Yahuuda 1:24 - Fulfulde Bible

^24-25 Tedduŋgal e maŋngu e laamu e baawɗe laatano Allah gooto, kisnoowo en bee Yeesu Almasiihu Jawmiraawo meeɗen, baawɗo aynugo on ngam taa on ndo'o, haa on mbaŋga on seyiiɓe, laaɓɓe yeeso tedduŋgal maako, diga zamanuuji ciwaa, non boo jonta e haa foroy. Aamiina!

Fulfulde DC Bible

^24-25 Tedduŋgal e maŋngu e laamu e baawɗe laatano Allah gooto, kisnoowo en bee Yeesu Almasiihu Jawmiraawo meeɗen, baawɗo aynugo on ngam taa on ndo'o, haa on mbaŋga on seyiiɓe, laaɓɓe yeeso tedduŋgal maako, diga zamanuuji ciwaa, non boo jonta e haa foroy. Aamiina!

Yahuuda 1:24 Iomraidhean Croise

Jabuura 21:6

Tedduŋgal maako mawni ngam daliila kisndam ma, a hokki mo maŋngu e daraja.

Jabuura 43:4

Nden mi ɓadititto hirsirde ma, yaa Allah, ngam a hokkatam seyo e welwelo. Mi maŋgtete bee moolooru, yaa Allah am!

Farillaaji Lewi'en 14:11

Limanjo laɓɓinanɗo yahra laɓɓinteeɗo e dokke ɗe'e fuu yeeso Jawmiraawo haa dammugal laymaaru fottirde.

Matta 16:27

Ngam Ɓii-neɗɗo waran nder tedduŋgal Baabiraawo mum bee malaa'ika'en mum, saa'i man o warjoto koo moy deydey kuuɗe muuɗum.

Matta 19:28

Yeesu wi'i ɓe: “Gooŋga mbi'anmi on: Saa'i Ɓii-neɗɗo jooɗoto dow leeso laamu muuɗum tedduŋgo nde kuuje fuu kesɗiti, onon tokkiiɓe yam boo, on njooɗoto dow leese laamu sappo e ɗiɗi ngam hiitaago le'i Isra'iila sappo e ɗiɗi.

Matta 25:31

“To Ɓii-neɗɗo wari nder tedduŋgal muuɗum bee malaa'ika'en muuɗum fuu, o jooɗoto dow leeso laamu maako.

Matta 5:12

Ceye, mbelmbelte masin ngam Allah warjoto on mbarjaari ɗuuɗndi haa asamanji. Bana non ɓe toonyino annabi'en aartuɓe on.”

Luka 9:26

To goɗɗo semti yam e bolle am, Ɓii-neɗɗo semtan mo yaake o warata nder tedduŋgal maako e nder ngal Baabiraawo maako e nder ngal malaa'ika'en seniiɓe.

Roma'en 14:4

Kadi on poti hiitugo kuuwoowo goɗɗo feere na? Sey jawmiiko tan wi'ata to kuugal maako fotti malla fottaay. Fakat o do'ataako, ngam Jawmiraawo mari baawɗe jogaago mo.

Roma'en 8:31

Jonta kam, ko lutti wi'eego dow bolle ɗe'e? Nde Allah ɗon wondi bee meeɗen, moy waawata honugo en?

2 Korintu'en 11:2

Mi yiɗi on bee yiide haajunde, iwnde haa Allah. Mi haɓɓani on bana paanyo debbo haa gorko gooto tan, waato Almasiihu. Mi yiɗi mi yahra on bana paanyo debbo laaɓɗo yeeso maako.

2 Korintu'en 4:14

Min anndi Allah ummitinɗo Jawmiraawo meeɗen Yeesu diga maayde, ummitinan min boo bee Yeesu, o darnan min bee mooɗon yeeso maako.

2 Korintu'en 4:17

Fakat, ɓillaaje amin jontaaje, ɗe koyɗe ɗe nduurataa boo. Ɗe ɗon taaskano min tedduŋgal duumiiŋgal kaayeefiiwal, tedduŋgal nga'al mawni ɓuri ɓillaaje amin piw.

Efesu'en 3:20

Allah waawan waɗugo ko ɓuri do'aaje men e numooji men piw fodde semmbe huuwaande nder meeɗen.

Efesu'en 5:27

haa o darna jama'aare marnde tedduŋgal nde'e yeeso maako bilaa batte malla nyodi e ko nanndi, ammaa nde seniinde, bilaa aybe.

Kolossi'en 1:22

Ammaa jonta, o sulhindiri on bee hoore maako bee maayde Ɓiɗɗo maako mo laati neɗɗo haa o darna on yeeso maako on senaaɓe, on ngalaa aybe, on ngalaa feloore.

Kolossi'en 1:28

Kaŋko min ngaazata haa yimɓe fuu. Min ɗon ndeentina ɓe, min ɗon ngaazina ɓe bee hikma fuu, ngam haa min ndarna koo moy yeeso Allah o timmuɗo nder kawtal bee Almasiihu.

Kolossi'en 3:4

Almasiihu woni ngeendam mooɗon. To o waŋgi, onon boo on mbaŋgan bee maako nder tedduŋgal.

2 Timote 4:18

Jawmiraawo hisnatam halleende fuu, yottintam jam nder laamu muuɗum ngu asama. Tedduŋgal laatano mo haa abada abadin. Aamiina!

Yaakuba 2:10

Ngam koo to goɗɗo ɗowtanake umrooje tawreeta fuu, ammaa o ɗowtanaaki woore nder maaje, o aybuɗo bana luutɗo umrooje tawreeta man fuu.

1 Piyer 4:13

Ammaa ceye ngam on ɗon kawta nder bone Almasiihu ngam haa on keewa seyo yaake tedduŋgal maako waŋgoyi.

2 Piyer 1:10

Ngam maajum deerɗam'en, tiine tabitingo ewnaandu e cuɓki mooɗon. To on mbaɗi non, on pergataako sam.

Yahuuda 1:21

tabite nder yiide Allah, nde on ɗon ndeena haa Jawmiraawo meeɗen Yeesu Almasiihu hinno on, hokka on ngeendam nduumiiɗam.

Wahayu Yuhanna 14:5

Walaa mo nani fewre haa kunnduɗe maɓɓe, ɓe ngalaa aybe sam.