Roma'en 2:10 - Fulfulde Bible

¹⁰ Ammaa koo moy waɗi ko fotti, Allah hokkan mo tedduŋgal e daraja e jam, aran Yahuudu'en, nden yimɓe ummaatooje goɗɗe.

Fulfulde DC Bible

¹⁰ Ammaa koo moy waɗi ko fotti, Allah hokkan mo tedduŋgal e daraja e jam, aran Yahuudu'en, nden yimɓe ummaatooje goɗɗe.

Roma'en 2:10 Iomraidhean Croise

Ayuba 22:21

Sey a narra bee Allah, nden a heɓan jam, nii keɓtirta hayru ma naane.

Jabuura 15:2

Sey mo laatake timmuɗo nder yahdu mum, baɗanɗo adilaaku, bolwanɗo gooŋga bee ɓernde woore.

Jabuura 29:11

Jawmiraawo hokkan ummaatoore mum semmbe, Jawmiraawo barkiɗinan nde, o hokkan nde salaaman.

Jabuura 37:37

Hakkilan timmuɗo, laar gooŋgaajo, ngam giɗɗo salaaman heɓan danygol.

Balndi 11:18

Kalluɗo heɓan riba ka tabitittaa, ammaa baɗanɗo ko fotti heɓan mbarjaari tabitndi.

Balndi 8:18

Risku e tedduŋgal ɗon ngondi bee am, non boo maral tabitŋgal e ngeenaari pottundi.

Esaaya 26:12

Yaa Jawmiraawo, a hokkan min salaaman. Ko min mbaɗata fuu, an a timminan ɗum ngam amin.

Esaaya 32:17

Adilaaku waddan salaaman e de'ere e hoolaare ngam foroy.

Esaaya 48:18

Kadi, to on kakkilanino umrooje am, salaaman mooɗon ilanno bana ndiyam nder maayo, adilaaku mooɗon bana ƴuuge mbeela.

Esaaya 48:22

“Walaa salaaman ngam halluɓe sam.” Nii Jawmiraawo wi'i.

Esaaya 55:12

On ngurtoto bee seyo, mi hooran on nder salaaman. Kooseeje e towndiije mbelmbeltan yeeso mooɗon, leɗɗe ladde fuu kellan juuɗe.

Esaaya 57:19

mi waɗan maŋgtoore haa kunnduɗe maɓɓe. Salaaman! Salaaman laatano daayiiɓe e ɓadiiɓe fuu! Non Jawmiraawo wi'i: Mi yamɗitinan ɓe.

Yeremiya 33:6

Ammaa mi hurgan ngol, mi yamɗitinan ngol. Mi yamɗitinan yimɓe maagol, mi seynan ɓe bee salaaman e de'ere.

Limle 6:26

Jawmiraawo laara on bee yerduye muuɗum, hokka on salaaman!

Matta 10:13

To yimɓe saare man njaɓɓake on, jam mooɗon laatanto ɓe. Ammaa to ɓe njaɓɓaaki on, jam mooɗon loroto haa mooɗon.

Luka 1:79

ngam yaynango wonɓe nder nyiɓre e les ɗowdi maayde e ɗowugo kosɗe meeɗen dow laawol salaaman.”

Luka 12:37

Barka laatano suka'en ɓe jaagorɗo mum'en yaake wartata, tawa ɗon ayna. Gooŋga mbi'anmi on, o taadoto, o jo'inan ɓe haa taabal nyaamdu, o ɓaditan ɓe, o huuwanan ɓe.

Luka 19:42

o wi'i: “Mi yiɗi a anndano an boo ko woni salaaman maaɗa hanndeere nde'e! Ammaa jonta ɗum suuɗaama haa gite maaɗa.

Luka 22:14

Nde wakkati man waɗi, Yeesu fuɗɗi nyaamugo bee nelaaɓe.

Luka 9:48

o wi'i ɓe: “Koo moy jaɓi ɓiŋngel pamarel ngel ngam innde am, min o jaɓi. Koo moy jaɓi yam boo, jaɓi nelɗo yam. Ngam ɓurduɗo famɗugo caka mooɗon fuu, kaŋko woni mawɗo.”

Yuhanna 12:26

Sey kuuwanoowo yam fuu tokko yam, ngam haa o wona haa ngonmi. Koo moy laatake kuuwanoowo yam, Baabiraawo am teddinan mo.”

Yuhanna 14:27

Mi ɗon accana on salaaman, mi ɗon hokka on salaaman am. Ko mi hokkata on, ɗum nanndaay bee ko duniyaaru hokkata. Taa ɓerɗe mooɗon caklo, taa kultore!

Yuhanna 16:33

Mi wolwani on ɗum ngam haa on keɓa salaaman nder am. On njaran bone nder duniyaaru, ammaa tiɗɗine ɓerɗe mooɗon, min mi jaalake duniyaaru.”

Kuuɗe Nelaaɓe 10:35

Kulɗo mo, kuuwanɗo kuuɗe adiliije fuu, fottanan mo, koo o goɗɗo asŋgol ngole fuu.

Roma'en 14:17

Ngam laamu Allah kam, naa ɗum haala nyaamdu e njaram, ammaa ɗum adilaaku e jam bee Allah e seyo ngo Ruuhu Ceniiɗo hokkata.

Roma'en 15:13

Mi ɗon toro Allah, tabitinɗo tammunde men, haa o hebbina ɓerɗe mon bee seyo e jam fuu ngam daliila nuɗɗinki mon, ngam haa on keewa tammunde bee baawɗe Ruuhu Ceniiɗo.

Roma'en 2:7

Tiiɗɓe waɗgo ko fotti, ɗaɓɓitanɓe tedduŋgal e daraja e duumaare, o hokkan ɓe ngeendam nduumiiɗam.

Roma'en 2:9

Ɓillaare e bone ukkanto waɗanɓe halleende, aran Yahuudu'en, nden yimɓe ummaatooje goɗɗe boo.

Roma'en 5:1

Allah adilini en ngam en nuɗɗini mo. Jonta salaaman ɗon hakkunde maako bee meeɗen, barka Jawmiraawo men Yeesu Almasiihu.

Roma'en 8:6

Tokkaago suunooji mum yahran haa maayde, ammaa tokkaago Ruuhu Allah yahran haa ngeendam e jam.

Roma'en 9:21

Mahoowo payanɗe maraay baawɗe dow loope kecce na? Bee loope goote o waawan waɗugo payanɗe ɗiɗi, woɗnde marnde saman e woɗnde boo walaa saman.

Roma'en 9:23

Haa woɗɓe boo, o muuyi waŋginango ɓe ɗuuɗeeŋga tedduŋgal maako, o enɗi ɓe, o taaskitini ɓe diga ɓooyma ngam haa ɓe keɓa tedduŋgal maako.

Galaatiya'en 5:22

Ammaa ko Ruuhu Allah rimata ɗum yiide e seyo e salaaman e munyal e enɗam e mbooɗeeŋga e hoolaare

Galaatiya'en 5:6

Ngam to goɗɗo ɗon nder kawtal bee Almasiihu, juulnol malla saadoniiku walaa saman. Nuɗɗinki baŋginanki yiide tan mari saman.

Filippi'en 4:7

Nden kam salaaman Allah ɓurka faamu neɗɗo fuu, aynan ɓerɗe mon e numooji mon nder kawtal bee Yeesu Almasiihu.

1 Timote 1:17

Hormu e tedduŋgal laatano Allah gooto, laamiiɗo duumiiɗo, mo maayataa, mo yi'ataake haa abada abadin. Aamiina!

Ibraniŋke'en 2:7

A leesni mo les malaa'ika'en wakkati seɗɗa, a meeti mo tedduŋgal e maŋngu,

Yaakuba 2:22

A laari no nuɗɗinki maako yahdiri bee kuuɗe maako. Kuuɗe maako kebbitini nuɗɗinki maako.

Yaakuba 3:13

Woodi hikmaajo, marɗo faamu caka mooɗon na? Sey o waŋgina ɗum nder gikku mbooɗŋgu bee kuuɗe yaŋkiniiɗe e hikmaaje.

1 Piyer 1:7

Boneeji ɗi'i poondan nuɗɗinki mooɗon to ki gooŋgahi. Koo kaŋŋeeri wonnotoondi maa ɓe ɗon poonda ndi nder yiite, sakko nuɗɗinki mooɗon. Ki ɓuri kaŋŋeeri saman piw, sey ki foonde. Ɓaawo poondol man, on keɓan manooje e tedduŋgal e maŋngu, nyannde Yeesu Almasiihu waŋganta yimɓe fuu.

1 Piyer 5:4

To gaynaako mawɗo waŋgoyi, on keɓan meetaleewol marŋgol tedduŋgal, ngol furɗataa sam.

1 Samuyila 2:30

Gooŋga, ɓooyma mi wi'no asŋgol mon huuwantam kuugal limanku haa foroy. Ammaa jonta ɗum haaɗi ngam mi teddinan teddinooɓe yam, ammaa mi wudinan yawotooɓe yam, min Allah Jawmiraawo Isra'iila wi'i ɗum!