Roma'en 2:2 - Fulfulde Bible

² En anndi Allah ɗon hiito waɗanɓe kuuɗe man kiita ngooŋɗuka.

Fulfulde DC Bible

² En anndi Allah ɗon hiito waɗanɓe kuuɗe man kiita ngooŋɗuka.

Roma'en 2:2 Iomraidhean Croise

Laataanooji 18:25

A waɗataa irin ɗu'um! A mbarda adiliijo bee kalluɗo, a hiito ɓe kal-kal! Waɗataako! Kadi kiitoowo duniyaaru fuu waɗataa kiita ngooŋɗuka na?”

Ayuba 34:23

O maraay haaje linyugo goɗɗo hiddeko o ewno mo yeeso kiita.

Jabuura 145:17

Jawmiraawo o adiliijo nder kuuɗe mum fuu, o koolniiɗo nder maaje.

Jabuura 9:4

Konne'en am fuu loroto ɓaawo, ɓe pergoto, ɓe kalka haa yeeso ma.

Jabuura 96:13

Ngam o ɗon wara! O ɗon wara ngam hiitanaago yimɓe duniyaaru, o hiitanto yimɓe duniyaaru bee adilaaku e jama'aaje bee gooŋgaaku maako.

Jabuura 98:9

yeeso Jawmiraawo. Ngam o ɗon wara hiitanaago duniyaaru, O hiitoto yimɓe duniyaaru bee kiita adiliiha e ummaatooje kiita ndarnuka.

Esaaya 45:19

Mi wolwaay nder cuuɗiiɗum malla haa nokkuure nyiɓɓunde. Mi wi'aay yimɓe danygol Yaakubu: Ɗaɓɓiteeɗam meere! Ngam min woni Jawmiraawo, bolwanɗo gooŋga. Mi ɗon anndina ko fotti.”

Esaaya 45:21

Ngare, mbaŋgine hujjaaji mon, carwootire hakkunde mooɗon! Moy yecci ɗum diga ɓooyma? Moy anndini ɗum diga naane? Naa min Jawmiraawo na? Walaa Allah, sonaa min. Allah adiliijo, kisnoowo feere woodaa, sey min.

Yeremiya 12:1

Yeremiya tori, wi'i: “Yaa Jawmiraawo, a adiliijo timmuɗo, mi waawataa hujjotirgo bee ma! Ammaa bee non fuu mi yiɗi wolwango ma haala kiita ngooŋɗuka. Ngam ɗume nufayeeje halluɓe ɗon kiɓɓe, ɓe ɗon njaha yeeso yeeso? Ngam ɗume zammbotooɓe njooɗoto nder de'ere?

Ezekiyel 18:25

Ammaa on ɗon mbi'a: Laawol Jawmiraawo fottaay. Nane, onon yimɓe Isra'iila. On ɗon numa laawol am fottaay na? Kayya, laabi mooɗon ɗin pottaay!

Ezekiyel 18:29

Ammaa onon yimɓe Isra'iila'en on ɗon mbi'a: Laawol Jawmiraawo fottaay. On ɗon numa laabi am pottaay na? Kayya, laabi mooɗon ɗin pottaay!

Sefaniya 3:5

Ammaa Jawmiraawo o adiliijo caka maagol, o waɗataa kalluɗum. Nde weeti fuu, o ɗon ta'a kiita maako, o lelnataa ka sam. Ammaa kalluɗo walaa semteende!

Kuuɗe Nelaaɓe 17:31

Ngam o darni nyannde nde o hiitorto duniyaaru fuu bee adilaaku, bee goɗɗo mo o suɓi. O gooŋɗiniri ɗum yeeso yimɓe fuu bee ummitingo mo diga maayde.”

Roma'en 2:1

Ngam maajum, an neɗɗo, koo a moye a walaa geldol nde a ɗon hiito goɗɗo. Ngam to a hiitake woɗɓe, ɗum hoore maaɗa a hiiti, ngam a ɗon waɗa ko ɓe mbaɗata.

Roma'en 2:3

Kadi, an kiitanɗo woɗɓe, ammaa a ɗon waɗa ko a hiitoto haa maɓɓe, a tammi a hisan kiita Allah na?

Roma'en 2:5

Ammaa hoore ma saati, ɓernde ma sali boo tuubugo. Ngam maajum, a ɗon tokko fooɗango hoore ma tikkere Allah ɓurnde saatugo nyalaade darŋgal, nyalaade man Allah waŋginan tikkere mum e kiita mum ngooŋɗuka.

Roma'en 9:14

To non kam, ko mbi'eten? Kadi Allah o ɗon waɗa ko fottaay na? Naa non sam!

Wahayu Yuhanna 16:5

Mi nani malaa'ikaajo kalfinaaɗo ndiyam wi'i: “A adiliijo, mo ɗon, mo ɗonno ɓooyma boo, a ceniiɗo, ngam a hiiti ɓe bee masiibooji ɗi'i,

Wahayu Yuhanna 19:2

Ngam kiitaaji maako ɗi gooŋgaaji e adiliiji, o hiiti daakaareejo ɓurduɗo hallugo mo wonni duniyaaru fuu bee daakaareeku muuɗum. O waati mo ƴiiƴam jaggiiɓe maako ɗam o rufi.”