Yeremiya 1:17 - Fulfulde Bible

¹⁷ Ammaa an, taada, yah yeccu ɓe ko mi umrete fuu. Taa hultor daliila maɓɓe, ngam taa mi hulne yeeso maɓɓe.

Fulfulde DC Bible

¹⁷ Ammaa an, taada, yah yeccu ɓe ko mi umrete fuu. Taa hultor daliila maɓɓe, ngam taa mi hulne yeeso maɓɓe.

Yeremiya 1:17 Iomraidhean Croise

1 Laamiiɓe 18:46

Ammaa Jawmiraawo semmbiɗini Eliya. O taadi, o doggi yeeso Akab haa o yotti Yisre'el.

2 Laamiiɓe 1:15

Malaa'ikaajo Jawmiraawo wi'i Eliya: “Jippa bee maako, taa hul mo!” Nden o ummi, o jippodi bee maako haa laamiiɗo.

2 Laamiiɓe 4:29

Elisa wi'i Geehazi: “Taada! Hoo'u sawru am, yaawɗa. To a fotti bee goɗɗo, taa hoofnu mo. To goɗɗo hoofni ma, taa jaaba. Wallin sawru am dow yeeso ɓiŋngel.”

2 Laamiiɓe 9:1

Nyannde feere, annabi Elisa ewni derkeejo gooto diga pukara'en annabi'en, o wi'i mo: “Taaskana jahaaŋgal. Hoo'u faandu nebbam ndu'u, yah haa Ramot nder Gile'at.

Ayuba 38:3

Sey a taasko, a daro bana gorko! Mi ƴamete, sey a jaabo yam.

Gurtaaki 3:12

Allah wi'i mo: “Mi wondan bee ma. Ndaa nii ngooŋɗinirta min neli ma: To a wurtini ummaatoore nde'e diga Misra, on njaggano yam dow hooseere nde'e.”

Gurtaaki 7:2

A wolwana deerɗiraawo ma Haruna ko mi umrete fuu. Kaŋko boo o wolwana Firawna, haa o yoofta Isra'iila'en ngurto lesdi maako.

Yeremiya 1:18

Ndaa, mi darni ma hannde a berniwol cemmbiɗŋgol, a daŋraŋgal njamndi e gasol njamndi mboɗeeri yeeso lesdi fuu, yeeso laamiiɓe Yahuuda e ardiiɓe, yeeso liman'en e yimɓe lesdi.

Yeremiya 17:18

Semtin toonyooɓe yam, ammaa taa mi semta! Hulnu ɓe, ammaa taa hulnam! Ukku nyalaade hallunde dow maɓɓe, halku ɓe cowi ɗiɗi!”

Yeremiya 23:28

Annabiijo mo yi'i koyɗol, yecca ɗum bana koyɗol. Ammaa annabiijo mo nani wolde am, sey o wolwa wolde am bee gooŋga. Kadi ƴommbal nanndi bee sammeere na?” Non Jawmiraawo wi'i.

Yeremiya 26:12

Ammaa Yeremiya wi'i ardiiɓe e ummaatoore fuu: “Jawmiraawo neli yam waɗugo annabaaku dow suudu ndu'u e berniwol ngo'ol, bana ko nanɗon.

Yeremiya 26:2

Jawmiraawo wi'i: “Dara haa daldal haykaliiru, yeccu yimɓe warɓe diga gure Yahuuda ngam sujidango yam fuu ko mi umri ma fuu, taa ittu koo wolde woore.

Yeremiya 36:8

Nden Baruku ɓii Neriya yehi, jaŋngi bolle Jawmiraawo binndaaɗe nder deftere nder haykaliiru, bana annabi Yeremiya umruno mo.

Gimi Boyki 3:57

Nyalaade man a jaabi yam, a wi'i yam: Taa hul.

Yonas 3:2

“Umma, yah Niniwe, berniwol maŋngol. Waaza ngol ko mi wi'ete.”

Luka 12:35

“Taaskitine ko'e mon, pittirlaaji mooɗon boo jamnaaɗi.

Kuuɗe Nelaaɓe 20:20

On anndi, nder waazu am mi suuɗaay on koo ɗume ko nafata on fuu. Mi ekkitini on yeeso yimɓe fuu e haa ci'e mon boo.

Kuuɗe Nelaaɓe 20:27

ngam mi waazi on muuyo Allah fuu, mi suuɗaay on koo ɗume.

1 Korintu'en 9:16

Mi mantortaako waazu Linjiila. Doole mi waazina ka. Bone laatano yam to mi waazinaay Linjiila.

1 Tessaloniiki'en 2:2

On anndi hiddeko min ngara haa mooɗon, ɓe njarni min bone, ɓe kuɗi min haa Filippi. Ammaa Allah meeɗen semmbiɗini min, haa min anndina on Linjiila maako koo nder haɓre saatunde boo.

1 Piyer 1:13

Ngam maajum, sey numooji mooɗon taaskano kuugal! Kakkile, njo'ine tammunde mooɗon fuu haa mo'ere nde keɓoton saa'i Yeesu Almasiihu waŋgata.