Yeremiya 1:14 - Fulfulde Bible

¹⁴ Jawmiraawo wi'i yam: “Diga woyla sarru ukkanto yimɓe lesdi ndi'i fuu,

Fulfulde DC Bible

¹⁴ Jawmiraawo wi'i yam: “Diga woyla sarru ukkanto yimɓe lesdi ndi'i fuu,

Yeremiya 1:14 Iomraidhean Croise

Esaaya 14:31

Ngooke ngam ballal, onon berniiji Filisti'en fuu! Kultore on fuu! Cuurɗe ɗon ngara diga woyla, walaa dimmbotooɗo nder caffuuji maɓɓe.

Esaaya 41:25

Mi ummini goɗɗo woyla, o wari. Haa fuunaaŋge ewniimi innde maako. O yaaɓan mawɓe bana loope, bana mahoowo payanɗe yaaɓirta loope kecce.

Yeremiya 10:22

Nane! Habaru ɗon wara. Hoolo maŋngo waɗi haa lesdi woyla. Honooɓe maari laatinan berniiji Yahuuda ladde meere e jooɗorde cuuli.

Yeremiya 11:17

Min Jawmiraawo honooɓe asama mi jo'ini Isra'iila e Yahuuda. Ammaa jonta ewniimi sarru dow maɓɓe, ngam ɓe mbaɗi kalluɗum: Ɓe ngulani Ba'al uurle, kanjum tikkini yam.”

Yeremiya 25:9

Ngam maajum ewnotoomi ummaatooje woyla fuu e suka am Nabukodonosor, laamiiɗo Baabila. Mi waddan ɓe ngam haɓugo bee lesdi ndi'i e jooɗiiɓe ton e bee ummaatooje taariiɗe fuu. Mi nattinan yimɓe fuu, mi laatinan ɓe hulniiɓe yawniiɓe, lesdi maɓɓe boo ladde ferewnde haa foroy.

Yeremiya 31:8

Ndaa, mi wartiran ɓe diga lesdi woyla, mi mooɓtan ɓe diga keerol duniyaaru ɓurŋgol daayaago. Bumɗo e boosɗo ngardan bee maɓɓe, reedu'en e ɓesnanɓe fuu, mooɓtorde mawnde wartata haa ɗo.

Yeremiya 4:6

Ndarne tuutawal haa Siyona. Ndogge, taa ndare sam! Ngam mi waddan sarru e halkere mawnde diga woyla.

Yeremiya 46:20

Misra laatino bana wiige wooɗŋge, ammaa peecu iwŋgu woyla ukkani nge.

Yeremiya 47:2

Ndaa nii Jawmiraawo wi'i: “Ndiyamji ɗon ɓesdo haa woyla, ilan bana maayo teelanŋgo. Ɗi paccan dow lesdi e ko woni dow maari fuu, dow gure e jooɗiiɓe ton. Yimɓe toroto ballal, yimɓe lesdi fuu mboyan.

Yeremiya 50:41

“Ndaa, yimɓe ɗon ngara diga lesdi woyla, ummaatoore ɗuuɗnde e laamiiɓe ɗuuɗɓe ummi haa keeri duniyaaru.

Yeremiya 50:9

Mi ɗon ummina mooɓgal ummaatooje mawɗe haa woyla, ɗe ngara haɓugo bee Baabila. Ɓe ndarna caffuuji dow berniwol, ɓe nyaama ngol. Ɓe piɗan kuri maɓɓe bana gaw'en, walaa koo gootol woofata.

Yeremiya 6:1

“Onon yimɓe Benyamin, ndogge, ngurte Urusaliima! Puufe luwal haa Teko'a, mbaɗe alaama konu haa Bayti-Kerem, ngam sarru e halkere naawnde ɗon ngara diga woyla.

Yeremiya 6:22

Ndaa nii Jawmiraawo wi'i: “Ndaa, yimɓe ummaatoore ɗon ngara diga lesdi woyla, ummaatoore ɗuuɗnde ummi haa keeri duniyaaru.

Ezekiyel 1:4

Mi laari, ndaa henndu saatundu ɗon wara diga woyla, non boo ruulde mawnde bee yiite huɓɓanŋge. Jayŋgol taari ruulde man. Haa caka yiite, woodi ɗelkoojum bana ɗelko njamndi.

Ezekiyel 24:3

Yeccu yimɓe tuurtooɓe ɓe'e balndol, wi' ɓe: Ndaa nii Allah Jawmiraawo wi'i: Wa'in fayannde dow yiite, hebbin nde ndiyam!

Yo'el 2:20

Konne'en iwɓe woyla, mi daaynan ɓe e mooɗon, mi riiwan ɓe haa lesdi njoorndi perewndi. Mooɓre maɓɓe aartunde ndiiwanmi haa mbeela fuunaaŋge, mooɓre maɓɓe sakkitiinde boo haa mbeela hiirnaaŋge. Kacceeŋga nyolki maɓɓe eeŋgan dow, ngam min Jawmiraawo mi huuwi kuuɗe mawɗe.

Zekariya 6:6

Pucci ɓaleeji kaɓɓindiraaɗi haa moota go ndilli gal lesdi woyla. Daneeji tokki ɗi ɓaawo, ndilli gal hiirnaaŋge, nden biidiiji ndilli gal Lesdi Fombina.