Roma'en 2:8 - Fulfulde Bible

⁸ Ammaa tuurtuɓe dow maako, salotooɓe gooŋga, tokkotooɓe halleende, o rufan tikkere maako saatunde fuu dow maɓɓe.

Fulfulde DC Bible

⁸ Ammaa tuurtuɓe dow maako, salotooɓe gooŋga, tokkotooɓe halleende, o rufan tikkere maako saatunde fuu dow maɓɓe.

Roma'en 2:8 Iomraidhean Croise

2 Habaruuji Nyalaaɗe 6:23

an, yaa Jawmiraawo, gonɗo haa asama, nan tornde amin, waɗan maccuɓe ma kiita, ngam haa aybuɗo hiite, aybe man loro dow maako e gooŋgaajo waŋga o laaɓɗo.

Ayuba 24:13

Woodi woɗɓe, ɓe caloto annoora fuu, ɓe anndaa laabi maako, ɓe laataaki tokkiiɓe ka sam.

Jabuura 90:11

Moy anndi semmbe ɓernuki ma? Moy anndi tikkere ma fodde kulol ngol haandani ma?

Balndi 11:23

Yela adiliijo, ɗum mbooɗeeŋga tan, ammaa ko tammi heɓugo kalluɗo, ɗum tikkere.

Balndi 13:10

Mawnitaare umminan jokkirgol tan, ammaa hikma wondan bee jaɓanɓe sawari.

Esaaya 50:10

Moy caka mooɗon ɗon hula Jawmiraawo bee nanugo sawtu suka maako? Koo moy jahanɗo nder nyiɓre, mo annoora yaynantaa ɗum, sey o hoolo innde Jawmiraawo, o tuugo dow Allah maako.

Yeremiya 34:18

Ardiiɓe Yahuuda e Urusaliima e saraaki'en e liman'en e yimɓe lesdi fuu kaɓɓi alkawal yeeso am. Ɓe ta'i gaggel caka cak, ɓe caali caka reetaaji maagel ɗiɗi. Ammaa ɓe piisti alkawal am, ɓe tokkaaki umrooje maagal. Ngam maajum mbaɗanmi ɓe ko ɓe mbaɗi gaggel.

Ezekiyel 22:31

Ngam man ndufmi tikkere am dow maɓɓe, mi halki ɓe bee yiite. Mi lorni aybeeji maɓɓe dow ko'e maɓɓe.” Non Allah Jawmiraawo wi'i.

Nahum 1:6

Moy dartoto yeeso ɓernuki maako? Moy waawata dartanaago tikkere maako saatunde? Ɓernuki maako ɗon waanjo bana yiite, tapaaje ceeki yeeso maako.

Roma'en 1:18

Ngam tikkere Allah waŋgi diga asama dow geddal yimɓe e sooynde adilaaku maɓɓe, bee maare ɓe kaɗi yimɓe anndugo gooŋga.

Roma'en 10:16

Ammaa naa yimɓe fuu njaɓi Linjiila. Annabi Esaaya wi'i: “Yaa Jawmiraawo, moy nuɗɗini waazu amin?”

Roma'en 15:18

Mi walaa dartaare wolwugo haala feere, sey ko Almasiihu waɗi bee kuugal am: O waɗi yimɓe nder ummaatooje fuu ɗowtano Allah, o huuwtiniri bolle am e kuuɗe am,

Roma'en 6:17

Yettoore laatano Allah! Naane on maccuɓe hakke, ammaa jonta on ɗowtani gooŋga ekkitinol ngol on nani bee ɓernde woore.

Roma'en 9:22

Bana nii muuyo Allah wa'i: Haa woɗɓe, o muuyi waŋgingo ɓernuki maako e baawɗe dow tagaaɓe wonɓe nder halkere, bee non fuu o munyani ɓe munyal ɗuuɗŋgal.

1 Korintu'en 11:16

To goɗɗo yiɗi waabaago dow haala ka'a, sey o annda: Gikku ngu'u walaa haa amin, walaa boo haa jama'aaje yimɓe Allah.

2 Korintu'en 12:20

Mi ɗon hula, saa'i ngaranmi haa mooɗon mi tawrataa on bana no ngiɗmi, onon boo on tawrataa yam bana no ngiɗɗon. Mi ɗon hula mi tawan jokkirli e ɓernuki e hallingo woɗɓe e bolle kalluɗe e tufle e mawnitaare e fitinaaji haa mooɗon.

Galaatiya'en 5:20

e dewki labbi e hiila e nganyŋgu e jokkirgol e kaajal e haa'inaare e mawnitaare e cenndol e biɗu'aakuuji

Filippi'en 1:17

Ammaa ɓeya ɗon ngaazina kubar Almasiihu bee numooji kaajuɗi, anniyaaji maɓɓe laaɓaay. Ɓe ɗon ɗaɓɓa tullingo torraaji am nder fursina.

Filippi'en 2:3

Taa ngaɗe koo ɗume bee numooji kaajuɗi malla ngam mantoraago ko'e mon. Ammaa nder yaŋkinaare, ndaare woɗɓe bana ɓurɓe on.

2 Tessaloniiki'en 1:8

O wardan bee yiite huɓɓanŋge ngam hiitaago heefeerɓe ɓe anndaa Allah e ɓe ɗowtanaaki linjiila Jawmiraawo meeɗen Yeesu.

Titus 3:9

Ammaa daaya gaabi paataaɗi e haala defte asli e jokkirli e kujjootiral dow tawreeta, ngam ɗum nafataa, ɗum meereejum meere.

Ibraniŋke'en 10:27

Kiita Allah kulniika e yiite wulanŋge jaw ɗon taaski wulugo dartantooɓe mo!

Ibraniŋke'en 11:8

Bee nuɗɗinki, Ibrahiima ɗowtani Allah nde Allah ewni mo o yaha haa lesdi ndi Allah wi'no hokkanno mo, o rona. O dilli bilaa anndugo haa o yahata.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

Yaakuba 3:14

Ammaa to on ngoodi kaajal caatuŋgal e jokkirgol nder ɓerɗe mooɗon, nden kam taa mawnite, taa luute gooŋga bee fewre boo.

Yaakuba 3:16

Ngam haa kaajal e jokkirgol ngoni, ton njiiɓru e kuuɗe kalluɗe fuu ngoni boo.

1 Piyer 3:1

Bana non boo onon rewɓe, leestane worɓe mooɗon. Ngam to woɗɓe maɓɓe ɗowtanaaki wolde Allah, joonde mooɗon yahran ɓe haa nuɗɗinki. Ɗum waɗan koo to on mbolwaay koo wolde,

1 Piyer 4:17

Wakkati kiita yottake, Allah boo aartiran bee yimɓe muuɗum. To ka fuɗɗi haa meeɗen, noy ɗum laatorto haa ɓen njaɓaay kubaruwol ceynoowol ngol Allah?

Wahayu Yuhanna 14:10

kaŋko boo o yaran njaram ɓernuki Allah. Allah jillaay ɗam bee ndiyam, o rufi ɗam nder jardugel ɓernuki maako. Goɗɗo oo torroto nder yiite e baruudu yeeso malaa'ika'en seniiɓe e yeeso jawgel.

Wahayu Yuhanna 16:19

Berniwol maŋngol senndaama geɓe tati, berniiji ummaatooje boo kalki. Allah siftori Baabila, berniwol maŋngol, ngam haa o yarna ngol ko woni nder jardugel, waato njaram ɓernuki maako caatuki.