Titus 2:13 - Fulfulde Bible

¹³ En ɗon ndeena nyalaade barkiɗinaande nde tammuɗen. Nyalaade nde'e, Yeesu Almasiihu, waato Allah meeɗen Mawɗo, Kisnoowo, waŋgan nder tedduŋgal muuɗum.

Fulfulde DC Bible

¹³ En ɗon ndeena nyalaade barkiɗinaande nde tammuɗen. Nyalaade nde'e, Yeesu Almasiihu, waato Allah meeɗen Mawɗo, Kisnoowo, waŋgan nder tedduŋgal muuɗum.

Titus 2:13 Iomraidhean Croise

Esaaya 25:9

Nyalaade man yimɓe fuu mbi'an: “Kaŋko woni Allah meeɗen! Kaŋko kooliiɗen, o hisna en. Ndaa Jawmiraawo mo kooliiɗen. Mbelmbelten, en ceyoro kisndam maako.”

Matta 16:27

Ngam Ɓii-neɗɗo waran nder tedduŋgal Baabiraawo mum bee malaa'ika'en mum, saa'i man o warjoto koo moy deydey kuuɗe muuɗum.

Matta 25:31

“To Ɓii-neɗɗo wari nder tedduŋgal muuɗum bee malaa'ika'en muuɗum fuu, o jooɗoto dow leeso laamu maako.

Matta 26:64

Yeesu wi'i mo: “Nonnon, bana mbi'ɗa. Ammaa mi ɗon wi'a on: Yeeso ɗo, on ngi'an Ɓii-neɗɗo ɗon jooɗi haa nyaamo Allah Baawɗo. On ngi'an mo boo o ɗon wara dow duule asama.”

Markus 14:62

Yeesu wi'i: “Ooho, min woni kaŋko, onon boo on ngi'an Ɓii-neɗɗo ɗon jooɗi haa nyaamo Allah Baawɗo, o waran nder duule asama.”

Markus 8:38

To goɗɗo semti yam e bolle am hannde caka yimɓe halluɓe, zammbotooɓe Allah ɓe'e, nden kam Ɓii-neɗɗo boo semtan mo to o wardi bee malaa'ika'en seniiɓe nder tedduŋgal Baabiraawo maako.”

Kuuɗe Nelaaɓe 24:15

Min ɗon bee tammunde no Allah ummitinan adili'en e halluɓe fuu diga maayde bana kamɓe boo ɓe ɗon tammoro ɗum.

Roma'en 15:13

Mi ɗon toro Allah, tabitinɗo tammunde men, haa o hebbina ɓerɗe mon bee seyo e jam fuu ngam daliila nuɗɗinki mon, ngam haa on keewa tammunde bee baawɗe Ruuhu Ceniiɗo.

Roma'en 5:5

Bee tammunde man en mbustataake sam, ngam Allah hokki en Ruuhu mum, mo hebbini ɓerɗe meeɗen bee yiide mum.

Roma'en 8:18

Mi numi haala torraaji men nder zamanuuru jontaaru. Fakat, ɗi potaay foondeego bee tedduŋgal garanŋgal ngal Allah waŋginanta en.

1 Korintu'en 1:7

Nden kam walaa dokkal Allah koo gootal ŋakkani on, onon reenanɓe nyalaade baŋguki Jawmiraawo meeɗen Yeesu Almasiihu.

2 Korintu'en 4:4

Ɓe nuɗɗintaa, ngam Sayɗaanu, ɗowanteeɗo duniyaaru ndu'u wumni hakkiilooji maɓɓe. O haɗi ɓe yi'ugo jayŋgol Linjiila baŋginanŋgol tedduŋgal Almasiihu, mo laati jaati Allah.

2 Korintu'en 4:6

Ngam Allah mo wi'no: “Sey annoora yayna nder nyiɓre”, acci annoora mum yayna nder ɓerɗe amin boo, ngam haa min annda tedduŋgal maako jaynanŋgal dow yeeso Almasiihu.

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 3:4

Almasiihu woni ngeendam mooɗon. To o waŋgi, onon boo on mbaŋgan bee maako nder tedduŋgal.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

2 Tessaloniiki'en 2:8

Nden neɗɗo ɓurduɗo hallugo go waŋgan, mo Yeesu, Jawmiraawo meeɗen halkata bee poofɗe hunnduko mum. O halkan mo bee baŋguki mum saa'i o loroyto.

1 Timote 1:1

Min Pol nelaaɗo Yeesu Almasiihu fodde umroore Allah, Kisnoowo men e Yeesu Almasiihu, laatiiɗo tammunde meeɗen,

2 Timote 1:2

Mi ɗon winndane Timote, ɓiɗɗo am giɗaaɗo: Allah Baabiraawo e Jawmiraawo men Yeesu Almasiihu ndokke mo'ere e hinnuye e salaaman.

2 Timote 4:1

Mi ɗon hunne yeeso Allah e Yeesu Almasiihu mo hiitoto maayɓe e yeeɗɓe fuu, barka loraaki e laamu muuɗum:

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Titus 3:4

Ammaa nde Allah, Kisnoowo men waŋginani en mbooɗeeŋga mum e yiide mum,

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

1 Piyer 1:3

Ngetten Allah, Baabiraawo Jawmiraawo meeɗen Yeesu Almasiihu! O waɗani en enɗam ɗuuɗɗam, o laatini en danyaaɓe hesɓe barka ummitineeki Yeesu Almasiihu diga maayde. Ɗum hebbini ɓerɗe meeɗen bee tammunde gooŋgaare.

1 Piyer 1:7

Boneeji ɗi'i poondan nuɗɗinki mooɗon to ki gooŋgahi. Koo kaŋŋeeri wonnotoondi maa ɓe ɗon poonda ndi nder yiite, sakko nuɗɗinki mooɗon. Ki ɓuri kaŋŋeeri saman piw, sey ki foonde. Ɓaawo poondol man, on keɓan manooje e tedduŋgal e maŋngu, nyannde Yeesu Almasiihu waŋganta yimɓe fuu.

2 Piyer 1:1

Min Simon Piyer, maccuɗo e nelaaɗo Yeesu Almasiihu, mi ɗon winndana on, onon heɓɓe nuɗɗinki marki saman bana ki amin. On keɓri ki bee adilaaku Allah meeɗen e bee Yeesu Almasiihu, kisnoowo.

2 Piyer 3:18

Ammaa mawne nder mo'ere e anndal Jawmiraawo e Kisnoowo meeɗen Yeesu Almasiihu. Tedduŋgal laatano mo diga jonta haa foroy. Aamiina!

1 Yuhanna 4:14

Minin, min ngi'i, min ɗon ceedo Baabiraawo neli Ɓiɗɗo muuɗum haa duniyaaru, o laati kisnoowo maaru.

Yahuuda 1:21

tabite nder yiide Allah, nde on ɗon ndeena haa Jawmiraawo meeɗen Yeesu Almasiihu hinno on, hokka on ngeendam nduumiiɗam.

Wahayu Yuhanna 1:7

Ndaa, o ɗon warda bee duule! Koo moy fuu yi'an mo, koo yuwɓe mo boo. Yimɓe asli nder duniyaaru fuu mboyan ngam daliila maako. Nii ɗum laatorto. Aamiina!