Roma'en 5:2 - Fulfulde Bible

² En keɓi mo'ere Allah bee laawol nuɗɗinki, en ɗon tabiti nder mo'ere man. En keewi seyo boo, ngam fakat en ɗon bee tammunde heɓugo tedduŋgal Allah.

Fulfulde DC Bible

² En keɓi mo'ere Allah bee laawol nuɗɗinki, en ɗon tabiti nder mo'ere man. En keewi seyo boo, ngam fakat en ɗon bee tammunde heɓugo tedduŋgal Allah.

Roma'en 5:2 Iomraidhean Croise

Jabuura 17:15

Ammaa min mi adiliijo, mi yi'ete. To mi fini, mi seyoto ngam a waŋgantam.

Jabuura 73:24

A ɗon ɗowammi fodde muuyo ma, ɓaawo man a jaɓɓorto yam bee tedduŋgal.

Balndi 14:32

Halleende kalluɗo do'an mo, ammaa laaɓeeŋga adiliijo hisnan ɗum.

Habakuk 3:18

ammaa min mi seyorto Jawmiraawo, mi welweltan ngam daliila Allah kisnoowo yam.

Matta 25:21

Jaagorɗo maako wi'i mo: Booɗɗum, a kuuwoowo booɗɗo, koolaaɗo! A waŋgini adilaaku ma nder kuuje seɗɗa, mi halfinte kuuje ɗuuɗɗe. War, seyoda bee am!

Yuhanna 10:7

Fahin Yeesu wi'i: “Gooŋga mi wi'ata on: Min, mi dammugal waalde baali.

Yuhanna 10:9

Min, mi dammugal, to goɗɗo nastiri bee am, hisan. O nastan, o wurtoto, o heɓan nyaamdu.

Yuhanna 14:6

Yeesu wi'i mo: “Min woni laawol e gooŋga e ngeendam. Walaa mo yahata haa Baabiraawo, sey bee am.

Yuhanna 5:24

Gooŋga mi wi'ata on: Mo ɗon nana bolle am, mo nuɗɗini nelɗo yam, heɓi ngeendam nduumiiɗam, kiita do'ataa mo, o saalake maayde, o yottake ngeendam.

Kuuɗe Nelaaɓe 14:27

Nde ɓe njotti Antakiya, ɓe mooɓti jama'aare nuɗɗinɓe, ɓe ngecci ɓe ko Allah waɗi bee juuɗe maɓɓe, no Allah maɓɓitiri laawol ngam haa ummaatooje goɗɗe nuɗɗina Yeesu.

Roma'en 11:20

Gooŋga kam, ammaa ɗe ta'aama ngam ɗe cali nuɗɗingo. Onon boo on tabitinaama ngam on nuɗɗini. Ngam maajum taa mawnite. Ndikka on kula.

Roma'en 12:12

Ceyore tammunde hayru mon, munyane ɓillaaje, tiine do'aago.

Roma'en 14:4

Kadi on poti hiitugo kuuwoowo goɗɗo feere na? Sey jawmiiko tan wi'ata to kuugal maako fotti malla fottaay. Fakat o do'ataako, ngam Jawmiraawo mari baawɗe jogaago mo.

Roma'en 15:13

Mi ɗon toro Allah, tabitinɗo tammunde men, haa o hebbina ɓerɗe mon bee seyo e jam fuu ngam daliila nuɗɗinki mon, ngam haa on keewa tammunde bee baawɗe Ruuhu Ceniiɗo.

Roma'en 2:7

Tiiɗɓe waɗgo ko fotti, ɗaɓɓitanɓe tedduŋgal e daraja e duumaare, o hokkan ɓe ngeendam nduumiiɗam.

Roma'en 3:23

Ɓe fuu ɓe mbaɗi aybe, ɓe cooyi tedduŋgal Allah.

Roma'en 5:5

Bee tammunde man en mbustataake sam, ngam Allah hokki en Ruuhu mum, mo hebbini ɓerɗe meeɗen bee yiide mum.

Roma'en 8:1

Ngam maajum walaa kiita dow nuɗɗinɓe Yeesu Almasiihu jonta.

Roma'en 8:24

Kisndam men ɗon tabiti dow tammunde nde'e. Ammaa to en ɗon ngi'a ko tammotooɗen heɓugo, nden kam naa ɗum tammunde gooŋgaare. Moy tammoto hayru mo o heɓi?

1 Korintu'en 15:1

Deerɗiraaɓe am, mi yeli siftinorgo on Linjiila ka ngaazumi on, ka njaɓɗon, ka tabititɗon nder muuɗum.

2 Korintu'en 3:18

Enen fuu en ɗon ndaara tedduŋgal bee geese cudditaaɗe, en ɗon mbaŋgina ngal bana daarorgal. Bana nii en ngaylorto haa en nannda bee Jawmiraawo, haa tedduŋgal maako ɓesdo waŋgugo nder meeɗen tum. Kanjum woni kuugal Ruuhu Jawmiraawo nder meeɗen.

2 Korintu'en 4:17

Fakat, ɓillaaje amin jontaaje, ɗe koyɗe ɗe nduurataa boo. Ɗe ɗon taaskano min tedduŋgal duumiiŋgal kaayeefiiwal, tedduŋgal nga'al mawni ɓuri ɓillaaje amin piw.

Efesu'en 2:18

Ngam daliila maako en fuu en keɓi laawol yottaago Baabiraawo nder Ruuhu gooto.

Efesu'en 3:12

En ɗon nuɗɗini mo, ngam maajum, haa maako keɓɗen duŋayeere yottaago Allah bee hoolaare.

Efesu'en 6:13

Ngam maajum njoge balmi Allah, haa on keɓa dartanaago konneejo to nyalaade hallunde wari. To on njaalake koo ɗume fuu, nden kam on tabitan.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

Ibraniŋke'en 3:6

Ammaa Almasiihu, o Ɓiɗɗo nder saare maako. Enen ngoni saare maako, to en tabiti nder cuusal meeɗen e tammunde meeɗen nde en maŋgtorto.

Ibraniŋke'en 6:18

Woodi kuuje ɗiɗi ɗe cannjataako, waɗataako Allah fewa nder maaje: Ɗum iinawol e hunayeere maako. Kanjum ɗum ɗon tiɗɗina en, enen nyukkotooɓe haa Allah, en njogo tammunde tabitnde nde o hokki en.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

Wahayu Yuhanna 21:11

ngol ɗon yayna bee tedduŋgal Allah. Ngol ɗon jalbita bana hayre marnde saman, bana hayre yaspa laaɓnde bana daarorgal.

Wahayu Yuhanna 21:23

Berniwol ngol walaa haaje naaŋge malla lewru yaynana ngol, ngam jayŋgol Allah ɗon yayna nder maagol, jawgel boo woni pittirla maagol.

Wahayu Yuhanna 21:3

Mi nani sawtu iwi diga leeso laamu ɗon wi'a bee semmbe: “Ndaa jooɗorde Allah caka yimɓe! O jooɗoto bee maɓɓe, ɓe laatoto ummaatooje maako. Allah bee hoore mum wondan bee maɓɓe, laatoto Allah maɓɓe.

Wahayu Yuhanna 3:21

Mi hokkan jaaliiɗo laawol jooɗodaago bee am dow leeso laamu am, bana no min boo mi jaali, mi ɗon jooɗodi bee Baabiraawo am dow leeso laamu mum.