Roma'en 13:1 - Fulfulde Bible

¹ Sey koo moy ɗowtano marɓe laamu. Ngam kala laamu fuu iwi diga Allah. Kaŋko jo'ini laamuuji fuu.

Fulfulde DC Bible

¹ Sey koo moy ɗowtano marɓe laamu. Ngam kala laamu fuu iwi diga Allah. Kaŋko jo'ini laamuuji fuu.

Roma'en 13:1 Iomraidhean Croise

Jabuura 62:11

Taa tamme toonyaare nafan on, taa tamme kuuje jaɓtaaɗe ndiskinan on. To jawdi mon ɗon ɓesdo, taa ɓerɗe mon ɗakkotira bee maari.

Balndi 24:21

Ɓiŋngel am, hul Jawmiraawo, hul laamiiɗo boo, taa hawtu bee tuurtooɓe, taa tuurtan ɗiɗo fuu,

Daniyel 2:21

Kaŋko waylititta wakkatiiji e saa'iije, kaŋko ɓornata laamiiɓe laamu, kaŋko ɓortata ɓe, kaŋko hokkata hikma haa hikma'en e anndal haa annduɓe.

Daniyel 4:17

Lekki ki ngi'ɗa, ki ɓesdi darnde e semmbe, ki towi haa ki yotti asama, ki ɗon yi'e koo toy nder duniyaaru,

Daniyel 4:32

O ɗon laara yimɓe duniyaaru fuu bana huunde meere. Honooɓe asama e yimɓe duniyaaru, o ɗon waɗa ɓe fodde muuyo maako. Walaa mo dartanta ko o yiɗi waɗugo. Moye ƴamata mo: Ko mbaɗɗa?

Matta 6:13

Aynu min ngam taa min nasta jarribeeki, ammaa hisnu min diga Kalluɗo. [Ngam an mari laamu e baawɗe e tedduŋgal, haa foroy. Aamiina!]

Yuhanna 19:11

Yeesu jaabi mo: “A walaano baawɗe dow am koo seɗɗa, to Allah hokkaayno ma ɗe. Ngam maajum mo hokki yam haa juŋngo ma, hakke maako ɓuri mawnugo.”

Kuuɗe Nelaaɓe 2:41

Jaɓɓe bolle ɗe Piyer wolwi njaɓi baptisma. Nyannde man yimɓe baakin ujine tato ɓesdaama dow nuɗɗinɓe.

Roma'en 12:21

Taa accu halleende jaalo ma, ammaa jaalora nde bee mbooɗeeŋga.

Roma'en 13:2

Ngam maajum koo moy tuurtani marɓe laamu, luuti umroore Allah. Tuurtooɓe pooɗanan ko'e muuɗum'en kiita.

Efesu'en 5:21

Koo moy mooɗon leestana woɗɓe ngam daliila ɗowtaare mon haa Almasiihu.

Tooktaaki Tawreeta 17:12

Koo moy ƴaggiiɗo mo ɗowtantaako kiitoowo malla limanjo jaggantooɗo Jawmiraawo, Allah mooɗon ton, o mbareteeɗo. Bana non ittirton halleende nder Isra'iila.

1 Timote 2:2

Ndo'ane laamiiɓe e marɓe baawɗe fuu, ngam haa en njooɗo nder salaaman e de'ere, nder kulol Allah e neɗɗaaku fuu.

Titus 3:1

Siftinor nuɗɗinɓe ɓe leestana ardiiɓe e marɓe baawɗe, ɓe nanana ɓe, ɓe taaskano kuugal booɗŋgal koo ngale.

Yahuuda 1:8

Bana nii boo, yimɓe sorkuɓe caka mooɗon go, nder raayu maɓɓe, ɓe ɗon coɓna ɓalli maɓɓe. Ɓe ɗon njawo baawɗe Allah, ɓe ɗon mbolwa kalluka dow tedduɓe asama.

Wahayu Yuhanna 1:5

e diga Yeesu Almasiihu, ceedoowo gooŋgaajo, ummitinaaɗo arano nder maayɓe, mawɗo laamlaamɓe duniyaaru boo. Kaŋko o yiɗi en. O rimɗini en diga hakkeeji meeɗen bee ƴiiƴam maako,

Wahayu Yuhanna 17:14

Ɓe kaɓan bee jawgel. Ammaa jawgel jaaloto ɓe, ngam kaŋgel woni Jawmiraawo jawmiraaɓe e Laamiiɗo laamiiɓe. Wonduɓe bee maako, ɓe ewnaaɓe e suɓaaɓe e hoolaaɓe, kamɓe boo ɓe njaaloto bee maako.”

Wahayu Yuhanna 19:16

Innde maako winndaama dow ngapaleewol e dow daŋngo maako: “Laamiiɗo laamiiɓe e Jawmiraawo jawmiraaɓe.”

1 Samuyila 2:8

O ɓaŋgtan yawaaɓe nder mbulwuldi haa o teddina ɓe, o hawta ɓe bee laamiiɓe, o jo'ina ɓe dow joole tedduɗe. Ngam duniyaaru fuu Jawmiraawo jeyi, o jo'ini ndu dow caɓɓaaje ɗe ndimmbataako.