Titus 3:7 - Fulfulde Bible

⁷ ngam haa laatooɗen ronooɓe ngeendam nduumiiɗam ɗam tammuɗen, nde nii Almasiihu adilini en bee mo'ere mum.

Fulfulde DC Bible

⁷ ngam haa laatooɗen ronooɓe ngeendam nduumiiɗam ɗam tammuɗen, nde nii Almasiihu adilini en bee mo'ere mum.

Titus 3:7 Iomraidhean Croise

Matta 25:34

Nden laamiiɗo wi'an wonɓe haa nyaamo muuɗum: Ngare, onon barkiɗinaaɓe Baabiraawo am, ndone laamu taaskitinaaŋgu ngam mooɗon diga tageeki duniyaaru.

Markus 10:17

Nde Yeesu ɗon yaha dow laawol, goɗɗo doggoy wari, tuggi koppi yeeso maako, ƴami mo: “Moodibbo booɗɗo, ɗume mi waɗata haa mi heɓa ngeendam nduumiiɗam?”

Roma'en 11:6

To cuɓol Allah darino dow kuuɗe yimɓe, nden kam mo'ere maako laataaki mo'ere.

Roma'en 3:24

Ammaa Allah bee mo'ere muuɗum, waɗani ɓe caahu bee adilingo ɓe. O sootti ɓe bee Yeesu Almasiihu.

Roma'en 3:28

En anndi fakat, Allah ɗon adilina goɗɗo ngam daliila nuɗɗinki, naa ngam daliila ɗowtaare heedi tawreeta.

Roma'en 4:16

Ngam maajum Allah darni iinawol ngo'ol dow nuɗɗinki, haa ɗum laato dokkal mo'ere maako. Iinawol ngo'ol ɗon ngam asŋgol Ibrahiima fuu, naa ngam marɓe tawreeta tan, ammaa ngam tokkiiɓe nuɗɗinki Ibrahiima boo. Ibrahiima o baaba meeɗen en fuu.

Roma'en 4:4

Kuuwoowo fuu foti heɓugo ngeenaari mum, ngeenaari boo wonaay caahu sam ammaa ɗum dooleejum.

Roma'en 8:17

To nii en ɓiɓɓe maako, nden kam en keɓan boo ko o sigani ɓiɓɓe maako, en keɓdan ɗum bee Almasiihu. To en njaɓi geɗal torraaji Almasiihu, en keɓan geɗal tedduŋgal maako boo.

1 Korintu'en 6:11

Bana non woɗɓe mooɗon laatino naane. Ammaa jonta hakkeeji mooɗon lootaama, on cenaama, on adilinaama bee innde Jawmiraawo meeɗen Yeesu Almasiihu e Ruuhu Allah meeɗen.

Galaatiya'en 2:16

ammaa en anndi neɗɗo waawataa adilineego bee ɗowtanaago tawreeta, sey bee nuɗɗingo Yeesu Almasiihu. Enen boo en nuɗɗini Yeesu Almasiihu, haa en keɓa adilineego bee nuɗɗinki ki'i, naa bee ɗowtanaago tawreeta. Ngam bee kuuɗe tawreeta walaa koo gooto heɓata adilineego.

Galaatiya'en 3:29

Nde nii on laatake yimɓe Almasiihu, on danygol Ibrahiima boo, on ronooɓe fodde iinawol Allah.

Galaatiya'en 4:7

Nden kam naa on maccuɓe fahin, ammaa on ɓiɓɓe. Nde nii on ɓiɓɓe maako, on laati boo ronooɓe ko Allah sigani ɓiɓɓe mum.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Titus 2:11

Ngam Allah waŋgini mo'ere mum laatiinde seeɓoore kisndam ngam yimɓe fuu.

Titus 2:13

En ɗon ndeena nyalaade barkiɗinaande nde tammuɗen. Nyalaade nde'e, Yeesu Almasiihu, waato Allah meeɗen Mawɗo, Kisnoowo, waŋgan nder tedduŋgal muuɗum.

Ibraniŋke'en 1:14

Ɓeye ngoni malaa'ika'en? Ɓe ruuhuuji, ɓe ɗon kuuwana Allah. Allah ɗon nela ɓe ngam haa ɓe mballa heɓanɓe kisndam.

Ibraniŋke'en 11:7

Bee nuɗɗinki, Nuuhu nani deentinki Allah dow ko tammi wargo koo nde o yi'aay ɗum tawon. O huli Allah, o waɗi koommbowal ngam hisnugo yimɓe saare maako. Daliila nuɗɗinki man, yimɓe duniyaaru kiitaama, o laati donoowo adilaaku, o heɓi ɗum bee nuɗɗinki maako.

Ibraniŋke'en 11:9

Bee nuɗɗinki, o jooɗi bana jananno nder lesdi ndi Allah iinani mo. O jooɗi nder laymaaji, kaŋko e Isiyaaku e Yaakubu, rondooɓe iinawol Allah bana maako.

Ibraniŋke'en 6:17

Bana non boo Allah yerdi waŋginango ronooɓe fodde iinawol muuɗum bee hollugo ɓe alaama ngoɗka no anniya maako sannjataa, o tabitini ɗum bee hunayeere.

Yaakuba 2:5

Deerɗiraaɓe am yiɗaaɓe, keɗite booɗɗum! Naa Allah suɓi laafuɓe duniyaaru ngam haa ɓe laato riskuɓe nder nuɗɗinki e ɓe ndona laamu ngu o iinani yiɗɓe mo na?

1 Piyer 3:7

Onon worɓe boo: Njooɗode bee rewɓe mon, paamotire. Anndite no semmbe maɓɓe yottaaki semmbe mooɗon. Teddine ɓe, ngam kamɓe boo ɓe keɓan hawtaade bee mooɗon ngeendam caahu. Mbaɗe ɗum ngam taa koo ɗume haɗa do'aaje mooɗon.