Yeremiya 1:10 - Fulfulde Bible

¹⁰ Hanndeere nde'e mi darni ma dow ummaatooje e laamuuji ngam ɗoofugo e fe'ugo, ngam halkugo e yibbingo, ngam nyiɓtaago e jubaago.”

Fulfulde DC Bible

¹⁰ Hanndeere nde'e mi darni ma dow ummaatooje e laamuuji ngam ɗoofugo e fe'ugo, ngam halkugo e yibbingo, ngam nyiɓtaago e jubaago.”

Yeremiya 1:10 Iomraidhean Croise

1 Laamiiɓe 17:1

Eliya goɗɗo iwɗo diga Tisbe nder Gile'at wi'i Akab: “Bana Jawmiraawo Allah Isra'iila mo mi jagganto o geeto, mi ɗon wi'e: Fakat nder duuɓi garanɗi ɗi'i iyeende toɓataa, koo saawawre waɗataa, sonaa to mi tori mo.”

1 Laamiiɓe 19:17

Ndaa ko laatoto: Mo daɗi kaafahi Hazayel, Yeehu mbaran mo, mo daɗi kaafahi Yeehu boo, Elisa mbaran mo.

Gaazoowo 3:3

saa'iire ngam mbarugo e saa'iire ngam hurgugo, saa'iire ngam yibbingo e saa'iire ngam nyiɓtaago,

Yeremiya 1:5

“Hiddeko mi waɗe nder reedu daada ma, mi anndi ma. Hiddeko a danye, mi seni ma, mi darni ma a annabiijo ngam ummaatooje.”

Yeremiya 24:6

Mi woonanan ɓe, mi enɗan ɓe haa mi hoora ɓe haa lesdi ndi'i. Mi tammi tabitingo ɓe, mi nattintaa ɓe. Mi tammi ɗisugo ɓe, naa ittugo ɓe.

Yeremiya 25:13

“Mi hiitoto lesdi man fodde ko mbi'mi dow maari fuu, fodde ko winnda nder deftere nde'e fuu, ko Yeremiya wi'i dow ummaatooje ɗe'e fuu.

Yeremiya 31:28

Bana mi tiɗɗiniri ɗoofugo e fe'ugo, ngam halkugo e yibbingo e wonnugo, bana non mi tiɗɗiniran nyiɓtaago e jubaago ɓe.” Non Jawmiraawo wi'i.

Yeremiya 31:40

Waadiwol nyawmanɗe e ndoondi e babe fuu haa yotto maayel Kederon, haa yotto Dammugal Pucci haa fuunaaŋge, ɗum fuu ɗum laatoto cenaaɗum ngam Jawmiraawo, ɗum meetataa yibbineego koo halkeego haa foroy.”

Yeremiya 36:2

“Hoo'u deftere taggaande, winndu nder maare ko mbi'maami dow Isra'iila e Yahuuda e ummaatooje fuu, diga saa'i mi aarti wolwango ma nder zamanu Yusiya, haa wargo hannde.

Yeremiya 44:27

Mi tiɗɗinan waɗugo on sarru, naa hayru. Onon yimɓe Yahuuda wonɓe haa Misra, on fuu on maayran bee kaafahi e bee weelo, haa to on nattidi fuu.

Yeremiya 45:4

Jawmiraawo wi'i Yeremiya o yecca Baruku: “Mi yibbinan ko nyiɓmi, mi ɗoofan ko njubiimi nder lesdi fuu.

Ezekiyel 21:19

“Ɓii-Aadama, waɗ annabaaku. Hellu juuɗe! Nden kam kaafahi fe'an nde ɗiɗi, nde tati boo. Ɗum kaafahi mbaroohi ɗuuɗɓe, ki taaroto ɓe.

Ezekiyel 23:36

Nden Jawmiraawo wi'i yam: “Ɓii-Aadama, a hiitoto Ohola e Oholiba na? Sey a fela ɓe ngam kuuɗe maɓɓe nyidduɗe.

Ezekiyel 32:18

“Ɓii-Aadama, sey a woya yimɓe jama'aaje Misra. Hawtu ɓe bee ummaatooje cemmbiɗɗe goɗɗe, nastin ɓe joonde maayɓe, nder ngaska lugguka.

Ezekiyel 36:36

Nden ummaatooje taariiɗe on luttuɗe fuu paaman min Jawmiraawo nyiɓti berniiji bilaaɗi, min jubi gese laatinooɗe ladde. Min Jawmiraawo wi'i ɗum, mi waɗan ɗum boo.”

Ezekiyel 43:3

Wahayu mo ngi'mi, nanndi bee mo naane, nde Allah warino ngam halkugo Urusaliima. Mo nanndi bee ko ngi'noomi haa maayo Kebar boo. Mi sujidi.

Hose'a 6:5

Ngam maajum paɗɗanmi ɓe bee habaru annabi'en, mi mbaran ɓe bee bolle hunnduko am. Fakat kiita am waŋgan bana annoora.

Amos 3:7

Allah Jawmiraawo waɗataa koo ɗume, sonaa o aarta o waŋgina sirriiji maako haa annabi'en jagganooɓe mo.

Amos 9:11

“Nyalaade man nyiɓtotoomi suudu Daawuda yibbunoondu. Mi sukka ceekli maaru, mi ummitina bille maaru. Mi nyiɓtoto ndu bana ndu wa'no.

Zekariya 1:6

Ammaa mi ukkani kaakiraaɓe mooɗon naalooje fodde bolle am e farillaaji am ɗum umrumi sukaaɓe am annabi'en. Nden ɓe lorti, ɓe mbi'i: Jawmiraawo honooɓe asama anninino waɗugo min fodde laabi amin e kuuɗe amin, non o waɗi boo.”