Roma'en 12:3 - Fulfulde Bible

³ Daliila mo'ere nde Allah waɗani yam, mi ɗon umra koo moy mooɗon: Taa goɗɗo numana hoore mum maŋngu ɓuranŋgu no foti, ammaa koo moy laara hoore mum deydey geɗal nuɗɗinki ngal Allah hokki mo.

Fulfulde DC Bible

³ Daliila mo'ere nde Allah waɗani yam, mi ɗon umra koo moy mooɗon: Taa goɗɗo numana hoore mum maŋngu ɓuranŋgu no foti, ammaa koo moy laara hoore mum deydey geɗal nuɗɗinki ngal Allah hokki mo.

Roma'en 12:3 Iomraidhean Croise

Balndi 25:27

Ɗum haanaay goɗɗo nyaama njumri ɗuuɗndi, ɗum haanaay goɗɗo tefana hoore mum tedduŋgal ɗuuɗŋgal.

Balndi 26:12

To a yi'i goɗɗo daaranɗo hoore mum o hikmaajo, tammanaago mo ɗuuɗaay, ndikka paataaɗo.

Gaazoowo 7:16

Taa laata adiliijo masin, taa laata boo hikmaajo masin: Koni ngiɗɗa halkugo hoore ma?

Mika 6:8

An neɗɗo, Jawmiraawo anndini ma ko wooɗi e ko o ɗaɓɓata haa maaɗa: Ɗum waɗugo ko fotti, yiɗugo waɗugo mbooɗeeŋga e tokkaago Allah ma bee tiinaare.

Luka 18:11

Farisaajo dari, waɗi do'a nder ɓernde mum bana ni'i: Yaa Allah, mi yetti ma ngam mi laataaki bana yimɓe feere, laatiiɓe wuyɓe, sooyɓe-adilaaku, jeenooɓe malla bana jomnoowo oo.

Yuhanna 3:34

Ngam mo Allah neli ɗon wolwa haala Allah, ngam Allah ɗon hebbina mo bee Ruuhu muuɗum bilaa keerol.

Roma'en 1:5

Ngam barka maako min keɓi mo'ere, min laati nelaaɓe haa ummaatooje fuu nuɗɗina Linjiila, ɓe ɗowtano Allah, ɓe teddina innde maako.

Roma'en 11:20

Gooŋga kam, ammaa ɗe ta'aama ngam ɗe cali nuɗɗingo. Onon boo on tabitinaama ngam on nuɗɗini. Ngam maajum taa mawnite. Ndikka on kula.

Roma'en 11:25

Deerɗiraaɓe am, mi yiɗi waŋginango on sirri, ngam taa ndaaron ko'e mon bana on hikma'en. Isra'iila'en woɗɓe laati saata-ko'e'en. Ammaa ɗum timman to limgal suɓaaɓe Allah iwɓe diga ummaatooje goɗɗe ciki.

Roma'en 12:16

Njooɗode on narruɓe. Taa ɗaɓɓe maŋngu nder jama'aare mon, ndikka on njaɓa kuuɗe leesɗe, jaŋkiniiɗe. Taa ndaare ko'e mon bana on marɓe anndal fuu.

1 Korintu'en 15:10

Ammaa ngam mo'ere Allah laatiimi nelaaɗo bana no mi wa'i hannde e mo'ere maako nde o waɗani yam laataaki meere. Mi huuwi ko ɓuri nelaaɓe fuu. Naa min bee hoore am huuwi ɗum, ammaa mo'ere Allah huuwi nder am.

1 Korintu'en 3:10

Fodde mo'ere nde Allah mo'ani yam, bana mahoowo kakkilɗo, mi wallini caɓɓawal. Goɗɗo feere ɗon maha dow maagal. Ammaa sey koo moy hakkilana no o mahrata.

1 Korintu'en 7:17

Sey koo moy tokko jooɗaago bana no Allah heerorani mo. O jooɗo bana no o wa'no yaake Allah ewni mo. Kanjum umranmi nder jama'aaje nuɗɗinɓe fuu.

2 Korintu'en 10:13

Minin kam min ɓurnataa keerol haa min mantoro, ammaa min ɗon tokko keerol ngol Allah waɗani min. O yottini min bee Linjiila Almasiihu haa mooɗon. Kanjum woni keerol juro amin.

2 Korintu'en 12:13

Woodi ko mi waɗani jama'aaje nuɗɗinɓe goɗɗe, nden mi waɗanaay on ɗum na? Ɗum huunde woore tan: Mi ƴamaay on kumtanammi haaje am. Njaafaneeɗam aybewol ngo'ol kadi!

2 Korintu'en 12:7

Ngam taa mi mawnito daliila wahayuuji kaayeefiiji ɗi ngi'mi, Allah hokki yam ko naawni yam bana gi'al nder ɓanndu am, ɗum nelaaɗo Sayɗaanu mo ɓilli yam ngam taa mi mawnito.

Galaatiya'en 6:3

To goɗɗo laari hoore mum bana o mawɗo, asee boo walaa no o wa'i, nden kam o zammbake hoore maako.

Efesu'en 3:2

On meeɗi nanugo haala kaliifaaku ngu Allah halfini yam ngam mooɗon fodde mo'ere nde o mo'ani yam.

Efesu'en 3:4

To on njaŋngi ɗum, on anndan no mi faami sirri Almasiihu.

Efesu'en 4:16

Ngam daliila maako terɗe ɓanndu fuu ɗon pottotira, ɓanndu ɗon hawti bee jokke mum koo ɗeye, ɗe ɗon njogi ndu, kala tergal fuu ɗon huuwa kuugal mum, ɓanndu ɗon ɓesdo, ɗon mawna bee yiide.

Filippi'en 2:13

ngam Allah bee hoore mum ɗon huuwa nder muuyo mon e nder kuuɗe mon fodde anniya mum mbooɗka.

Kolossi'en 1:29

Ngam daliila man mi ɗon yara bone, mi ɗon haɓa bee baawɗe ɗe Almasiihu hokki yam, kanje kuuwata nder am bee semmbe.

Kolossi'en 2:13

Naane, Allah ɗonno laara on bana maayɓe ngam daliila hakkeeji mooɗon e saadoniiku mon. Ammaa jonta o yeeɗitini on hawtaade bee Almasiihu. O yaafi hakkeeji meeɗen fuu.

1 Timote 1:14

Jawmiraawo men mo'ani yam ɗuuɗɗum masin, hokki yam nuɗɗinki e yiide iwnde haa Yeesu Almasiihu.

1 Timote 2:15

Ammaa fuu e non, debbo hisan bee danyugo ɓikkoy to o tiiɗi nder nuɗɗinki e yiide e nder senaare bee ne'aare.

1 Timote 2:9

Rewɓe boo, mi yiɗi ɓe ɓorno limce pottuɗe ɓorneego, ɓe laato ne'iiɓe e semtooɓe. Taa ɓe pawno bee moorɗi caɗɗi malla bee kaŋŋeeri malla bee luuluuje malla bee limce ɗuuɗa-samanje,

Titus 2:12

Mo'ere nde'e ɗon ekkitina en accugo geddal e suunooji duniyaaru, en njooɗo bee hakkiilo e adilaaku e kulol Allah nder duniyaaru jontaaru ndu'u.

Titus 2:2

Yeccu worɓe nayeeɓe ɓe laato naŋgtiiɓe, ne'iiɓe, hakkilɓe, tabitiiɓe nder nuɗɗinki e yiide e munyal.

Titus 2:4

Sey ɓe ekkitina derke'en rewɓe yiɗugo worɓe muuɗum'en e ɓikkoy muuɗum'en,

Titus 2:6

Wasa sukaaɓe boo haa ɓe laato hakkilɓe.

Yaakuba 4:6

Ammaa mo'ere nde Allah mo'ani en ɓuri ɗum. Ngam man Deftere Seniinde wi'i: “Allah ɗon dartano mawnitiiɓe, ammaa o ɗon mo'ana yaŋkiniiɓe.”

1 Piyer 1:13

Ngam maajum, sey numooji mooɗon taaskano kuugal! Kakkile, njo'ine tammunde mooɗon fuu haa mo'ere nde keɓoton saa'i Yeesu Almasiihu waŋgata.

1 Piyer 4:11

Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

1 Piyer 4:7

Ragare kuuje fuu ɓadake. Kakkile, naŋgte ko'e mooɗon haa on mbaawa waɗugo do'a.

1 Piyer 5:5

Onon derke'en boo, leestane mawɓe bana non. Koo moy fuu laatano deerɗum jaŋkiniiɗo ngam Deftere wi'i: “Allah ɗon dartano mantotooɓe, ammaa o ɗon mo'ana yaŋkiniiɓe.”

1 Piyer 5:8

Kakkile, ayne! Ngam konneejo mooɗon, waato Iblisa, ɗon bana mbarooga ubbanŋga tefanŋga mo o nyaama.

3 Yuhanna 1:9

Woodi ko mi winndani jama'aare nuɗɗinɓe, ammaa Diyoterefes mo yiɗi laataago mawɗo nder jama'aare man, jaɓɓaaki min.