Ruut 4:1 - Fulfulde Bible

¹ Bo'es yehi haa dammugal berniwol, o jooɗi ton. Nden coottoowo mo Bo'es wolwuno dow muuɗum go, ɗon saalo ton. Bo'es ewni mo: “Wayne, war gaa'e, jooɗa ɗo.” O seli, o jooɗi.

Fulfulde DC Bible

¹ Bo'es yehi haa dammugal berniwol, o jooɗi ton. Nden coottoowo mo Bo'es wolwuno dow muuɗum go, ɗon saalo ton. Bo'es ewni mo: “Wayne, war gaa'e, jooɗa ɗo.” O seli, o jooɗi.

Ruut 4:1 Iomraidhean Croise

Laataanooji 19:1

Malaa'ika'en ɗiɗo go njotti Sodoma bee kiikiiɗe. Ludu ɗonno jooɗi haa dammugal Sodoma. Nde o yi'i ɓe, o ummi, o yehi fottoygo bee maɓɓe, o sujidi, yeeso maako haa lesdi.

Laataanooji 23:10

Efruuna, Hetiijo, ɗonno jooɗi caka ɓiɓɓe Heti, o jaabi Ibrahiima yeeso Heti'en e wonɓe haa dammugal berniwol muuɗum fuu:

Laataanooji 34:20

Hamor e ɓiyum Sikem ngari haa dammugal wuro. Ɓe mbolwani worɓe wuro maɓɓe, ɓe mbi'i:

2 Samuyila 15:2

Nde weeti fuu o ummo fajiri cub, o daro dow laawol kommbi dammugal yahugo saare laamiiɗo. Koo moy wari haa laamiiɗo ngam haala kiita, Absalom ƴama mo: “Toy iwɗaa?” To o nani garɗo oo iwi haa lenyol gootol nder Isra'iila,

2 Habaruuji Nyalaaɗe 18:9

Akab, laamiiɗo Isra'iila e Yusafat, laamiiɗo Yahuuda ɗon njooɗi haa babal kommbi nastirde dammugal Samariya, koo moy dow leeso laamu muuɗum, ɓe ɗon ɓorni limce laamu boo. Annabi'en fuu ɗon mbaɗa annabaaku yeeso maɓɓe.

Ayuba 29:7

Nde dawrooɓe ɗonno mooɓto nder wuro am, caka maɓɓe mi woodino joonde am,

Ayuba 31:21

To mi sappi gooŋɗuɗo bee juŋngo am, ngam mi gi'ɗo seedotooɓe wallooɓe yam,

Jabuura 69:12

Mi ɓorni limce buhuuje, kamɓe boo ɓe njanci yam.

Balndi 31:23

To goriiko ɗon jooɗi caka ndotti'en haa dawriinde berniwol, yimɓe ɗon teddina mo.

Esaaya 55:1

Hey! Onon ɗomɗuɓe, ngare haa ndiyam, koo mo walaa ceede! Ngare, coode, nyaame! Ngare, coode inaboojam e kosam bilaa ceede, bilaa yoɓugo koo ɗume.

Yeremiya 32:10

Mi winndi ɗereewol coggu, mi maɓɓi ngol, mi waɗani ngol lammba, mi seedni ngol seedooɓe, mi awni ceede man dow awnorɗum.

Amos 5:15

Nganye halleende, ngiɗe mbooɗeeŋga, mbaɗe kiita ngooŋɗuka haa hiitordu. Teema Jawmiraawo, Allah honooɓe asama hinnoto luttuɓe Yusufu.

Zekariya 2:6

Mi ƴami mo: “Toy njahataa?” O jaabi yam: “Haa Urusaliima, ngam foondugo noy njaajirka e noy njuutirka maagol.”

Tooktaaki Tawreeta 16:18

“Ndarne hiitooɓe e kaliifa'en fodde le'i mon, nder gure ɗe Jawmiraawo, Allah mooɗon hokkata on fuu. Kamɓe ɓe mbaɗana yimɓe kiita ngooŋɗuka.

Tooktaaki Tawreeta 17:5

sey on ngurtina baɗɗo kalluɗum man yaasi wuro, on piɗa mo bee kaa'e haa o maaya.

Tooktaaki Tawreeta 21:19

Nden kam saaro'en maako njahra mo yeeso ndotti'en haa dammugal berniwol maako haa nokkuure kiita.

Tooktaaki Tawreeta 25:7

Ammaa to gorko oo yiɗaa te'ugo mo, nden kam debbo yaha haa ndotti'en haa dammugal berniwol, wi'a ɓe: Eekam yiɗaa haɓɓugo teegal eekiraawal, o sali waɗango deerɗiiko danygol ngam haa innde maako lutta nder Isra'iila.

Yosuwa 20:4

Mbarɗo goɗɗo bana nii, sey dogga haa gootol nder berniiji man. O daro haa dammugal maagol ngam haa o yecca ndotti'en berniwol haala maako. Kamɓe ɓe njaɓa mo haa maɓɓe nder berniwol, ɓe ndokka mo nokkuure nde o jooɗoto.

Ruut 3:12

A wi'i gooŋga, mi coottoowo ma. Ammaa woodi coottoowo feere ɓurɗo yam ɓadaago on.

Ruut 3:18

Na'omi wi'i mo: “Munyu, ɓiŋngel am, haa to a annditi no haala ka timmirta. Gorko oo siwtataako hannde, sonaa to o laɓɓini ka fuu.”