Yaakuba 1:2 - Fulfulde Bible

² Deerɗiraaɓe am, ceye masin nde jarribooje feere feere keɓi on fuu.

Fulfulde DC Bible

² Deerɗiraaɓe am, ceye masin nde jarribooje feere feere keɓi on fuu.

Yaakuba 1:2 Iomraidhean Croise

Kuuɗe Nelaaɓe 5:41

Nelaaɓe ummi caka dawrooɓe, ngurti, ndilli. Ɓe seyiiɓe masin ngam Allah heyni ɓe torreego ngam daliila innde Yeesu.

Roma'en 5:3

En ɗon ceyoro koo ɓillaaje men boo, ngam en anndi ɓillaare waddan munyal,

Filippi'en 1:29

Allah mo'ani on ngam daliila Almasiihu, naa ngam haa on nuɗɗina mo tan, ammaa ngam haa on njara bone ngam maako boo.

Filippi'en 2:17

Koo to ƴiiƴam am laatoto bana dokkal dufeteeŋgal dow kirsaaɗum e dewal mon nder nuɗɗinki mon, mi seyorto ɗum e mi seyodotto bee mooɗon fuu.

Filippi'en 2:18

Bana non ceyore ɗum onon boo, ceyode bee am.

Kolossi'en 1:24

Jonta mi ɗon seyoro boneeji am ngam mooɗon. Mi ɗon cikina nder ɓanndu am ko ŋakki haa boneeji ɗi Almasiihu yari ngam ɓanndu muuɗum, waato jama'aare nuɗɗinɓe.

Ibraniŋke'en 10:34

On njurmini haɓɓaaɓe nder fursina. Nde ɓe njaɓti on jawdi, on munyi asar man, on accaay seyaago, ngam on anndi luttani on kuuje ɓurɗe wooɗugo, ɗe timmataa.

Yaakuba 1:12

Barka laatanto goɗɗo mo munyani jarribeeki, ngam ɓaawo poondol ngo'ol, o heɓan woronnde ngeendam nde Allah iinani yiɗɓe mo.

Yaakuba 1:16

Deerɗiraaɓe am yiɗaaɓe, taa zammbe ko'e mon!

Yaakuba 1:19

Deerɗiraaɓe am yiɗaaɓe, paame ɗu'um: Sey koo moy fuu taaskano nanugo, ammaa taa o yaawa wolwugo, taa o yaawa tikkugo boo.

Yaakuba 5:11

En ɗon mbi'a ɓe barkiɗinaaɓe ngam ɓe accaay munyugo. On nani haala munyal Ayuba ɗuuɗŋgal, on anndi boo ko Allah hokki mo haa ragare. Ngam Jawmiraawo o keewɗo enɗam e mbooɗeeŋga.

2 Piyer 2:9

Ammaa Jawmiraawo anndi no hisnirta hulɓe mo diga jarribeeki. O anndi boo no o aynirta halluɓe ngam haa o hiito ɓe nyannde kiita,

Wahayu Yuhanna 2:10

Taa hul torraaji ɗi a tammi torreego! Ndaa, Sayɗaanu jarriboto on bee nastingo woɗɓe mooɗon nder fursina. On torroto balɗe sappo. Jogita nuɗɗinki ma haa yotto maayde, nden kam mi warjoto ma woronnde ngeendam.