Roma'en 2:4 - Fulfulde Bible

⁴ Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

Fulfulde DC Bible

⁴ Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

Roma'en 2:4 Iomraidhean Croise

Jabuura 10:11

Kalluɗo ɗon numa nder ɓernde mum: “Allah yejjiti! O ɗon wiirna yeeso maako, o yi'ataa yam sam.”

Jabuura 104:24

Yaa Jawmiraawo, tagefooji ma ɗi ɗuuɗɗi masin! A tagri ɗi fuu bee hikma, duniyaaru fuu heewi mardi ma.

Jabuura 31:19

Muukɗin fewooɓe ɓe'e, hallinanɓe adiliijo bee elewre e meeriɗinaare!

Jabuura 78:38

Ammaa Allah hinni yimɓe muuɗum, yaafi aybeeji maɓɓe, halkaay ɓe. Nde ɗuuɗɗum o naŋgti ɓernuki maako, o yoofaay ɓernuki maako fuu.

Jabuura 86:15

Ammaa an, yaa Jawmiraawo, a Allah marɗo enɗam e hinnuye, mo tikkataa law, mo mbooɗeeŋga mum e gooŋgaaku mum ɗuuɗi.

Jabuura 86:5

Yaa Jawmiraawo, a booɗɗo, a jaafoowo. Koo moy tori ma, a waŋginanan ɗum mbooɗeeŋga ma ɗuuɗŋga.

Gurtaaki 34:6

Jawmiraawo saali yeeso maako, o ɗon wooyna: “Jawmiraawo, Jawmiraawo, Allah marɗo enɗam e hinnuye, mo tikkataa law, mo mbooɗeeŋga e gooŋgaaku mum ɗuuɗi.

Gaazoowo 8:11

Ngam ɗume yimɓe keewi suuno waɗugo kalluɗum? Ngam kuuɗe maɓɓe kalluɗe kiitataake law.

Esaaya 30:18

Ammaa Jawmiraawo ɗon reena wakkatiire nde o mo'anta on. O ummoto haa o hinno on. Ngam Jawmiraawo woni Allah baɗanɗo kiita ngooŋɗuka, barka laatanto hoolotooɓe mo fuu.

Yeremiya 7:10

Nden on ɗon ngara yeeso am nder suudu senaandu ngam am, on ɗon mbi'a: Min kisi! Nden on tokkitina waɗugo nyidduɗum ɗu'um fuu!

Ezekiyel 11:19

Mi hokkan ɓe ɓerɗe laaɓɗe e ruuhuuji kesi, mi wurtinan ɓerɗe tuurtanɗe diga ɓalli maɓɓe, mi hokkan ɓe ɓerɗe ɗowtiiɗe.

Ezekiyel 16:63

ngam haa a siftora ko saali, a semta. A meetataa maɓɓititgo hunnduko ma ngam daliila toskaare ma. Ngam saa'i man njaafotoomi kuuɗe ma fuu.” Non Allah Jawmiraawo wi'i.

Hose'a 3:5

Ɓaawo maajum ɓe tuuban, ɓe ngaylititto haa Jawmiraawo Allah maɓɓe e Daawuda laamiiɗo maɓɓe. Nder nyalɗe ragareeje ɓe ngaran bee diwnugo haa Jawmiraawo e mbooɗeeŋga muuɗum.

Yonas 4:2

O tori Jawmiraawo: “Ayye, yaa Jawmiraawo! Na kanjum mbi'mi, wakkati mi ɗonno haa lesdi am tawon? Ngam maajum aartumi, ndoggumi yahugo Tarsis. Mi anndi a Allah marɗo enɗam e hinnuye, mo tikkataa law, mo mbooɗeeŋga mum ɗuuɗi, mo faasititta huuwugo sarru.

Limle 14:18

Min Jawmiraawo, mi tikkataa law, mbooɗeeŋga am ɗuuɗi, mi munyanan tuurtol, mi yaafoto tuurtol e hakke. Ammaa mi laarataa aybuɗo bana laaɓɗo sam. Mi hiitoto aybe baabiraaɓe haa ɓiɓɓe e taaniraaɓe haa yidere tataɓre e nayaɓre.

Roma'en 10:12

Jonta kam, walaa feerotiral hakkunde Yahuudu'en bee ummaatooje goɗɗe. Ngam Allah woni Jawmiraawo maɓɓe ɓe fuu, o ɗon mo'ana ewnotooɓe mo fuu.

Roma'en 11:22

Ndaare mbooɗeeŋga Allah e caatal mum fuu. O ɗon saatana accuɓe mo, ammaa o ɗon woonana on nde on ɗon tabiti nder mbooɗeeŋga maako. To naa non, onon boo on ta'eteeɓe.

Roma'en 11:33

Kay! Jeynitaare Allah ɗuuɗi masin! Faamu maako e anndal maako keɓtataake. Moy foti linyugo anniyaaji Allah? Moy faamata laabi maako?

Roma'en 3:25

Allah darni Yeesu Almasiihu haa nuɗɗinɓe mo fuu keɓa yaafuye bee ƴiiƴam maako. O hiitaaki hakkeeji maɓɓe ɓooymaaji, o munyani ɓe, o yaafi ɓe. Bana nii o waŋginiri adilaaku maako jonta waato o adiliijo e o adilinanɗo nuɗɗinanɓe Yeesu fuu.

Roma'en 6:1

Ko mbi'eten jonta? En tokko jooɗaago nder hakke ngam haa mo'ere Allah ɓesdo na?

Roma'en 6:15

Nde mo'ere ɗon laamano en, naa tawreeta kam, en tokko waɗugo hakke na? Naa non sam!

2 Korintu'en 8:2

Ɓillaaje ɗuuɗɗe poondi nuɗɗinɓe ɓe'e, ammaa ɓe tabiti nder seyo maŋngo masin. Koo nde ɓe ɗonno nder talakaaku naawŋgu, ɓe saahiiɓe jamum.

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Efesu'en 1:7

Ngam daliila ƴiiƴam Almasiihu ndufaaɗam keɓɗen coottaari e yaafuye hakkeeji men fodde mo'ere Allah ɗuuɗnde.

Efesu'en 2:4

Ammaa Allah o ɗuuɗa-hinnuyeejo. Daliila yiide maako mawnde nde o yiɗiri en,

Efesu'en 2:7

ngam hollango zamanuuji garanɗi mo'ere maako ɗuuɗnde, waato mbooɗeeŋga nga o woonani en nder Yeesu Almasiihu.

Efesu'en 3:16

Mi ɗon toro Allah fodde jeynitaare tedduŋgal mum, haa o semmbiɗina ɓerɗe mooɗon bee baawɗe Ruuhu maako,

Efesu'en 3:8

min laatiiɗo ɓaawoojo ɓaawo'en caka senaaɓe fuu. Ammaa Allah mo'ani yam, halfini yam waazu Linjiila haa ummaatooje, haa mi anndina ɗe jeynitaare Almasiihu ɗuuɗnde nde heɓtataake sam,

Filippi'en 4:19

Allah am humtanan on haajeeji mon fuu fodde risku muuɗum, nder tedduŋgal, bee Yeesu Almasiihu.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

1 Timote 1:16

ammaa Allah enɗi yam, ngam haa Yeesu Almasiihu waŋgina munyal mum ɗuuɗŋgal bee am, min tulluɗo ɓe go, haa ɗum laato misaalu ngam nuɗɗinanɓe mo, heɓanɓe ngeendam nduumiiɗam.

1 Timote 6:17

Umru riskuɓe nder duniyaaru ndu'u, taa ɓe mawnito. Taa ɓe koolo risku ngam ngu tabitittaa, ammaa ɓe koolo Allah, dokkanɗo en koo ɗume fuu bee caahaaki haa en ceyoro ɗum.

1 Piyer 3:20

Waato yoŋkiiji ɗi ɗowtanaakino Allah, koo nde o munyani ɗi nder zamanu Nuuhu, yaake Nuuhu ɗonno waɗa koommbowal. Yimɓe njoweetato tan nasti koommbowal man, kisi ndiyam.

2 Piyer 1:11

Bana non on keɓan nastugo laamu nduumiiŋgu ngu Jawmiraawo e Kisnoowo meeɗen Yeesu Almasiihu bee feecaare.

2 Piyer 3:15

Paame no munyal Jawmiraawo meeɗen heɓani on laawol hisugo. Pol, deerɗiraawo meeɗen giɗaaɗo, winndani on haala ka'a fodde hikma ka Allah hokki mo.

2 Piyer 3:3

Aran, annde ɗu'um: Nder balɗe ragareeje jaancooɓe tokkiiɓe suunooji muuɗum'en ngaran,

2 Piyer 3:9

Woɗɓe ɗon numa Jawmiraawo ɗon neeɓa waɗugo ko o iinino. Ammaa o ɗon munyana on ngam o yiɗaa koo moy halka, o yiɗi yimɓe fuu tuuba.

Wahayu Yuhanna 2:21

Mi hokki mo wakkati haa o tuuba, ammaa o yiɗaa tuubugo dow daakaareeku maako.

Wahayu Yuhanna 3:20

Ndaa, mi ɗon dari haa dammugal, mi ɗon silmino. To goɗɗo nani sawtu am, maɓɓiti dammugal, mi nastan suudu maako, min bee maako, min nyaamdan.