Roma'en 13:4 - Fulfulde Bible

⁴ Ngam marɗo laamu ɗon huuwana Allah haa o walla on waɗgo mbooɗeeŋga. Ammaa to on mbaɗi kalluɗum, doole on kula mo. Ngam o kuuwanoowo Allah, o woodi baawɗe hiitaago, Allah darni mo ngam haa o waŋgina tikkere Allah dow waɗanɓe halleende.

Fulfulde DC Bible

⁴ Ngam marɗo laamu ɗon huuwana Allah haa o walla on waɗgo mbooɗeeŋga. Ammaa to on mbaɗi kalluɗum, doole on kula mo. Ngam o kuuwanoowo Allah, o woodi baawɗe hiitaago, Allah darni mo ngam haa o waŋgina tikkere Allah dow waɗanɓe halleende.

Roma'en 13:4 Iomraidhean Croise

1 Laamiiɓe 10:9

Yettoore laatano Allah Jawmiraawo maaɗa mo seyori ma, jo'ini ma dow leeso laamu Isra'iila. Jawmiraawo yiɗi Isra'iila foroy, ngam maajum o waɗi ma laamiiɗo haa mbaɗa kiita ngooŋɗuka.”

2 Habaruuji Nyalaaɗe 19:6

O wi'i ɓe: “Kakkilane ko mbaɗoton. On hiitooɓe, naa fodde yimɓe ammaa fodde Jawmiraawo. Kaŋko o ɗon wondi bee mooɗon, koo ndey mbaɗoton kiita.

Balndi 16:14

Tikkere laamiiɗo neldan maayde, ammaa hikmaajo feewtinan nde.

Balndi 20:2

Ɓernuki laamiiɗo nanndi bee ubbaaŋgo mbarooga, tikkinanɗo mo halkan yoŋki mum.

Balndi 20:26

Laamiiɗo kakkilɗo heɓtan waɗɓe kalluɗum, nden o hiitoto ɓe bilaa enɗam.

Balndi 20:8

Laamiiɗo, to jooɗake dow leeso kiita, heɓtan kalluɗum fuu bee gite mum.

Esaaya 1:17

Ekkite waɗugo ko wooɗi, ɗaɓɓite ko fotti! Ndartine toonyooɓe, kiitane atiimeejo bee gooŋga, njiŋnge rewɓe yurumɓe!”

Yeremiya 5:28

Ɓe payi, ɓe tekki. Halleende maɓɓe ɓuri semmbe. Ɓe kiitataako fodde kiita ngooŋɗuka. Ɓe ngooŋɗintaa haala atiime'en, ammaa ɓe ɗon keɓa hayru, ɓe njiŋngataa laafuɓe.

Ezekiyel 22:27

Mawɓe caka maɓɓe nanndi bee caafaali ceekanɗi ko ɗi paɗɗi. Ɓe ɗon mbara yimɓe ngam ɓe keɓa riba kalluka.

Ezekiyel 25:14

Mi waatoto Edoom bee juuɗe Isra'iila'en, ummaatoore am. Kamɓe ɓe mbaɗan haa Edoom maata tikkere am saatunde fuu. Nden kam Edoom faaman no mi waatorto.” Non Allah Jawmiraawo wi'i.

Mika 3:9

Sey on nana, onon mawɓe nder yimɓe Yaakubu, onon alkaali'en Isra'iila! On ɗon nganya kiita ngooŋɗuka, on ɗon lelna ko laati darnuɗum fuu.

Roma'en 12:19

Soobiraaɓe am, to goɗɗo waɗi on aybe, taa mbaate, ammaa acce tikkere Allah waɗa ɗum, ngam Deftere wi'i: “Min waatoto, min warjoto ɓe. Nii Jawmiraawo wi'i.”

Roma'en 13:6

Ngam to marɓe laamu ɗon kuuwa kuugal nga'al, ɓe ɗon kuuwana Allah. Ngam maajum njoɓoton jomorgol boo.

1 Tessaloniiki'en 4:6

Taa koo moy waɗana deerɗum aybe dow haala ka'a, taa o toskina mo. Min mbi'i on ɗum diga ɓooyma, min ndeentini on boo: Jawmiraawo hiitoto ɗum fuu.

Yosuwa 20:5

To baatoowo taasni mo, taa ɓe ndokka mbarɗo haa juŋngo maako. Ngam o mbaraay keeddiɗɗiiko bee anniya, o wanyaayno mo boo.

Yosuwa 20:9

Kanji ngoni berniiji cuɓaaɗi ngam haa ɗi laatano Isra'iila'en e hoɗɓe jooɗiiɓe caka maɓɓe berniiji kisruɗi. Koo moy mbari goɗɗo bilaa anniya, sey o dogga ton, ngam taa baatoowo mbara mo, ammaa o heɓa o daro yeeso kiita jama'aare.

1 Piyer 2:14

Ɗowtane ngomna'en, ngam ɓe nelaaɓe laamiiɗo haa ɓe kiito halluɓe, ɓe teddina wooɗɓe.