Roma'en 12:2 - Fulfulde Bible

² Taa tokke ko yimɓe zamanuuru ndu'u mbaɗata, ammaa acce Allah wayla ɓerɗe mon, hesɗitina hakkiilooji mon. Nden kam on anndan muuyo Allah, waato ko wooɗi e ko fottanta mo e ko woni timmuɗum.

Fulfulde DC Bible

² Taa tokke ko yimɓe zamanuuru ndu'u mbaɗata, ammaa acce Allah wayla ɓerɗe mon, hesɗitina hakkiilooji mon. Nden kam on anndan muuyo Allah, waato ko wooɗi e ko fottanta mo e ko woni timmuɗum.

Roma'en 12:2 Iomraidhean Croise

Esira 10:11

Ngam maajum mbaŋgine hakke mooɗon yeeso Jawmiraawo, Allah kaakiraaɓe mooɗon. Mbaɗe ko fottani mo: Cenndire bee ummaatooje goɗɗe gonɗe nder lesdi, ceere rewɓe mon jananɓe boo.”

Jabuura 119:103

Bolle ma mbelani yam masin! Ɗe ɓuri koo njumri welugo.

Jabuura 119:128

Ngam maajum, mi annditi sarɗiiji ma fuu ɗi darnuɗi, ammaa mi ɗon wanya laawol fewre koo ngole.

Jabuura 119:174

Mi ɗon yenwa kisndam ma, yaa Jawmiraawo, tawreeta ma ɗon seynammi.

Jabuura 119:72

Tawreeta ma ɓurani yam ceede cardi e kaŋŋeeri ujineeje saman.

Jabuura 119:97

Mi yiɗi tawreeta ma masin, mi ɗon nyalla numtugo ka.

Jabuura 34:8

Malaa'ikaajo Jawmiraawo ɗon ayna hulɓe mo, o ɗon rimɗina ɓe.

Jabuura 51:10

Accu mi nana hoolo seyo e welwelo, haa mi maata seyo fahin, ɓaawo a hiiti yam kiita naawka.

Gurtaaki 23:2

Taa tokke mooɓre ngam waɗugo kalluɗum. Taa on ceeda ko fottanta mooɓre ngam suuɗugo gooŋga haa yeeso kiita.

Ezekiyel 18:31

Acce tuurtolji mon fuu, kesɗitine ɓerɗe mon e ruuhuuji mon. Malla on ngiɗi maayugo na, onon Isra'iila'en?

Ezekiyel 36:26

Mi hokkan on ɓerɗe kese e ruuhuuji kesi. Mi wurtinan ɓerɗe tuurtanɗe nder mon, mi hokka on ɓerɗe ɗowtiiɗe.

Matta 13:22

Woɗɓe boo nanndi bee aawdi caka gi'e. Kamɓe, to ɓe nani wolde Allah, laruuraaji e esto risku ɓiɗɗan wolde man, nde waɗataa nafuuda sam.

Markus 4:19

ammaa laruuraaji duniyaaru ndu e esto jawdi e suunooji feere feere nastan ɓerɗe maɓɓe, ɗi ɓillan wolde Allah e nde waɗataa nafuuda.

Yuhanna 14:30

Mi tokkataako wolididgo ɗuuɗɗum bee mooɗon, ngam laamiiɗo duniyaaru ɗon wara. O walaa baawɗe dow am koo seɗɗa.

Yuhanna 15:19

To on laatino ɓe duniyaaru, ndu yiɗanno on ngam on yimɓe maaru. Ammaa nde nii on laataaki ɓe duniyaaru, mi suɓi on, mi wurtini on diga duniyaaru, ngam maajum, duniyaaru ɗon wanya on.

Yuhanna 17:14

Mi anndini ɓe wolde ma. Duniyaaru wanyi ɓe, ngam ɓe laataaki ɓe duniyaaru, bana min boo mi laataaki mo duniyaaru.

Yuhanna 7:7

Duniyaaru waawataa wanyugo on, ammaa ndu wanyatam min, ngam mi ɗon seedano ndu no kuuɗe maaru ɗe kalluɗe.

Roma'en 12:1

Deerɗiraaɓe am, Allah waŋginani en enɗam mum ɗuuɗɗam. Ngam maajum mi ɗon toro on on lii'ano mo ko'e mon bana kirseteeɗi geeti, ceniiɗi, pottananɗi mo. Kanjum woni dewal ngal haandani mo.

Roma'en 13:14

Acce Jawmiraawo Yeesu Almasiihu laamano ngeendam mon fuu. Taa cuklane suunooji mon, ngam taa ɗi njaalo on.

Roma'en 7:12

Caahiiɗum, tawreeta iwi diga Allah, umrooje maaka boo ɗe ceniiɗe, ɗe pottuɗe, ɗe booɗɗe.

Roma'en 7:14

Walaa seko, tawreeta iwi haa Ruuhu Allah. Ammaa min mi neɗɗo tampuɗo, mi maccuɗo hakke.

Roma'en 7:22

Nder ɓernde am, mi ɗon seyoro tawreeta Allah.

1 Korintu'en 3:19

Ngam hikma duniyaaru ndu'u, ɗum faataare haa Allah. Ngam Deftere wi'i: “Allah ɗon naŋnga hikma'en nder tuuforgol dabareeji maɓɓe.”

2 Korintu'en 4:4

Ɓe nuɗɗintaa, ngam Sayɗaanu, ɗowanteeɗo duniyaaru ndu'u wumni hakkiilooji maɓɓe. O haɗi ɓe yi'ugo jayŋgol Linjiila baŋginanŋgol tedduŋgal Almasiihu, mo laati jaati Allah.

2 Korintu'en 5:17

Ngam maajum to goɗɗo hawti bee Almasiihu, o laatake neɗɗo keso. Ko laatino ɓooyma saalake, koo ɗume fuu laatake kesum.

Galaatiya'en 1:4

Almasiihu hokki hoore mum ngam daliila hakkeeji men, ngam hisnugo en diga zamanuuru jontaaru hallundu ndu'u fodde muuyo Allah, Baabiraawo men.

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Efesu'en 2:2

On ngeeɗino nder maaji fodde jahargal duniyaaru ndu'u e fodde ardiiɗo laamu ngonŋgu nder hawa. Koo jonta boo o ɗon huuwa nder tuurtuɓe dow umrooje Allah.

Efesu'en 5:17

Ngam maajum, taa laate faataaɓe, ammaa paame ko woni muuyo Jawmiraawo.

Kolossi'en 1:9

Ngam maajum minin boo, min accaay toraago Allah ngam mooɗon diga min nani kubar mon. Min ɗon toro mo haa on keɓa hikma e faamu fuu haa Ruuhu maako, on paama muuyo maako.

Kolossi'en 3:10

on ɓorni neɗɗo keso mo ɗon hesɗito fodde jaati tagoowo mo, haa o yotto anndal timmuŋgal.

Kolossi'en 4:12

Epafras hoofni on. Kaŋko boo mo mooɗon, o jaggiiɗo Yeesu Almasiihu. O ɗon torano on tum bee tiinaare, haa on ndaro booɗɗum, on laato timmuɓe, muuyo Allah boo laamano on fakat.

1 Tessaloniiki'en 4:3

Ngam ndaa muuyo Allah: O yiɗi on laato laaɓɓe, on ndaayo daakaareeku.

Titus 3:5

o hisni en, naa ngam en kuuwi kuuɗe adiliije, ammaa ngam hinnuye maako, saa'i en keɓi danyeeki kesi bee baptisma, Ruuhu Ceniiɗo boo hesɗitini en.

Yaakuba 1:27

Ndaa ko hollata diina gooŋgaaha e ceniika yeeso Allah Baabiraawo: Hakkilango atiime'en e rewɓe yurumɓe nder ɓillaare maɓɓe e aynugo hoore muuɗum ngam taa duniyaaru soɓna ɗum.

Yaakuba 4:4

Onon yewɓe umrooje Allah! On anndaa soobrugo bee duniyaaru ɗum honugo Allah na? To on coobiri bee duniyaaru, nden kam on laatake konne'en Allah.

1 Piyer 1:14

Bana ɓikkoy ɗowtiikoy, taa tokke suunooji mooɗon ɗi tokkinooɗon yaake on anndaano gooŋga.

1 Piyer 1:18

On coottaama diga yahdu hallundu ndu on ndoni haa kaakiraaɓe mooɗon. On anndi on coottiraaka bee kuuje ɗe saman maaje ustoto bana kaŋŋeeri malla cardi,

1 Piyer 2:3

Ngam bana Deftere wi'i: “On metti mbooɗeeŋga Jawmiraawo.”

1 Piyer 4:2

Diga jonta, haa luttuɗum balɗe mooɗon haa duniyaaru, sey on njooɗo nder muuyo Allah, naa nder suunooji neɗɗo.

2 Piyer 1:4

Bana nii o waɗani en iinaaji ɓurɗi mawnugo e ɓurɗi saman haa on laato bana Allah wa'i nde nii on daɗi suunooji kalkooji gonɗi nder duniyaaru.

2 Piyer 2:20

To yimɓe ngurtake coɓe duniyaaru ngam ɓe anndi Jawmiraawo e Kisnoowo meeɗen Yeesu Almasiihu, nden ɓe ndokki ɗe laawol fahin, ɗe njaali ɓe, joonde maɓɓe jontaare halli ɓuri nde naane.

1 Yuhanna 3:13

Deerɗam'en, taa kayɗine to duniyaaru ɗon wanya on.

1 Yuhanna 5:19

En anndi en laati yimɓe Allah, koo nde duniyaaru fuu ɗon les baawɗe Kalluɗo.

Wahayu Yuhanna 12:9

Kuuŋga maapinndiiwa, waato mboodi nayeeri, nga ɓe mbi'ata Iblisa malla Sayɗaanu, zammboowo jooɗiiɓe haa duniyaaru fuu, sakkinaama haa lesdi, kaŋga e malaa'ika'en maaga fuu.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.