaru, on mbi'i: A ɗon wolwa kalluka dow Allah, ngam mi wi'i mi Ɓiɗɗo Allah?

Roma'en 1:1

Min Pol, maccuɗo Yeesu Almasiihu, mi ɗon winndana on, onon jama'aare nuɗɗinɓe wonɓe haa Roma: Allah ewni yam, waɗi yam nelaaɗo muuɗum, suɓi yam ngam haa mi waazina Linjiila maako.

Roma'en 8:29

Ngam diga ɓooyma Allah anndi ɓe, suɓi ɓe ngam haa ɓe ngona bana Ɓiɗɗo maako, Almasiihu boo laato afo caka deerɗiraaɓe ɗuuɗɓe.

1 Korintu'en 8:3

Ammaa mo yiɗi Allah, Allah anndi ɗum.

Efesu'en 1:22

Allah wallini koo ɗume les kosɗe maako, waɗi mo dow koo ɗume, laatini mo hooreejo jama'aare nuɗɗinɓe.