Yeremiya 1:16 - Fulfulde Bible

¹⁶ Mi do'an Yahuudu'en kiita daliila halleende maɓɓe fuu. Ɓe acci yam, ɓe ngulani ɗowanteeɓe woɗɓe uurle, ɓe cujidani ko juuɗe maɓɓe mbaɗi.

Fulfulde DC Bible

¹⁶ Mi do'an Yahuudu'en kiita daliila halleende maɓɓe fuu. Ɓe acci yam, ɓe ngulani ɗowanteeɓe woɗɓe uurle, ɓe cujidani ko juuɗe maɓɓe mbaɗi.

Yeremiya 1:16 Iomraidhean Croise

2 Laamiiɓe 22:17

Mi waɗan ɗum ngam ɓe acci yam, ɓe nguli uurle ngam ɗowanteeɓe woɗɓe, haa ɓe tikkinammi bee kuuɗe maɓɓe fuu. Tikkere am ɗon saati dow nokkuure nde'e, nde feewtataako.

2 Habaruuji Nyalaaɗe 15:2

Kaŋko o yehi, o fotti bee Asa, o wi'i: “Naneeɗam, onon Asa e yimɓe Yahuuda e Benyamin fuu! To on ɓaditake Jawmiraawo, kaŋko o ɓadititto on. To on ngaylitake heedi maako, o waŋginanan on hoore maako. Ammaa to on acci mo, kaŋko boo o accan on.

2 Habaruuji Nyalaaɗe 28:2

Ammaa o tokki laabi laamiiɓe Isra'iila. O waɗi suuraaji ɓolinaaɗi ngam labbi Ba'alji.

2 Habaruuji Nyalaaɗe 34:25

Mi waɗan ɗum, ngam ɓe acci yam, ɓe nguli uurle ngam ɗowanteeɓe woɗɓe, haa ɓe tikkinammi bee kuuɗe maɓɓe fuu. Ngam man ukkanmi tikkere am dow nokkuure nde'e, nde feewtataako.

2 Habaruuji Nyalaaɗe 7:19

Ammaa to on ngaylitake, to on acci umrooje e farillaaji ɗi umrumi on, to on njehi, on ndewi ɗowanteeɓe woɗɓe, to on cujidani ɓe,

Esaaya 2:8

Lesdi maɓɓe heewi labbi, ɓe ɗon cujidana kuugal juuɗe maɓɓe, ko kooli maɓɓe mbaɗi.

Esaaya 37:19

Ɓe cakkini ɗowanteeɓe maaje nder yiite – gooŋga kam naa ɓe ɗowanteeɓe – ngam ɗum yimɓe mbaɗi ɗum bee leɗɗe e kaa'e. Ɓe mbirgi ɗum.

Esaaya 44:15

Ɗum laatanto goɗɗo kuɓɓirɗum. O hoo'an goɗɗum maaje, o huɓɓan ɗe ngam o aytino e o sa'ira tamseeje boo. Bee leggal luttuŋgal o sehan ɗowanteeɗo, o rewa ɗum. O waɗan lawru, o sujidanan ndu.

Esaaya 65:3

Foroy yimɓe ummaatoore nde'e ɗon mettinammi. Ɓe ɗon lii'ano labbi kirseteeɗi nder jarne, ɓe ɗon ngula uurle dow birikje.

Yeremiya 10:15

Ɗi kuuje meereeje, jalnooje, saa'i kiita ɗi kalkan.

Yeremiya 10:3

Farillaaji yimɓe ummaatooje ɗe'e nafataa sam. Ɓe pe'an lekki nder laynde, cehoowo sehan leggal man bee cehrugel,

Yeremiya 11:12

Nden berniiji Yahuuda e jooɗiiɓe haa Urusaliima njahan toraago labbi ɗi ɓe ngulani ɗi uurle. Ammaa ɗi mbaawataa hisnugo ɓe, saa'i sarru go ukkanto ɓe.

Yeremiya 11:17

Min Jawmiraawo honooɓe asama mi jo'ini Isra'iila e Yahuuda. Ammaa jonta ewniimi sarru dow maɓɓe, ngam ɓe mbaɗi kalluɗum: Ɓe ngulani Ba'al uurle, kanjum tikkini yam.”

Yeremiya 15:6

Onon on ngudini yam, on ngaylitani yam ɓaawe mooɗon. Ngam maajum portanmi juŋngo am dow mooɗon ngam halkugo on. Mi somi yurmingo on.

Yeremiya 16:11

Nden yeccu ɓe: Jawmiraawo wi'i: Kaakiraaɓe mooɗon acci yam, tokki ɗowanteeɓe woɗɓe, njaggani ɓe, cujidani ɓe. Ammaa min, ɓe acci yam, ɓe ɗowtanaaki tawreeta am.

Yeremiya 17:13

Yaa Jawmiraawo, an woni tammunde Isra'iila. Accuɓe ma keewan mbustu. Ɓe majjan bana inɗe binndaaɗe nder mbulwuldi, ngam ɓe acci Jawmiraawo, seeɓoore ndiyam ndokkanɗam ngeendam.

Yeremiya 18:15

Ammaa yimɓe ummaatoore am ngejjiti yam, ɓe ɗon ngulana labbi meere uurle. Ngam maajum ɓe pergi dow laabi maɓɓe, dow laabi ɓooymaaji. Ɓe ɗon tokko laabi ɗi ceekaaka.

Yeremiya 19:4

Mi waɗan ɗum ngam yimɓe acci yam, ɓe cannji nokkuure nde'e bee wulugo uurle ngam ɗowanteeɓe jananɓe haa yimɓe annditaay nde. Koo kamɓe, koo kaakiraaɓe maɓɓe, koo laamiiɓe Yahuuda, walaa mo anndino ɗowanteeɓe ɓe'e. Ɓe kebbini nokkuure nde'e bee ƴiiƴam yimɓe mbaraaɓe ɓe ngalaa aybe.

Yeremiya 2:13

“Ngam ummaatoore am waɗi aybe cowi ɗiɗi: Min mo seeɓoore ngeendam, ɓe acci yam ɓe ngasi gaawi ceekɗi ɗi njogataako ndiyam ngam ko'e maɓɓe.

Yeremiya 2:17

Ɗum fuu ɗum laatani on ngam on acci Jawmiraawo, Allah mooɗon yaake o ɗonno ɗowa on.

Yeremiya 2:19

Halleende mooɗon, kayre ɓoccata on, tuurtol mooɗon boo ɗon do'a on kiita! On acci yam, min Jawmiraawo, Allah mooɗon, on acci hulugo yam. Annde, paame no ɗum halliri masin!”, non Jawmiraawo Allah honooɓe asama wi'i.

Yeremiya 2:28

Kadi toy ɗowanteeɓe mooɗon ɓe mbaɗanɗon ko'e mooɗon? Sey ɓe ummo, ɓe kisna on to on nasti bone! Onon yimɓe Yahuuda, ɗowanteeɓe mooɗon ɗuuɗi bana gure mooɗon.

Yeremiya 4:12

Henndu saatundu ɗon iwa ton dow umroore am. Jonta min boo mi hiitoto ɓe.”

Yeremiya 4:28

Ngam maajum lesdi sunoto, asama boo nyiɓɓan. Ngam min mi anndini anniya am, mi mimsitittaako, mi lorataako ɓaawo.

Yeremiya 44:17

Fakat min mbaɗan ko min mbi'i fuu. Min ngulana ɗowanteeɗo debbo bi'eteeɗo Mayramjo Asama uurle, min ngaɗana mo dokke dufeteeɗe bana ko min mbaɗi, minin e kaakiraaɓe amin e laamiiɓe amin e ardiiɓe amin, nder gure Yahuuda e dow laabi Urusaliima. Saa'i man min ngoodino nyaamdu fantundu, min njooɗino jam, min ngi'aayno sarru sam.

Yeremiya 5:29

Jawmiraawo ɗon ƴama: Mi hiitataako kuuje ɗe'e na? Mi waatataako ummaatoore bana nde'e na?

Yeremiya 5:9

Mi hiitataako kuuje ɗe'e na? Mi waatataako ummaatoore bana nde'e na?

Yeremiya 51:17

Yimɓe fuu ɓe faataaɓe, sooya-anndal'en. Koo moy kilaajo semtiran labbi muuɗum, ngam suuraaji ɗi o waɗi laataaki ɗowanteeɓe bee gooŋga, ɗi ngalaa yoŋki.

Yeremiya 7:17

A yi'ataa ko ɓe mbaɗata nder gure Yahuuda e dow laabi Urusaliima na?

Yeremiya 7:18

Ɓikkoy ɗon teena leɗɗe, baabiraaɓe maakoy ɗon kuɓɓa yiite, rewɓe boo ɗon njiiɓa kuroori haa ɓe tamsa tamseeje ngam lawru rewru ndu ɓe ewnata Mayramjo asama. Ɓe ɗon ndufa njaramji dufeteeɗi ngam labbi feere haa ɓe mettinammi ɓernde.

Yeremiya 7:9

On ɗon ngujja, on ɗon mbara, on ɗon mbaɗa njeenu, on ɗon kuno pewe, on ɗon ngula uurle ngam Ba'al, on ɗon tokko ɗowanteeɓe ɓe on anndaa.

Ezekiyel 16:18

A hoo'i limce ma tuppitaaɗe, a ɓorni ɗe. A jo'ini nebbam am e uurle am yeeso maaji.

Ezekiyel 24:14

Min Jawmiraawo wi'i ɗum. Ɗum laatoto. Mi waɗan ɗum, mi faasitittaa, mi enɗataa, mi yurmintaa. Mi hiitete fodde gikku ma e fodde kuuɗe ma.” Nii Allah Jawmiraawo wi'i.

Hose'a 11:2

Ammaa koo mi ewni Isra'iila'en nde ɗuuɗɗum, kamɓe ɓe ɓesdi daaytaago. Ɓe kirsi ngam Ba'alji, ɓe nguli dokke ngam suuraaji labbi cehaaɗi.

Hose'a 8:6

Gaggel man iwi haa Isra'iila, baɗoowo sanaa'a waɗi ɗum. Ngel laataaki Allah. Ngam man, gaggel Samariya sampititto.

Yo'el 2:11

Ngam Jawmiraawo hooli yeeso jama'aare konu muuɗum. Jama'aare maako ɗuuɗnde masin, hiɓɓinooɓe muuyo maako mari baawɗe. Ngam nyalaade Jawmiraawo laatoto mawnde, hulniinde masin. Moy waawata ɓusugo nde?

Kuuɗe Nelaaɓe 7:41

Ɓe mbaɗi lawru nanndundu bee gaggel, ɓe lii'ani ndu kirseteeɗi, ɓe mbaɗi juulde, ɓe ceyori kuugal maɓɓe nga'al.

Tooktaaki Tawreeta 28:20

Jawmiraawo waddan naaloore e saklere e ɓillaare dow kuuɗe ɗe on kuuwata fuu, haa on natta fuu, on kalka law, daliila halleende mooɗon nde on mbaɗi, ngam on ngudini mo.

Tooktaaki Tawreeta 31:16

Nden Jawmiraawo wi'i Muusa: “A maayan bana kaakiraaɓe ma. Ɓaawo maayde ma, ummaatoore nde'e tuurtan, nde ɗakkotiran bee ɗowanteeɓe jananɓe nder lesdi ndi nde nastata, nde wudintam, nde yewan alkawal ngal kaɓɓumi bee maare.

Yosuwa 24:20

Ngam nyannde nde on ngudinta Jawmiraawo, on ndewa ɗowanteeɓe jananɓe, nden kam o ukkanan on masiibooji, o majjinan on koo nde o woonani on.”

Wahayu Yuhanna 9:20

Bee non fuu yimɓe luttuɓe ɓe masiibooji ɗi'i mbaraay, tuubaay dow kuuɗe muuɗum'en. Ɓe accaay sujidango ginnaaji e labbi kuuwraaɗi bee kaŋŋeeri e cardi e njamndi mboɗeeri e kaa'e e leɗɗe, ɗi mbaawataa laarugo koo nanugo e yahugo.