Roma'en 8:3 - Fulfulde Bible

³ Allah bee hoore mum huuwi ko tawreeta waawaay huuwugo ngam en tampuɓe. O neli Ɓiɗɗo maako marɗo ɓanndu bana ndu neɗɗo, maatuɗo esto hakke bana yimɓe fuu. O hiiti hakke nder ɓanndu neɗɗo oo. Bana nii o ittiri hakke,

Fulfulde DC Bible

³ Allah bee hoore mum huuwi ko tawreeta waawaay huuwugo ngam en tampuɓe. O neli Ɓiɗɗo maako marɗo ɓanndu bana ndu neɗɗo, maatuɗo esto hakke bana yimɓe fuu. O hiiti hakke nder ɓanndu neɗɗo oo. Bana nii o ittiri hakke,

Roma'en 8:3 Iomraidhean Croise

Limle 21:9

Muusa waɗi mboodi njamndi mboɗeeri, o ɓili ndi dow leggal. Koo moy ŋataaɗo, laari mboodi njamndi, hisi maayugo.

Limle 28:22

Lii'e boo njawdiri mbeewa kirseteendi ngam ittuki hakkeeji mon.

Markus 15:27

Ɓe ɓildi fasooɓe ɗiɗo bee Yeesu haa leɗɗe gaafaaɗe, gooto haa nyaamo maako, gooto boo haa nano maako.

Yuhanna 1:14

Wolde go laati neɗɗo marɗo ɓanndu, o jooɗi caka meeɗen. O keewɗo mo'ere e gooŋga. Min ngi'i tedduŋgal maako, ɗum tedduŋgal Ɓiɗɗo bajjo mo Baabiraawo.

Yuhanna 9:24

Farisa'en ewniti bumtuɗo go, mbi'i mo: “Allah ɗon nane, wi' gooŋga! Minin min anndi gorko oo o hakkeejo.”

Kuuɗe Nelaaɓe 13:39

kaŋko o adilinan koo moy nuɗɗini mo.

Roma'en 3:20

Walaa mo laatoto adiliijo yeeso Allah bee ɗowtanaago tawreeta. Neɗɗo woodi hakke, kanjum tan tawreeta anndinta en.

Roma'en 6:6

En anndi fakat, ko laatiiɗen ɓooyma ɗum maaydi bee Almasiihu dow leggal gaafaaŋgal ngam haa ɓanndu hakkeeru natta, ngam taa en laato maccuɓe hakke fahin.

Roma'en 7:18

Mi anndi, booɗɗum walaa nder ɓanndu am ngam mi neɗɗo tampuɗo, mi yiɗi waɗgo ko wooɗi, ammaa mi waawataa.

Roma'en 8:32

O jogitaaki koo Ɓiɗɗo maako, ammaa o acci mo o maayi mbattudi meeɗen en fuu. To non kam, o saahataa en koo ɗume fuu bee maako na?

Roma'en 9:3

Mi jaɓanno naaloore Allah e seedugo bee Almasiihu ngam daliila yimɓe lenyol am.

2 Korintu'en 5:21

Almasiihu waɗaay hakke sam. Ammaa Allah yowi hakkeeji meeɗen fuu dow maako, ngam haa laatooɗen adili'en yeeso Allah barka kawtal meeɗen bee Almasiihu.

Galaatiya'en 3:13

Almasiihu rimɗini en diga naaloore tawreeta, ngam o laati naalaaɗo mbattudi meeɗen ngam Deftere wi'i: “Koo moy ɓilaaɗo haa leggal, o naalaaɗo.”

Galaatiya'en 3:21

To non kam, tawreeta ɗon hona iinaaji Allah na? Naa non sam! Ngam to tawreeta hokkaamano haa ka waddana yimɓe ngeendam, nden kam adilaaku iwanno haa maaka fakat.

Filippi'en 2:7

o acci ko o marno fuu, o wartiri hoore maako maccuɗo, o laati gooto caka yimɓe, yimɓe annditi mo o neɗɗo.

Ibraniŋke'en 10:12

Ammaa Almasiihu lii'i ɓanndu mum nde woore ngam hakkeeji, ɗum he'i haa foroy. Ɓaawoɗon o jooɗi haa juŋngo Allah nyaamo ngam foroy.

Ibraniŋke'en 10:14

Ngam o lii'i ɓanndu maako nde woore, o timmidini laɓɓingo yimɓe ɓe o seni haa foroy.

Ibraniŋke'en 2:14

Nde nii ɓiɓɓe ɓe'e ngoodi ɓanndu e ƴiiƴam, Yeesu boo waɗi hoore mum bana maɓɓe, o hoo'i ɓanndu bana ndu maɓɓe, ngam bee maayde maako, o halka marɗo baawɗe dow maayde, waato Iblisa,

Ibraniŋke'en 2:17

Ngam maajum doole o nannda kal-kal bee deerɗiraaɓe maako nder kuuje fuu, ngam haa o laato hooreejo liman'en marɗo enɗam, koolaaɗo nder njaggu Allah, haa yimɓe ummaatoore keɓa yaafuye hakkeeji muuɗum'en.

Ibraniŋke'en 4:15

Hooreejo liman'en meeɗen waawi yurmingo tampe meeɗen, ngam kaŋko boo o maatuɗo estooji koo ɗiye bana meeɗen, ammaa o waɗaay hakke.

1 Piyer 2:24

Almasiihu bee hoore muuɗum roondi hakkeeji meeɗen haa ɓanndu muuɗum dow leggal, ngam haa en laato maayɓe heedi hakke, ammaa yeeɗɓe heedi adilaaku. Daliila kuuduuje maako en kurgaama.