Roma'en 2:6 - Fulfulde Bible

⁶ O warjoto koo moy deydey kuuɗe mum.

Fulfulde DC Bible

⁶ O warjoto koo moy deydey kuuɗe mum.

Roma'en 2:6 Iomraidhean Croise

Ayuba 34:11

O ɗon warjo koo moy fodde kuuɗe mum, o ɗon hiito koo moy fodde laabi mum.

Jabuura 62:12

Baawɗe fuu iwi diga Allah, mi nani o wi'i ɗum, naa nde woore tan.

Gurtaaki 32:34

Yah jonta, yahru ummaatoore haa nokkuure nde mbi'maami. Anndu, malaa'ikaajo am ardoto yeeso ma. Ammaa nyalaade kiita am mi hiitoto ɓe ngam hakke maɓɓe.”

Balndi 24:12

Taa wi': “Asee, mi anndaano ɗum”, ngam Allah anndi to a wi'i gooŋga malla a fewi. Linyoowo ɓerɗe warjoto koo moy deydey kuugal mum.

Balndi 24:2

ngam ɓerɗe maɓɓe ɗon numa toonyaare tan, nde ɓe mbolwata fuu, ɗum haala sarru.

Balndi 26:10

Bana gawjo jogiiɗo kuri, piɗanɗo koo moy, non mo huuwnata paataaɗo malla saalotooɓe haa laawol wa'i.

Gaazoowo 3:17

Mi numi: Allah hiitoto adiliijo e kalluɗo, ngam huunde koo ndeye e kuugal koo ngale fuu ɗon bee saa'iire mum.

Yeremiya 17:10

Min Jawmiraawo mi linyan ɓernde, mi wiɗititto numooji. Mi warjoto koo moy fodde yahdu mum e fodde nafuuda kuuɗe mum.

Yeremiya 32:19

Nufayeeje ma e kuuɗe ma ɗe mawɗe. Gite ma ɗon ndaara laabi ɓiɓɓe Aadama fuu, ngam a warjo koo moy fodde laabi mum e kuuɗe mum.

Ezekiyel 18:20

Baɗɗo hakke, kanyum maayata. Ɓiɗɗo yarataa bone ngam daliila aybe baaba mum malla baaba ngam aybe ɓiyum. Adiliijo heɓan mbarjaari kuuɗe mum adiliije, kalluɗo boo yaran bone ngam kuuɗe mum kalluɗe.

Ezekiyel 18:30

Ngam maajum, onon Isra'iila'en, min Allah Jawmiraawo ɗon wi'a on: Mi hiitoto koo moy mooɗon fodde laabi mum. Lorte diga tuurtolji mon, ngam taa aybe mon do'a on.

Ezekiyel 36:19

Mi hiiti ɓe fodde yahdu maɓɓe e kuuɗe maɓɓe, mi saŋkiti ɓe nder lesɗe jananne.

Matta 16:27

Ngam Ɓii-neɗɗo waran nder tedduŋgal Baabiraawo mum bee malaa'ika'en mum, saa'i man o warjoto koo moy deydey kuuɗe muuɗum.

Roma'en 14:22

Njoge ko on nuɗɗini nder haala ka'a hakkunde mooɗon bee Allah. Barka woodani goɗɗo to numo ɓernde muuɗum hiitataa ɗum nder ko o waɗata.

1 Korintu'en 3:8

Mo jubi bee mo yarni poti kal-kal. Ammaa koo moy heɓan mbarjaari mum fodde kuugal mum.

1 Korintu'en 4:5

Ngam maajum taa kiite koo ɗume diga saa'i man siwaa. Munye haa Jawmiraawo wara, mo waŋginta nder laaɓɗum ko suuɗi nder nyiɓre. O waŋginan boo nufayeeje nyukkiiɗe nder ɓerɗe yimɓe. Nden kadi koo moy heɓan manoore mum bana no fottanta Allah.

2 Korintu'en 11:15

Ngam maajum saɗanaaki jagganiiɓe Sayɗaanu haa mbaɗa ko'e muuɗum'en bana ɓe huuwanooɓe adilaaku. Ammaa timmoode maɓɓe laatanto ɓe fodde kuuɗe maɓɓe.

2 Korintu'en 5:10

Ngam fakat en fuu en ndaroyan yeeso leeso kiita Almasiihu. Nden koo moy meeɗen heɓan mbarjaari deydey kuuɗe mum: Koo booɗɗe koo kalluɗe ɗe o huuwi wakkati o ɗon nder ɓanndu ndu'u.

2 Timote 4:14

Aleksandire kilaajo waɗi yam halleende ɗuuɗnde. Jawmiraawo hiitoto mo deydey kuuɗe maako.

Wahayu Yuhanna 2:23

Ɓikkoy maako boo, mi mbaran koy. Jama'aaje nuɗɗinɓe fuu anndan min woni linyoowo numooji e ɓerɗe yimɓe. Mi warjoto koo moy mooɗon deydey kuuɗe muuɗum.

Wahayu Yuhanna 20:12

Mi yi'i maayɓe, mawɓe e leesɓe, ɓe ɗon ndari yeeso leeso laamu. Defte maɓɓitaama. Nden deftere woɗnde boo maɓɓitaama, ɗum deftere ngeendam. Maayɓe kiitaama fodde kuuɗe muuɗum'en binndaaɗe nder defte.

Wahayu Yuhanna 22:12

Yeesu wi'i: “Ndaa mi ɓadake wargo. Mi waddan mbarjaari haa mi warjo koo moy fodde kuuɗe muuɗum.