Roma'en 2:5 - Fulfulde Bible

⁵ Ammaa hoore ma saati, ɓernde ma sali boo tuubugo. Ngam maajum, a ɗon tokko fooɗango hoore ma tikkere Allah ɓurnde saatugo nyalaade darŋgal, nyalaade man Allah waŋginan tikkere mum e kiita mum ngooŋɗuka.

Fulfulde DC Bible

⁵ Ammaa hoore ma saati, ɓernde ma sali boo tuubugo. Ngam maajum, a ɗon tokko fooɗango hoore ma tikkere Allah ɓurnde saatugo nyalaade darŋgal, nyalaade man Allah waŋginan tikkere mum e kiita mum ngooŋɗuka.

Roma'en 2:5 Iomraidhean Croise

2 Habaruuji Nyalaaɗe 30:8

Jonta kam, taa caatine ko'e mon bana kaakiraaɓe mon. Ɗowtane Jawmiraawo, ngare haa haykaliiru maako ndu o seni haa foroy. Njaggane Allah Jawmiraawo mon, ngam haa tikkere maako saatunde acca on.

2 Habaruuji Nyalaaɗe 36:13

Laamiiɗo Nabukodonosor hunni mo bee innde Allah haa o ɗowtano mo. Ammaa o tuurtani mo. O saatini hoore maako, o sali lortaago haa Jawmiraawo Allah Isra'iila.

Ayuba 21:30

Goɗɗo kalluɗo daɗan nyalaade halkere, nyalaade tikkere Allah, o heɓan hisrude.

Jabuura 110:5

Jawmiraawo ɗon dari haa nyaamo ma, nyannde o ɓerni, o do'an laamiiɓe.

Jabuura 95:8

“Taa caatine ko'e mon bana kaakiraaɓe mon mbaɗno haa Meriba, bana nyannde ɓe ngonno haa Massa nder ladde.

Gurtaaki 14:17

Min, mi saatinan ko'e Misra'en haa ɓe tokko on ɓaawo. Nden mi waŋginan tedduŋgal am haa Firawna e haa honooɓe maako fuu, waato haa mootaaji pucci maako e wa'iiɓe pucci maako.

Gurtaaki 32:34

Yah jonta, yahru ummaatoore haa nokkuure nde mbi'maami. Anndu, malaa'ikaajo am ardoto yeeso ma. Ammaa nyalaade kiita am mi hiitoto ɓe ngam hakke maɓɓe.”

Gurtaaki 8:15

Nden ɓe mbi'i Firawna: “Ɗum baawɗe Allah! Ammaa hoore Firawna saati, o nananaay Muusa e Haruna, bana Jawmiraawo wi'no.”

Balndi 1:18

ammaa kamɓe ɓe ɗon tuufano ko'e maɓɓe, fakat ɓe maayan nder tuuforgol maɓɓe.

Balndi 11:4

Jawdi nafataa nyalaade tikkere Allah, ammaa adilaaku hisnan diga maayde.

Balndi 28:14

Barka laatanto kulɗo Jawmiraawo foroy, ammaa saata-hooreejo yanan nder sarru.

Balndi 29:1

Caatinanɗo hoore mum nde woɗɓe ɗon pela ɗum, o geweteeɗo bee juhuki, walaa hurgaago.

Gaazoowo 12:14

ngam Allah hiitoto kuuɗe men fuu, koo booɗɗe koo kalluɗe, koo sirriije fuu boo.

Esaaya 48:4

Mi anndi ko'e mon caati bana njamndi, bana njamndi mboɗeeri.

Yeremiya 40:3

Jonta o timmini ko o wi'no, ngam on mbaɗi hakke dow Jawmiraawo, on ɗowtanaaki mo. Ngam maajum kuuje ɗe'e fuu laatanake on.

Ezekiyel 11:19

Mi hokkan ɓe ɓerɗe laaɓɗe e ruuhuuji kesi, mi wurtinan ɓerɗe tuurtanɗe diga ɓalli maɓɓe, mi hokkan ɓe ɓerɗe ɗowtiiɗe.

Ezekiyel 3:7

Ammaa yimɓe Isra'iila nanantaa ma, ngam ɓe cali nanango yam min, ko'e maɓɓe caati.

Daniyel 5:20

Ammaa ɓernde maako mawniti, saati haa o laati elewɗo. Ngam maajum Allah jippini mo diga leeso laamu maako, tedduŋgal maako ɓortaama.

Hose'a 13:12

Mi toŋgi zunuubaaji Efrayim, mi sigi hakkeeji maako.

Amos 3:10

Jawmiraawo wi'i: “Ɓe anndaa waɗugo ko fotti, sey hebbingo ndesaaji nder cuuɗi maɓɓe cemmbiɗɗi bee waɗugo toonyaare e jaɓtol.”

Roma'en 1:18

Ngam tikkere Allah waŋgi diga asama dow geddal yimɓe e sooynde adilaaku maɓɓe, bee maare ɓe kaɗi yimɓe anndugo gooŋga.

Roma'en 11:25

Deerɗiraaɓe am, mi yiɗi waŋginango on sirri, ngam taa ndaaron ko'e mon bana on hikma'en. Isra'iila'en woɗɓe laati saata-ko'e'en. Ammaa ɗum timman to limgal suɓaaɓe Allah iwɓe diga ummaatooje goɗɗe ciki.

Roma'en 9:22

Bana nii muuyo Allah wa'i: Haa woɗɓe, o muuyi waŋgingo ɓernuki maako e baawɗe dow tagaaɓe wonɓe nder halkere, bee non fuu o munyani ɓe munyal ɗuuɗŋgal.

2 Korintu'en 5:10

Ngam fakat en fuu en ndaroyan yeeso leeso kiita Almasiihu. Nden koo moy meeɗen heɓan mbarjaari deydey kuuɗe mum: Koo booɗɗe koo kalluɗe ɗe o huuwi wakkati o ɗon nder ɓanndu ndu'u.

Tooktaaki Tawreeta 2:30

Ammaa Sihon, laamiiɗo Hesbon sali duŋanaago en en caalo lesdi muuɗum, ngam Jawmiraawo, Allah meeɗen saatini hoore e ɓernde maako, ngam o hokka en mo haa juuɗe men bana ko laati hannde.

Tooktaaki Tawreeta 32:34

Jawmiraawo wi'i: Ndaa ko mi taaski nder sirri ko mi waɗata ɓe,

2 Tessaloniiki'en 1:5

Boneeji ɗi'i ngoni alaama kiita Allah ngooŋɗuka. Kanji laatinta on heƴiiɓe nastugo laamu Allah, ngu njaroton bone daliila mum.

Ibraniŋke'en 3:13

Ammaa cemmbiɗindire nde weeti fuu, nde “hannde” maajum ɗon, ngam taa hakke esta on, taa on caatina ko'e mooɗon.

Ibraniŋke'en 3:15

Ndaa ko Deftere Allah wi'i: “To on nani sawtu Allah hannde, taa caatine ko'e mon bana nyannde nde kaakiraaɓe mon tuurtuno dow Allah.”

Ibraniŋke'en 4:7

Ngam maajum Allah waɗi nyannde woɗnde wi'eteende “hannde” fahin. O wolwi haala maare ɓaawo duuɓi ɗuuɗɗi bee hunnduko Daawuda, o wi'i: “To on nani sawtu Allah hannde, taa caatine ko'e mooɗon.”

Yaakuba 5:3

Peewol nyaami kaŋŋeeri e cardi mooɗon. Peewol ngo'ol laatoto seedamku dow mooɗon, ngol nyaaman ɓalli mooɗon bana yiite. On paggake jawdi nder balɗe ragareeje.

Yosuwa 11:20

Jawmiraawo waɗi ɓe caatina ɓerɗe maɓɓe, ɓe kaɓa bee Isra'iila, ngam haa ɓe nattine, taa ɓe keɓa enɗam sam, bana Jawmiraawo umruno Muusa.

2 Piyer 2:9

Ammaa Jawmiraawo anndi no hisnirta hulɓe mo diga jarribeeki. O anndi boo no o aynirta halluɓe ngam haa o hiito ɓe nyannde kiita,

2 Piyer 3:7

Bee wolde man nden asama e lesdi jonta ndesaama ngam yiite, nyannde nde Allah tammi waɗugo kiita e o nattina halluɓe.

Yahuuda 1:6

Ciftore haala malaa'ika'en ƴaɓɓuɓe keerol baawɗe ɗe Allah hokkuno ɓe, ɓe acci joonde maɓɓe. Allah maɓɓi ɓe nder nyiɓre les, haɓɓi ɓe bee callalluuji ɗi piistataake haa foroy. Ɓe ɗon ndeena nyannde kiita maɓɓe ton.

Wahayu Yuhanna 2:21

Mi hokki mo wakkati haa o tuuba, ammaa o yiɗaa tuubugo dow daakaareeku maako.

Wahayu Yuhanna 6:17

Ngam nyalaade ɓernuki maɓɓe mawnde yottake, moy waawata dartanaago nde?”

1 Samuyila 6:6

Taa caatine ko'e mon bana Misra'en e Firawna ɓooyma. Allah saatani ɓe haa ɓe njoofi Isra'iila'en.